Ги игнорираш затоа што лицемерието те мава по нос. Затоа ги игнорираш.
Канада е либерална демократија, а ти демонстрираш презир и гадење кон либерализмот генерално. Не ти се допаѓаат црнците, Кинезите, Индијците и Арапите, а во Канада голем број од популацијата е составена од црнци, Кинези, Индијци и Арапи.
Од друга страна ти се допаѓа лидерството на Путин и политичкиот систем на Сурков наречен суверена демократија (мека диктатура, со други зборови), кој е целосна спротивност на политичкиот систем инсталиран во Канада. Исто така, ти се допаѓа тоа што Русија има затегната политика кон емигрантите и што нема црнци, Индијци, Арапи и Кинези, Путин јавно
изјавува дека Европа нема иднина поради политиката кон емигрантите и дека ги напуштила традиционалните/семејни вредности итн.
Како што гледаш твојот вредносен систем е полн со парадокси. Од една страна во постот пишуваш дека Канада е земја со среден политички живот, либерална, еднаква кон сите, отворена и гостопримлива кон емигрантите (затоа и те привлекла), а неколку постови претходно пишуваше дека ти се допаѓа што во Русија на тоа видеото немало црнци, Арапи, Кинези, Индијци итн.
Ти ме потсетуваш на оној примерот од текстот
Long Distance Nationalism (стр. 11 и 12) од Бенедикт Андерсон. Во текстот се дава пример, за човек сикх од провинцијата Панџаб кој живее и води успешен бизнис во Канада, а во слободно време финансиски го поддржува сепаратистичкото движење Халистан. Финансиски го поддржува движењето за да се вооружат, им се восхитува на младите сикхи кои го жртвуваат животот за сепаратистички цели и нивните терористички акции кон невини луѓе, со различна религија. Ама од друга страна, не сака самиот да учествува во сепаратистичкото движење затоа што сака да им обезбеди на своите деца мирен живот, образование и успешна работа во Канада. Сличен си и ти, едно време пишуваше во темата Случувања во Македонија да сме ја 'кренеле во воздух' амбасадата на Кале, ти се допаѓа демек цврстата политика на Путин и Русија, одвратен ти е лицемерниот Запад, одвратни ти се либерали, одвратни ти се емигранти итн, ама самиот одбираш да живееш Западот поради причините кои го дефинираат -- отвореност на општествата и еднаква можност за сите, а во искрената и чесна Русија не ти се припарува.
Ова е детски наивна претстава за империјалните сили. Расипаните САД што не се држат до договорите, и чесните и добродушни Русија и Путин. Срамота е ако си дотерал до пензија и уште вака да размислуваш.