Еве два дена по историската глупот на хорхе (историска оти ќе се пишува во книги за овој негов потег, историјата ќе го памти и ќе му суди) сеуште не можам да разберам што сакаше да се постигне.
Ако Груевски е толку сигурен во резултатите на анкетите (во што и јас не се сомневам) зошто не прифати се што му бара СДСМ, па да нема ниедно, ама ниедно оправдување за одење на избори.
Оти реално изборите се едини начин да се реши ова, не е македонецот таков ков да руши влада на улица, особено не оваа опозиција.
Зошто Груевски не ги прифати сите барања на СДСМ за медиумите, ќе истрпеа 2-3 месеци без Латас и Миленко да ги фалат, без МТВ да биде партиска огласна табла, после избори ако победат никој немаше да ги спречи се да вратат по старо.
Зошто не им прифати Груевски се што бараа СДСМ за избирачкиот, нека им даде сите членови на ДИК да бидат од опозиција, нека им даде скроз нов, во 2016 направен список, од нула.
Нека остави СЈО да си тера, ако се стварно невини, или барем ако го имаат судството во раце (а го имаат) нема зошто да се плашат од обвиненијата, ако победат на избори после нека прават што сакаат со СЈО, ако народот на чисти избори реши дека сака обвинети политичари да го водат, тогаш тоа и го заслужува.
Сето ова, ако рејтингот е навистина таков, не знам зошто би било проблем да се прифати, и пред народот и пред меѓународната целата топка ќе ја префрли кај СДСМ, вака со аболицијава пак притисокот во нивни двор отиде.