„Сите ќе ве ликвидираме. Сакаме наша држава“, биле зборовите на 40-тината терористи со маски на УЧК што утрово околу 2:30 часот ја нападнале караулата во Гошинце, јавува МВР.
Според информациите од полицијата, станува збор за добро вооружена група што комуницирала на албански јазик. Заробиле 4 полициски службеници и им ги врзале рацете со лисици, а едниот полицаец бил и удиран.
Портпаролот на МВР Иво Котески соопшти дека државните институции утрово беа цел на терористички напад, кој бил извршен на караулата Гошинце на северната граница.
Вооружените лица биле во маскирни униформи со ознаки на УЧК и меѓусебе комуницирале на албански јазик, а имале и преведувач, кој зборувал на лош македонски.
Полициските службеници што биле дежурни на караулата биле разоружени, на тројца им биле ставени лисици, а еден бил и удиран.
Теористите извадиле и камера и го снимале инцидентот.
Лицето што ја предводело групата на службениците им се обратило „Ние сме од УЧК, пренесете дека ниту Ахмети ниту Груевски не можат да ве спасат. Сакаме наша држава, а не некакви охридски договори. Никој не смее да дојде нагоре. Ако вас или друг фатиме повторно, ќе ве ликвидираме“.
По ова на заробените полицајци им било дадено време од 30 минути за пеш да заминат од караулата. Одземено им било оружјето, радиоопремата, а мобилните телефони им биле искршени.
По половина час еден од полицајците што не бил врзан ги ослободил другите тројца и сите заедно избегале.
Караулата во моментов е празна, вооружените лица си заминале, рече Котевски.
Котевски рече дека неофицијално, станува збор за лица од Косово.
http://www.mkd.mk/makedonija/politika/nie-sme-od-uchk-ni-ahmeti-ni-gruevski-nema-da-ve-spasat-sakame-nasha-drzhava
--------------------------------------------------------------------------------------------------------------
Ова сликава од таму е? ИСИС