Ќе се полага државен испит во 2-ра и 4-та година (Студентски пленум)

[Mondonico]

Најлошо во врска со екстерното/државен испит или како сакате наречете го е тоа што го лансираа во јавноста премногу рано, без никакви конкретни објаснувања или модел на изведување. Многу голема грешка беше тоа од страна на Владата бидејќи можеби ако прво изготвеа конкретен модел или начин на спроведување студентите подобро ќе можеа да го разгледат и да се произнесат по тоа, без никакви нервози и претпоставки. Сите знаеме дека најлошо кога една работа е само зачната, а не и објаснета.

Еве на пример јас кога првпат слушнав за тоа ми излегоа многу прашалници во главата. Дали тестот ќе ги опфаќа на крајот од втора година сите предмети од прва и втора? Дали ќе биде еден тест или повеќе? Ако се повеќе ќе се полага поединечно по предмет или повеќе предмети на еден тест? Какви ќе бидат критериумите за оценување? Кој ќе ги состави тие прашања, кој ќе ги прегледа? Дали реално Македонија поседува независен квалификуван кадар кој како прво има законско право да состави и прегледа прашања за високо образование?

Јас како што знам на еден тест да ставиш прашања од 20 предмети на пример е крајно нелогично. Од друга страна да биде поединечно тоа би биле премногу тестови. После тоа малку е дискутабилно составувањето и прегледувањето на тестовите. Професорите на факултетите како што знам по звање се доктори на наука што претставува највисок чин од некоја област. Не ми се верува да постојат луѓе со исти квалификации кои се независни од државата, универзитетите или другите институции. Тоа му доаѓа како да се направи закон кој го контролира уставот.

Овие работи и многу други придонесоа да се создаде конфузија и револт што е сосема оправдан.

 

[Realen.]

ВМРО-ДПМНЕ: СДСМ стои позади манипулациите и невистините за екстерното
http://www.sitel.com.mk/vmro-dpmne-sdsm-stoi-pozadi-manipulaciite-i-nevistinite-za-eksternoto

Абе овие од ВМРО ептен биле ментални, најискрено не знаев дека биле толку будали и смешни.

 

[Chemical Angel]

Почна PR машинеријата да работи. На крајот ќе испадне дека секој што ќе го полоши испитот/екстерното или како сакате каже го ќе може да работи на државно

 

[Bojan Van Buuren]

@Mondonico а кога си видел ти некоја работа да е стварно добро објаснета пред да биде донесен законот/измената ?
Се што се објавува пред постапката е секогаш начелно, а кога веќе нешто подетално објаснуваат секогаш на тоа објаснување следат и зборовите „е веќе во законодавна постапка“ и никогаш нема јавна дебата.
Башка коа ќе видиш дека преку 90% од законите се донесуваат во скратена постапка, без да има логично објаснување зошто тоа се прави во скратена постапка, кога ќе видиш дека собранието место контролор на извршната власт се сведува само на „печатница“, кога ќе видиш дека се ама буквално се во општеството е поделено на црвени или плави, коа ќе видиш дека ајде грубо проценето 80% од студентите и воопшто од народот (кој меѓу другото е многу прост) немаат свест дека можат нешто да променат, колку и да си оптимистичен и колку и да си викаш „ќе се борам, нема да се откажувам“, ти иде да го фатиш првиот авион/автобус и да отидеш у...

 

[Триптико]

Студентите манипулирани од некои структури? Па оној неписмен министер е "тие структури"!!! Ќе тестирале дали професорите реално оценуваат...К*р мој! Како ќе тестираат, преку знаењето на студентот? Што не "запишат" нивни "студенти" кои ќе се обидуваат со поклони, ручеци и пари да добијат повисоки оцени, па така да проверат кој како оценува... А, најглавното...еве да фатат дека некој оценува "од ракав" или "продава" оцени, ќе му ја одземат титулата со забрана да биде професор доживотно? Нема. Тогаш мукла, мм ви е!!! [emoji35]

 

[Рудници и]

Правилен наслов за ‘веста‘ на Срањетел би била:
Дупење во здрав мозок - vol. 83149
и сите други вести со истиот наслов и различен број.

Еве на пример јас кога првпат слушнав за тоа ми излегоа многу прашалници во главата. Дали тестот ќе ги опфаќа на крајот од втора година сите предмети од прва и втора? Дали ќе биде еден тест или повеќе? Ако се повеќе ќе се полага поединечно по предмет или повеќе предмети на еден тест? Какви ќе бидат критериумите за оценување? Кој ќе ги состави тие прашања, кој ќе ги прегледа? Дали реално Македонија поседува независен квалификуван кадар кој како прво има законско право да состави и прегледа прашања за високо образование?

Јас како што знам на еден тест да ставиш прашања од 20 предмети на пример е крајно нелогично. Од друга страна да биде поединечно тоа би биле премногу тестови..

Добро спомна @Bojan Van Buuren , кога некогаш/последно/воопшто се консултирале со луѓето кои ги донесле на позиција за некаква одлука?Еве последно со казните за возачите, казните за работа на самоуки мајстори без лиценца, казните ако не го пријавиш комшијата за дерење низ дома...уствари се е казнена политика.Никаков напредок.
Ако некој ги донесол на власт не е потврда за 100% согласност за сите нивни одлуки.На крај, нивниот број е само 25% од сите граѓани.


