Коа ќе идете у КСА, ќе се претставувате како Будисти?
Саудиска Арабија ги прогласи сите атеисти за терористи – 3 до 20 години затвор
Саудиска Арабија со нови, „антитерористички“ закони ги прогласи за терористи сите атеисти, мирни демонстранти и сите што одат да се борат во странство.
Саудиска Арабија воведе нова серија закони, кои ги дефинираат атеистите како терористи, се вели во извештај на Хјуман рајтс воч, пренесува
британски Индипендент.
Со низата кралски декрети и сеопфатни нови закони за справување со тероризмот општо, саудискиот крал Абдула ќе ги казнува сите форми на политичко несогласување и протести што „би можеле да му наштетат на јавниот ред“.
Новите закони во голема мера се донесени за борба против растечкиот број Саудијци што патуваат да се борат во граѓанската војна во Сирија, кои претходно се вратија од таму со нова обука и идеи за соборување на монархијата.
За таа цел, кралот Абдула ја издал Кралската уредба 44, според која криминал е и „учеството во непријателствата надвор од кралството“ со затворски казни меѓу три и 20 години, вели Хјуман рајтс воч.
Членот 1 од новите одредби го дефинира тероризмот како „повик за атеистичка мисла во која било форма, или доведување во прашање на основите на исламската религија на кои се базира оваа земја“.
Џо Сторк, заменик-директор на Хјуман рајтс воч за Средниот Исток и Северна Африка, вели: „Саудиските власти никогаш не го толерирале критицизмот кон нивните политики, но овие најнови закони и регулативи го претвораат речиси секој критички израз или независно здружение во терористичко злосторство.“
Организацијата вели дека новите правила за „тероризам“ содржат реторика што обвинителите и судиите веќе ја користат за да ги обвинуваат и да ги осудуваат независните активисти и мирните дисиденти.
чекај бе маљо... то му доџе као на куб, ха? Куку... че га јадеш стап.