Добра победа, многу добра после лузерскиот потег на Ханданович. Не прави често грешки, ама кога ќе ги направи, краш на цел систем му се дешава. Губи контрола на екстремитети, поглед во празно, рамењата му паѓаат, како во Westworld кога ги исклучуваа тоа андроидите за дијагностика да поминат.
Хакими е вистинска машина. Ги малтретираше по неговата страна. Тој малиот Димарко, главата не знаеше каде му е цело второ полувреме. Не знам зошто на крај го поништија голот, веројатно беше офсајд. Се надевам дека не свиреше фаул над Лукаку, или нешто слично.
Лаутаро конечно една одлична утакмица и од него. Најдобар на терен, заедно со Хакими и Бастони.
7-ма победа по ред, што треба да ја продолжат до утакмицата со Рома. Во вистински момент им се случува оваа серија, без разлика што имаа неколку грди победи претходно. Сега е добар момент да се соберат многу бодови, за да имаат добра позиција на пролет, кога другите тимови ќе почнат со европски фудбал, а Интер заедно со нас ќе почне со пристапните преговори за Европа.