И сега за екстерново сите си отвораме сценарија.Чудни работи можат да испаднат.
Хипотетички:
Имаш 20 испити во 2 години (некој просек 4 семестри по 5 испити).
Прашање:

Ситуација 1:
Си положил 10 испити, 10 ти се за следен колоквиум или презапишани.Имаш екстерно.
- Екстерното ќе е за сите предмети или тие 10?
Ете нека е за сите предмети, ти си го положил екстерниот по некоја случајност или среќа, а 50% испити дотогаш не ти се положени.

Отвораме мал милион други потпрашања:
- Ако падниш на екстерното завршуваш со факултет или полагаш друго екстерно после полагањето на останатите 10?
- Ако некој паднал екстерно со прашања за 20 испити, а положил 20/20 испити, а ти си положил екстерно со прашања за 10 испити (а другите 10 ‘на чекање‘), кој е подобар студент?
- А тие десет ако ги завлечиш до четврта година - до следното тестирање?
- Па ако го положиш екстерното во 4-та, без тие 1,2,3...10 неположени?

Какво е значењето на екстерно во случајов?

Ситуација 2:
Си положил 20 од 20 со јак просек (под претпоставка дека не се поклони оцените).Паѓаш на екстерно.Завршуваш со факултет.Емигрираш.

Какво мерка и за која цел ќе е екстерното?


На колку души овде им се случило да не се сигурни за испитот и се мислеле дали воопшто да се појават на полагање, па положиле со висока оцена...Едноставно им се погодиле прашањата од тие 22% кои ги прочитале од материјалот.
Некој друг го спремал испитот 3 недели и на испитот го фатило паника и паднал.

 

[GoD.HateUSaLL]

Кај живеам

 

[Mondonico]

@Bojan Van Buuren @Рудници и

Апсолутно сте во право и двајцата. Токму тоа сакав да го кажам дека необјаснувањето на процесот и многуте прашања кои се појавуваат со негово само најавување се тие што ги разгореа студентите. И токму од тука произлегува правото да се протестира во врска со оваа одлука. Свесен сум каде живеам, ама протестите беа една од најпозитивните работи во последните години. Барем покажаа дека има луѓе кои одат над стравот и притисокот кој не демне речиси сите.

Протестот иако беше конкретно за екстерно, сепак мислам дека повеќе работи опфати во врска со студирањето. Па дури и мислам дека не мора само студенти да се приклучат, туку било која структура од народот.

 

[Триптико]

А зошто воопшто почнува менување на дебатирањето во насока: ајде,нека има тестирање,ама...и можни методи на тестирање? Еднаш, јасно изјаснете се: Сакате тестирање (на било кој начин) или не сакате? Таа нивна машинерија и пропаганда ќе ве натера да ја заборавите првичната причина за пружање отпор. Темава почна да наликува на пазарење. Нема веќе отпор кон тестирањето, прифатено е и ајде сега ќе преговараме колку ќе го јадеме стапот...

 

[Hank Moody]

Две работи сакам да ги искоментирам кои денеска излегоа во јавност.

„Не е вистина дека ако студентот не го положи државниот испит, ќе изгуби година, оцена или услов, туку државниот испит може да го полага неограничен број на пати, се додека не го положи.“

“За да им се олесни на студентите и полагањето на испитот, Министерството за образование и наука ќе објави базен од прашања, кои ќе бидат јавно достапни.“

Ако целта на испитот кој ќе биде државен, екстерен или како и да биде формулиран е подобрување на образованието, се поставува прашањето како ќе се подобри истото кога ќе има неограничен број на полагања и однапред ќе се даваат прашања?
Ова е толку хаотична реформа која не дава никаков резултат. Ниту со ова ќе се подобри образованието ниту пак ќе се провери кој професор заслужува да предава а кој не.
За мене поголема реформа ќе беше да обезбедат книги и превод за многу факултети кои уште користат скрипти по некои предемети и книги од поранешната држава, него ли воведување на ваква непотребна работа.

 

[enigmaticcautious]

Придружете се !!!

 

[Bojan Van Buuren]

А зошто воопшто почнува менување на дебатирањето во насока: ајде,нека има тестирање,ама...и можни методи на тестирање? Еднаш, јасно изјаснете се: Сакате тестирање (на било кој начин) или не сакате? Таа нивна машинерија и пропаганда ќе ве натера да ја заборавите првичната причина за пружање отпор. Темава почна да наликува на пазарење. Нема веќе отпор кон тестирањето, прифатено е и ајде сега ќе преговараме колку ќе го јадеме стапот...

Како го заклучи ова ?

Придружете се !!!Прегледај го приврзокот 107358

Протест во Штип или протест на УГДовци во Скопје ?

 

[enigmaticcautious]

Како го заклучи ова ?


Протест во Штип или протест на УГДовци во Скопје ?

Во Штип

 

[Realen.]

Со еден потег можат да го решат проблемот, нека се воведе приемен испит и готово.. Значи после завршувањето на средното образование, кој што ќе сака да се запише на факултет да мора да полага приемен испит, и ете крај на дилемите... И така високото образование не е задолжително..

 

[Ilumious]

Со еден потег можат да го решат проблемот, нека се воведе приемен испит и готово.. Значи после завршувањето на средното образование, кој што ќе сака да се запише на факултет да мора да полага приемен испит, и ете крај на дилемите... И така високото образование не е задолжително..

Да, вака најдобро. И така државната матура е чист промашај. Сакаа да направат нешто како американските и британските SAT & GCSE , видела жабата го потковуваат коњот работата.