Како што реков, имало многу фамилии од костурско, охридско, па дури и од тие мијачки краеви како дебарско итн иселеници во Бугарија. Мислам дека нема таква статистика за тоа колку се иселиле од источните а колку од западните краеви за да можеме да кажеме со точност. Само знам дека од солунско и кукушко се иселени во огромен број бидејќи таму најмногу војни се водеа(Грците дури и го срамнија Кукуш со земја) и плус поради договорот за размена на население помеѓу Грција и Бугарија.
Односот помеѓу мијаците и брсјаците ми звучи како односот на населението од солунско кон торлаците или шоповите. Во југоисточна Македонија ако некој ти каже "Торлак идин" или Торлак еден, тоа е деградација, и обично се мисли на "глуп еден".
Ни Бугарите немаат преданија за некакви ханови ниту па за бугарските цареви како Симеон. Едноставно се работи за временски период од повеќе од илјада години и не гледам како би можеле да се зачуваат таквите преданија кога првото бугарско царство било ликвидирано од поодамна. Всушност, кога се зборува сличности помеѓу народите се мисли на сличности во јазикот и обичаите. А такви обичаи имало не дека немало. На пример, мартинката како што се нарекува во Македонија или мартеницата во Бугарија е обичај кој што е типичен за нашите краишта. Или пак Сурва, кој што е уште еден обичај споделуван од нас и Бугарите. Сурварите во солунско, или василичарите во Вевчани или сурвакарите во Пернишко итн.
А ако зборуваме за преданија за владетели тогаш му даваме тежина на тврдењата на Србите дека Македонците се Срби бидејќи имаат многу песни и преданија за Крали Марко како што е познат во солунско или Крале Марко во останатите делови на Македонија. Плус да не ја споменувам "славата", иако како обичај скоро и да не постои во солунско каде е најзастапен "именденот", во другите делови на Македонија е доста застапен.
Се разбира дека имало луѓе со "македонска" свест независна и од бугарската и од србската народност. Но како што забележа, таа се јавила покасно и од почетокот луѓето со таквата свест биле многу малку. Доколку си ја прочитал "За Македонците Работи" ќе разбереш и поради кои причини според сфаќањата на Мисирков требало да се појави таквата свест. Се си пишува таму. А тоа е за да се обедини словенскиот елемент во Македонија кој дотогаш бил поделен на Бугари, Срби и Грци. Но тоа не значи дека во Македонија немало Бугари, Срби и Грци и дека сите биле едно исто без разлика што зборувале на сличен јазик. Всушност, да замислиме една хипотетичка ситуација, а тоа е еден ден да исчезне македонизмот. Па јас мислам дека Албанци нема да ни требаат за да се уништиме. Тука ќе има граѓанска војна од најголеми размери. Ќе има Срби, Бугари, власите и еден помал славофон елемент ќе застане на страната на Грците па ќе се појават и "Грци". Значи ќе се вратат демоните од минатото. Затоа не е добро да се форсира било која страна а треба македонизмот да опстане.
