Ок, затоа велам зависи каде и какви станови. Некои инвеститори нудат исклучиво поголеми станови кои потешко се продаваат. Проблемот е да се разграничи дали не живее никој во моментот или не се продадени. Во нашата зграда неколку се спорни (затоа се празни), другите сите се купени, а 3-4 од купените никој не живее-ама се продадени. Затоа велам, новинарите треба да разграничат празен од непродаден стан.
Пред 3 години накај Пржино во нова зграда, додека се мислевме, за 2 недели станот го дадоа. Сега веќе цела зграда.
Во Александрија добар дел не се вселени заради калта и пристапот веројатно. Иако најголемиот дел од помалите се купени, дури и од 2те згради кои сеуште се во цигла/карабина.
Во 2 згради Влае кај игралиштата, едната е изградена и главно купена, другата во плоча веќе има интерес за помалите. Во Хром помал стан (35, 40, 45 м2) скоро и да не се наоѓа. Во Ѓорче, иако пониска цена, проблем е местото (стадионот, Санте...). Што значи, на пристојни локации (превоз, инфраструктура), помала добро испланирана површина и средена документација, најголем дел одат прилично брзо. Ако имаш проблем со компензација, подизведувачи, цесии, документи, локација...нормално дека ќе се празни.
Затоа и ставив инфо за цените во една или друга населба. Ако цената се одредува преку понуда/побарувачка, цените во т.н. атрактивни населби (???) би требало да се намалат и да се изедначат со оние другите инаку зашто разликите од Ченто, Хиподром или Север би биле толкави во однос на Мичурин, Тафталиџе, Имес или Ривервју. Скоро сите тие зависат од кредити. Нема резон, и во вториве населби градат албанци, и во првите (ако мислите дека едните се алчни за пари, другите не). Слично стои и за кириите.
Впрочем, од каде им на новинарите колку станови имаат сопственици, не знам.
Тој поим "зјаат празни" е недефиниран и веројатно се препишува или злоупотребува.
Патем, мислам дека годинава се одобрени добра сума станбени кредити така да цените, ако оди ова темпо доселба и градење, тешко дека ќе се намалат.
