Хезболах: Исламските екстремисти го навредуваат Мухамед повеќе од карикатурите
Шефот на шиитскиот либански Хезболах во петокот оценил дека џихадистите што роварат низ светот му нанесуваат поголема штета на исламот од карикатурите со Мухамед, не споменувајќи го директно масакрот во парискиот сатиричен неделник Шарли ебдо.
„Во овој момент повеќе од кога било треба да се зборува за пророкот, поради однесувањето на некои терористички групи што се повикуваат на исламот“, рекол Хасан Насралах, чија шиитска партија се бори против сунитските џихадистички движења во Сирија, заедно со режимот на Башар ал-Асад.
„Со нивните одвратни, насилни и нехумани дела тие групи им нанесуваат штета на пророкот и на муслиманите повеќе од нивните непријатели, повеќе од книгите, филмовите и карикатурите што го навредуваат пророкот“, додал шефот на Хезболах во ТВ-говор.
„Ова се најлошите злосторства во историјата што му нанесле штета на пророкот“, рекол Хасан Насралах.
Тој алудирал на славниот спорен роман на Салман Ружди „Сатански стихови“, поради кој ајатолахот Хомеини во 1989 година фрли фатва на авторот, на антиисламското видео „Невиноста на муслиманите“, кое покрена жестоки манифестации во муслиманскиот свет во 2012 година и на карикатурите на Мухамед што ги објави данскиот весник во 2005 година, а ги пренесе неделникот Шарли ебдо.
Насралах не го споменал ниту го осудил нападот врз Шарли ебдо, во кој во средата во Париз беа убиени 12 лица.
За време на скандалот со карикатурите објавени во данскиот весник, Хезболах, како и голем број исламски партии, се побуни против овие цртежи и повика на протести.
Насралах алудирал на Франција со изјавата дека џихадистите во Сирија, Либан, Ирак, Авганистан и Јемен извршиле злосторства. „Злото денеска стигна во државите што ги извезуваа тие екстремисти кон нашите земји.“
Голем број од членовите на џихадистичките групи во Сирија и Ирак се западњаци, вклучувајќи Французи, Американци и Британци.
Со поддршка на Техеран шиитскиот Хезболах е во војна со бунтовниците и џихадистите во Сирија, тврдејќи дека го бранат Либан од екстремизмот.
За колку време ова ќе го гледаме тука?
КАЗНАТА КОЈА ЈА ДОБИ ЕДЕН САУДИСКИ ЛИБЕРАЛЕН АКТИВИСТ ГО ШОКИРАШЕ СВЕТОТ...
Саудиски либерален активист денеска беше јавно камшикуван по петочната молитва пред џамија во градот Џеда, соопшти организацијата за заштита на човековите права „Амнести Интернешанл“
Активистот Раиф Бадави, основач на интерент страницата „Слобода на саудиските либерали“, беше упасен во јуни 2012 година под обвинение за „кибер криминал и непочитување на татко му“. Обвинителството бараше Бадави да биде осуден за „отстапување од верата“, за што следува смртна казна, но Судот го одби ваквото барање.
Судот првично го осуди Бадави на седум години затвор и 600 удари со камшик годишно, но по жалбата на Обвинителството тој заработи затворска казна од 10 години, глоба од еден милион рупии (266.666 долари) и 1.000 удари со камшик годишно.
„Амнести“, повикувајќи се на очевидец, тврди дека Бадави во окови бил доведен на плоштадот пред џамијата, каде потоа пред насобраните верници добил 50 удари со камшик по грбот.
Според „Амнести интернешанл“, останатите камшикувања ќе бидат извршани во следните 50 петоци