Пред се’ треба да се земе во предвид целокупната ситуација од изминатата година и како постепено се зголемуваше конфликтот во арапските земји со интервенција на Западот, свесно допринсувајќи во ескалирање на воените судири и директно учествувајќи во насилна смена на неколку режими без притоа да се осигура цивилизиран крај на судирите и излез од хаосот.
После бомбардирањето на Либија, веќе година дена и сеуште се води граѓанска војна. Во Египет неколку пати е правен наизменичен преврат. Во Сирија и понатаму се носат платеници и се поттикнува дополнително страдање. Во Ирак после успешното окупирање земјата и понатаму е во тотална класно-секташка војна од чија територија се создаде уште поголема колевка на разно разни групации со нејасни цели, настрана од оние што се застапуваат во медиумите.
Дека ништо не е случајно, особено во насочување на јавното мислење во западните земји, одамна сме дискутирале и посочувале на исценираните напади и подметнувања вина за создавање клима за посакуваното воено и политичко делување.
Тешко за верување е дека нема координираност меѓу демонстрациите во Германија и овој настан, кој секако ќе допринесе за зголемување на нетрпеливоста меѓу европските граѓани кон се’ што има исламски предзнак.
Да не заборавиме дека кон ова се придаваат и настаните од трговскиот центар во Нигерија, со тоа појавувањето на Боко Харам, колежите во Мали и бомбардирањата на Франција. Колењето по улиците на Англија, исто африканец. Веројатно сум испуштил нешто.
Може тука да се вброи и Смилковско, со неверојатната исламистичка кореографија на демонстрациите кои следуваа поттикнати во албанските кругови.
Тоа е шемата за создавање контролиран хаос, зголемување на ризикот и профитирање со политика на сеење страв.
После се случува ова што се случи во Франција, посочување на виновниците како Алжирци и нивниот радикален ислам.
Понатаму развојот на настаните не е тешко да се предвиди, а доколку луѓето како Темплар55 се малку, тогаш ќе се случи уште некој инцидент за конечно да ве убедат дека арапите/исламот/имигрантите се дефектот кој треба да се отстрани, се разбира со легална употреба на сила и нивните држави треба да се вратат во колонијалната прегратка на поранешните освојувачи.
Населувањето на мигрантите од Африка беше свесно допуштано до прекумерност и свесно гетоизирано, етикетирано и користено во политичките агенди. Зошто тоа се правело и кому овој развој на настаните највеќе му одговара пресудете самите, но дајте си малку време да се смири ситуацијата и да погледнете уште еднаш потрезвено.
Сега веќе скоро да нема враќање, се поверојатен е судирот на “христијанството“ и “муслиманството“ во кои мнозинството не е свесно за манипулацијата и пресметано ќе реагира врз основа на своите емоции и припадност.
И така Владите или оние кои се претставуваат за такви, ќе продолжат да креираат секакви инциденти, сајбер напади, бомбашки напади, сечење глави, уривање авиони, се со цел реализирање на своите “средовековни“ политики на контрола.