Темава e наменета за дискусија на односите на Македонија со светот. Затоа е отворена во подфорум Свет. Како според Вас Македонија треба да се позиционира во односите со Западот и Истокот? Како треба да се поставиме со нашите соседи?
Само една забелешка, бидејќи мојот пост беше реакција на твојата теза, би било добро да ги вклучиш двата во овој воведен пост на новата тема.
Тоа е точно. Да ги погледнеме симптомите на една нестабилна држава:
- големо малцинство
- непријателски соседи
- слаба економија
Македонија една од ретките земји што "боледува" од сите овие симптоми. До некој степен може да се рече дека опстанокот и целоста на Македонија е парадоксална. И сепак има нешто што не стабилизира. Како машина што оджува болен пациент во живот, нешто ја оджува целовитоста на Македонија. Што?
Доколку би ти одговорил на прашањето при вака погрешно поставена хипотеза тогаш нема да извлечеш корист од тоа.
Македонија не е нестабилна ниту боледува од некакви ретки симптоми. Тоа што некој ги насочил силите кон злоупотреба на чувствителните елементи во дадената земја за да извлече корист, не значи дека оставена сама на себе, народот и земјата не се во состојба да постигнат природна рамнотежа и прогрес во сите сфери.
Работите се компликуваат кога надворешните фактори дејствуваат без наша можност подеднакво да реагираме. Позната ти е изреката “употреба на политика на сила, а не сила на аргументи“?
Ова е исто како да тврдиш дека си открил топла вода. Фактички, на посложен начин, дури се повика и на експерти, објави дека големите сили користат ПОДЕЛИ, ПА ВЛАДЕЈ. Нешто што е познато од антички Рим.
Јас не тврдев дека сум го открил, туку согледал во нашата ситуација. А бидејќи ти пропушти ова да го земеш во предвид, си реков да те потсетам.
Доколку Македонија почне да флертува со Русија, која лозинка ќе ја активира Западот?
Имаат многу на избор.
Во моментов и во скора иднина немаме добри изгледи да се надеваме на неутрализирање на западното влијание. Премногу сме кревки во многу клучни точки за да можеме суверено да ја креираме нашата политика.
Затоа спомнав на друга тема, мораме да симулираме сојузништво со западот на ист начин како тие, а притоа суптилно да наоѓаме начини за пласирање на нашите национални интереси.
Повторно - раздели, па владеј. Не знам што целиш со ова. Запад уценува, а Русија не уценува?
И ние би уценувале доколку би ни се пружила можност. Бидејќи сме далеку од таква можност она што ни останува е да ги балансираме влијанијата на уцените и од Западот и евентуално од Русија.
За да можеш сепак да ја штитиш својата позиција мора постојано да имаш алтернативи, со тоа сакам да кажам дека мора да се најдат алтернативи и на алтернативите.
Ако нема такви треба да се создадат, не мора да бидат од иста големина како гореспоменатите две, меѓутоа најдобра алтернатива за политиката “Раздели па владеј“ е политиката за сплотување на помалите, формирање на сојузништво и влијателно лобирање едни за други.
Нашиот проблем е со Грција, не со Западот. Грција има вето во НАТО, таква е структурата на НАТО. Словенија ја блокираше Хрватска, се додека не се договорија за нивниот спор. Што треба САД да направи, да ја бомбандира Грција? Им вршеа притисок на самитот во Букурешт, вршеа притисок за признавање на Косово, Грците не попуштаат. И сега вестите дека Грција ќе го признае Косово, за мене значат дека Грција попрво би потклекнала на тоа прашање, но не и за Македонија. Според мене, планот на Грција е, ќе ги блокираме Македонците од НАТО и ЕУ, ќе се разочараат и ќе се свртат кон Исток и САД ќе ги сј*бе. На кратко.
Ако си дозволиш таква мисла, тогаш нашиот проблем сме ние самите. Сите тие “права на вето“ се применуваат бидејќи им се дозволуваат, а не дека не можат да им ги одземат. Повторно наивно настапуваш или живееш во утопија за меѓусебниот консензус и хармонија во НАТО сојузот. Никогаш не заборавај дека и во НАТО има држави шефови.
А што мислиш дека Грција ќе добие за признавањето на Косово?
Тоа се обидувам да ти го кажам, дека и нашата земја треба да се пазари и дипломатски уценува доколку сака да добие нешто.
Признавањето на Косово не е потклекнување на Грција, туку знак дека направила добра
трговија на интереси, штета што не знаеме што ќе добие она.
Доколку во моментов се одлучиме на радикално менување на официјалните “стратешките сојузништва“ тогаш секако скапо ќе платиме. Но, не заборавај дека Грција и те како ја користи Русија во аспект на своите интереси. Јас не видов грчко бојкотирање на руските нафтоводи или оштро спротивставување на руската политика по било кое прашање. Напротив тие се во одлични односи и Грците нема да се откажат од нив заради интересите само на САД.
Проучи ги малце руско-грчките односи од повеќе гледишта, економски, религиозен и историски.
По таа логика НАТО не требаше да ги прими ни Албанија, ни Хрватска. Што добија САД од Албанија, од тоа што веќе го имаа? Имаа тотална контрола врз Албанија. Албанија има поголемо малцинство во Грција, Црна Гора и Македонија и би била поефективен џокер за уцена.
Секоја земја има различна тежина според своето значење. Жал ми е ако те разочарам, но Македонија има најмало значење во регионот.
Без Албанците проекциите за геополитичката доминација на САД врз Балканот ќе беше многу тешко остварена. Албанците и Хрватите беа џокерот против Србија, а многу позначајно за Албанците беше Косово отколку нивното малцинство во Грција, пред се’ бидејќи првото беше полесно изводливо и пореално ако земеш во предвид дека Србија беше против НАТО и отворено се декларираше за руски сојузник, без притоа да ја искалкулира својата позиција и капацитетот на Русија. Ете затоа реков дека во моментов и скора иднина ние мораме да играме според западни правила.
Од друга страна, поради излезот на море, формализирањето на членството во НАТО на АЛБ и ХРВ многу повеќе ќе им користи на Американците во распоредување на дополнителни сили во Медитеранот и не допуштање на туѓо влијание.
Како и да е, некои (повеќето)работи никогаш нема да ги дознаеме или погодиме водејќи се од нашата логика. Затоа да те замолам без непотребно филмање дека со дискусиите овде сме блиску до конечното разбирање на политиката во надворешните односи.
Поздрав
