УБЕДЛИВ ТРИУМФ НА "МЕТАЛЦИТЕ" НА ПРВАТА ПРОВЕРКА ВО БУГАРИЈА
"Полицајците" паднаа пред МЗТ Скопје
СПАРТАК МВР - МЗТ СКОПЈЕ 97:117
(35-23; 16-27; 15-33; 32-34)
Сала "Тријадица" - Софија. Гледачи: 50. Судии: Механџиев-Пелтеков-Алексиев
СПАРТАК МВР: Виденов, Бенчов 5, Дрнчев 11, Павлов, Најденов 16, Даракчиев 2, Тилев 17, Иванов 16, Дончев, Василев 10, Запранов, Маниолов, Капитанов 20, Ботев, Ставрев;
МЗТ СКОПЈЕ: Миленковиќ 6, Б. Николовски 4, Петровски 23, Караколев 2, Б. Јанески, Атанасоски 25, Стојановски 2, К. Николовски 14, Штериев 5, Мифтари 16, Бол 20, Лиотиковски;
Кошаркарите на МЗТ Скопје со победа над Спартак МВР (117:97) стартуваа на мини-турнејата во соседна Бугарија.
Посебно интересна, особено ако се знае дека во уводните пет минути домаќинот имал неверојатни 28-5.
"Со оглед на тоа дека имавме проблеми околу бугарската виза за Флоријан Мифтари и чекавме неколку часа во автобус, отидовме директно во сала" - појаснува Александар Тодоров. "Не треба да чуди што ни требаа неколку минути да си дојдеме на себе".
Но, с$ понатаму било на страната на "металците".
"Кога се наместивме, с$ беше поинаку, резултатот е сведок за тоа. Излегува дека за 35 минути сме дале 112 поени. Тоа не е малку, но не треба да биде мерило за играта "- дообјаснува Тодоров.
Атанасоски, Петровски и Бол ја надминаа бројката од 20 поени кај "сино-белите" од " Јане Сандански", кои синоќа играа во Самоков, против домаќинот Рилски Спортист.
На заминување, место дуелот со Балкан во Ботевград, "металците" ќе останат во Софија
"Место со Балкан, ќе играме против екипата на Славија од Софија во 10.30 часот по македонско време. Веднаш по натпреварот се враќаме во Скопје"- додава Драган Панковски, спортскиот директор на МЗТ Скопје.
Б. Радуловиќ
http://www.sport.com.mk/?ItemID=7B569C14E28AEF48B17B29380A77259A
Copyright © 2004 Македонски Спорт 2004