Бруцош сум и ми се падна 6та група, не ми одговараат предавањата поради превоз до дома, ќе нема со што да се враќам. Која е процедурата за поднесување молба за промена на група и дали одобруваат или пак џабе ќе се мачам ?
Можеш да промениш група на molbi.finki.ukim.mk , а можеш и поединечно да си го промениш и професорот. Пример може да се пратат молби за сите предмети за кои не си задоволен од соодветните професори. Во принцип сите молби се прифаќаат, ретко некоја да биде одбиена. Предавањата во 90% од случаевите се
незадолжителни , сепак со ретки исклучоци, најдобро да си прашате конкретно за даден професор кај постари колеги. Ако предавањата се незадолжителни, не значи дека не треба да ги посетувате, многу е важно да се држите за одреден распоред кој што самите ќе си го направите, но строго да го почитувате бидејќи без присуство на предавање, а уште поважно на аудиториски вежби... без тоа ќе ви биде претешко да го совладате материјалот.
Важно е само кој ти е матичен професор на iKnow, истиот ќе треба да те оценува, од кај него земаш потпис и оцена. Во текот на семестарот, доколку имаш некои обврски, не си успеал да стигнеш на предавање, истото можеш да си го надополниш за лична сатисфакција посетувајќи некоја од другите групи. Аналогно на последното, доколку немаш друга работа, некои предавања во една седмица можеш да ги слушаш и по 2-3 пати во 2-3 различни групи...
Задолжително ли е присуството кај Миле Јованов на ИТ системи за учење и дали уште првиот час се учи нешто и пушта список или онака лабаво само запознавање?
Не е баш задолжително затоа што услов за потпис по предметот е изработен проект и негова реализација со 40% т.е. мора да имаш минимум 16 поени од 40 предвидени за проектот. Останатите 60 поени од предметот се поделени на 40 поени колоквиуми (е-тест + есејски прашања) и уште 20 поени активност и учество. Во овие 20 поени влегува присуството, скоро секој час запишува присуство, ги чита студентите еден по еден и јавно се огласуваш дека си тука, не пушта список и нема шанса за манипулација. Доколку не посетиш ниту едно предавање, тоа значи дека ќе имаш 0 бодови од можни 20 предвидени за аудиториските вежби + предавања кои се премногу досадни. Во тој случај, се уште си во игра за потпис доколку го исполниш условот кој го напишав погоре, но ќе ти биде значително потешко да стигнеш до посакуваната оцена или евентуално положување.
Ова последново ќе да е.Инаку од прв ден почнуваат со предавања или нешто полабаво ќе биде, да знам дали да се опремам со тетратки и слични работи...
Уште од прв ден се почнува со материјалот, професорот ќе се претстави и ќе ве воведе во предметот во неколку минути, а потоа веднаш се почнува со првото предавање.
Доколку си на КНИ, тетратки би ти требале (по твој избор/желба) за предметите Дискретна Математика 1 и Калкулус 1. Доколку си на ПЕТ, тогаш само за ДМ1.
Сепак ова е релативно, зависи кој како сака, јас да се вратам бруцош би постапил како што ти напишав во мислењево..
