Твојот пост доста ме загрижи.
сакав да ставам печка во стан, ама цевките да ми бидат долги околу 6 метри со 3х90степенски кривини, од кои 4м во хоризонтала, и башка да ги затворам со Termo izol и керамичко платно...
Дали си се заинтересирал дали постојат на пазарот циклони за ваква намена?
Во мелничката индустрија циклоните успешно го решаваат проблемот со ситната прашина(паспаљ) при многу поголема циркулација. Дали можеби тој проблем на таложење пепел, нема да се реши со обичен таложник(Т профил) веднаш после првата кривина и циклон.
Ама ако велиш дека е толку сериозно при поголема должина на издувните цевки, доколку на пазарот нема вакви реениа, ништо од мојот проект.
Доколку планираш да купиш печка на пелети, а не котел на пелети, тогаш можеби нема да го имаш тој проблем.
Јас користам котел на пелети, кој е поврзан со радијаторите во секоја просторија во 4 собниот стан, вклучувајќи го и радијаторот во купатилото, па можеби затоа се таложи пепелта бидејќи котелот е голем и грее 4 простории.
Печките на пелети од друга страна, не можат да се поврзат со радијаторите и се многу помали, па претпоставувам дека се и полесни за употреба и за одржување.
Можеби проблемот е во производителот.
Мојот котел на пелети го има произведено македонска фирма Милкуз од Охрид со италијанска лиценца, додека во продавниците за котли и печки на пелети, како на пример Меркур во Автокоманда, продаваат печки и котли на пелети ЕкоШпар, произведени во Словенија.
Не сум го испробал тоа решение циклон, не знам ни како функционира.
Лично ти препорачувам убаво да се распрашаш во салоните кои ќе ги посетуваш, а каде што продаваат печки и/или котли на пелети.
Еве овој охриѓанецов, кога пред 2 години го купивме котелот на пелети од кај него, воопшто не ни кажа дека котелот мора да се отвора еднаш годишно за да се исчистат внатрешни цевки кои не можат да се извадат, а кои се полнат со пепел.
Мајка ми му се јави откако кујната почна да мириса на чад, по што тој после дури 2 години, ни кажа дека котелот мора да се отвори и да се исчистат тие внатрешни цевки. Правосмукалката за пепел и ситна прашина што ја купивме специјално за чистење на котелот, сепак е мала и не може да собира многу прашина и пепел, поради што едно 10 пати ја отворав и го тресев филтерот полн со пепел додека ги чистев тие цевки.
После ваквото искуство што го имав со таа охридска фирма Милкуз, не ја препорачувам на никого. Ај што упатството што ни го даде е на англиски јазик - на мене лично англискиот јазик не ми претставува проблем, но останува фактот дека можел да ангажира преведувачи за да го преведат на македонски јазик тоа упатство кое нема ни 10 страници - туку и да не ни каже дека треба да се отвора котелот и да се чистат тие внатрешни цевки еднаш годишно, за мене лично е многу несериозен однос од негова страна.
Но словенечките ЕкоШпар печки и котли на пелети можеби работат на поинаков принцип и можеби има полесен начин за чистење на тие внатрешни цевки, или па можеби има механизам за нивното чистење, наместо да се отвора котелот.
А кога сме кај печките на пелети, не верувам дека тие печки ги имаат тие внатрешни цевки бидејќи се многу мали.
Доколку имаат внатрешни цевки, како би ги чистеле истите, кога се толку мали ?
Затоа ти препорачувам да се распрашаш за чистење и одржување на печката/котелот на пелети кој(а) планираш да ја/го купиш.
• Дали ја/го даваат со упатство на македонски јазик ?
• Колку време трае гаранцијата ?
• Како се чисти и одржува ?
• Дали има внатрешни цевки кои мораат да се чистат еднаш годишно или некои други елементи кои бараат редовно одржување ?
Какви и да ти се плановите, држи се настрана од Милкуз охриѓаните, знам дека не е добро да зборувам вака за нив бидејќи таму работат охриѓани кои од склопувањето на тие печки и котли на пелети си го заработуваат лебот, но останува фактот дека се несериозна фирма, освен ако во меѓувреме се подобриле, а јас лично не верувам во тоа.
