Претседателот на ВМРО-ДПМНЕ, Христијан Мицкоски, во гостувањето на емисијата „Прашањето ми е следно“ на порталот „Инфомакс“, изјави дека се залага за окрупнување на опозицијата против актуелната влада. Но, во дел од разговорот, објасни дека лидерот на „Левица“, Димитар Апасиев, избегнува да се сретне со него.
„Го побарав, да се видиме, каде сака, кај нас, на јавно место, кај нив, каде сака кафе да испиеме. Ми рече дека не може, е зафатен со подготвување амандмани, тогаш за онлајн седницата. Другиот ден го видов како пие кафе со Стојанче Ангелов. За мене немаше, еве јас сум ВМРО-ДПМНЕ, имаме ние 44 он има два пратеника. Еве до ден денес чекам, ми рече ќе те побарам, од тогаш помина месец и пол, ме нема побарано. Еве, повторно во вашата емисија го реактивирам моето барање, ајде да седнеме сите да се договориме и да го поразиме овој. За доброто на Македонија зборувам“, изјави претседателот на ВМРО-ДПМНЕ, Христијан Мицкоски.
И во друг дел од интервјуто, одговорите на Мицкоски оставија впечаток дека односите меѓу најголемата и најмалата опозициска партија не се добри. Запрашан од водителот на емисијата да даде дециден одговор- дали ако дојде на власт ќе ги поништи договорите со Грција и со Бугарија, Мицкоски кажа дека е против тие договори, но и дека не можат едноставно да се поништат. А за тие што велат дека ќе ги поништат, кажа дека не треба да се лаже народот за „да добиеме некој поен плус и да ја зголемиме нашата плата од 45 на 75 илјади денари“.
„Вие можете да ги поништите, нема никаков проблем. Ќе седнете и ќе ги поништите тие договори, ќе имате таму колку што треба во парламентот. Понатаму, треба да ги видите кои се консеквенците, за народот и за држата. Еве, јас Ви кажувам, ако договорот со Бугарија е ваков каков што е и ако се бара од нивна страна да се преговара за она што денеска се преговара, немам намера да преговарам и има тој договор важност една година, ако не се лажам, веднаш може да се напушти и да се преговара нов. Кога станува збор за договорот од Преспа, тој е меѓународен договор, ратификуван, со Уставни измени и така натаму. Имаше еден политичар во вашава емисија, овдека тврдеше ќе го поништел со 61 пратеник и така натаму, еве му 44 има од ВМРО-ДПМНЕ, нека го поништи утре. Е, утре ги има 44 од ВМРО-ДПМНЕ. Ај нека го поништи договорот… Ама ако не го поништи, да излезе и да се извини, дека го лаже народот. Јас не сум од тие лажни политичари, но да, се ќе сторам негативните последици од тој договор да ги анулирам и да, еден ден, ќе ја оставиме таа можност тој договор да се поништи. Не да го лажеме народот, не за да добиеме некој поен плус и да ја зголемиме нашата плата од 45 на 75 илјади денари“, изјави Мицкоски, алудирајќи на лидерот на „Левица“, Апасиев.
Во контест на договорот со Бугарија, Мицкоски објасни и дека информациите од Бугарија се дека ако на претстојните избори победи Бојко Борисов, набрзо потоа ќе се дојде и до решение. Но, уште еднаш ја промовираше и тезата дека Борисов го „платил“ доаѓањето на власт на Зоран Заев, со цел да се стигне до посакуван епилог за сите клучни прашања меѓу двете земји за кои се дебатира во овој период.
Чиста гарнитура без ниту едно дело против нив, со еден од најлошиот предавнички состав на сдс како противник, изгуби над 100к гласови и 7-8 пратеници за разлика од империјата на Груевски. Уште еден доказ дека џабе се и пари и членство и се, ако незнаеш како да владееш.
