Еве го и Дачиќ, сега откако ние го решивме нашиот проблем, сега му се брза оти има само 2 години
https://www.mkd.mk/svet/vesti/dachikj-sega-e-dobar-moment-za-pridvizhuvanje-vo-reshavanjeto-na-prashanjeto-na-kosovo
Смета дека треба да се искористи моментот
Дачиќ: Сега е добар момент за придвижување во решавањето на прашањето на Косово
Министерот за надворешни работи на Србија Ивица Дачиќ оцени денес дека сега е погоден момент на меѓународен план да се направи придвижување во решавањето на прашањето на Косово бидејќи, како што кажа, прашање е како ќе се одвива ситуацијата во САД по следните претседателски избори.
Тој кажа дека треба да се искористи ова време за постигнување договор за Косово бидејќи „можно е на власт во Америка да се врати администрацијата која беше лоша за Србите“.
„Таа администрација не беше толку таа на Обама колку што беше на Клинтон. Прашање е колку враќањето на Бајден или некој од тој круг би било добро за нас“, кажа Дачиќ.
Според него, лидерите на косовските Албанци чекаат да се случат такви промени.
„За нас и тоа е опција, но мислам дека никогаш нема да успеат да станат член на Интерпол, УНЕСКО, а да не зборувам за членство во ОН“, кажа српскиот министер и изрази уверување дека многу брзо помалку од половината од членките на ОН ќе го признаваат Косово како независна држава.
Коментирајќи ги спротивните изјави на косовските лидери за можното разграничување, Дачиќ оцени дека станува збор за „какофонија, разногласие на шумови кои доаѓаат од Приштина со цел да не се донесе какво било решение“.
„Тие не очекуваа дека ќе бидат олку силни притисоците од меѓународната заедница да се укинат царините. Мислам дека САД нема поради тоа да ѝ воведуваат санкции на Приштина, но најавија рестрикции во воено-безбедносната соработка“, кажа Дачиќ.
