Nine Inch Nails е бендот кој е заслужен за популаризирање на индастријал рокот. Создаден од генијалниот Мајкл Трент Резнор, NIN е one man band, бидејќи Трент е креативната сила, тој е главниот инструменталист, пејач, текстописец, одговорен за се‘ што е и ќе биде бендот. Често пати има изјавувано дека при создавањето на својата музика воопшто не мисли за тоа како другите луѓе ќе реагираат и дали ќе ја прифатат, бидејќи таа секогаш е одраз на тоа како навистина се чувствува и ја прави за своја душа. Додадете и дека е перфекционист, се чини дека ова е вистинскиот рецепт за успех со оглед на тоа дека заинтересираноста на фановите не стивнува ни по две децении.
Во текот на своето постоење од 1988 година па наваму NIN има издадено 8 студиски албуми: Pretty Hate Machine, Broken, The Downward Spiral, The Fragile, With Teeth, Year Zero, Ghosts I-IV, The Slip и последниот Hesitation Marks кој излезе овој месец, или 9 ако го вклучиме и Broken кој Резнор го има издадено под псевдоним.
Низ албумите можат да се најдат песни за сечиј вкус и за секакво расположение, од енергични и брзи песни како Wish, Head like a hole, Terrible lie, Mr Self Destruct, Gave up, па се до емотивните And all that could have been, The day the world went away, Reptile и секако незаменливите Something I can never have и Hurt. Текстовите на песните најчесто се мрачни, зборуваат за бунтовноста, бесот, лутината, болката низ која Резнор поминувал. Не треба да ги заборавиме и инструменталките Gone, still; Adrift and at peace и Just like you imagined.
Ова е еден од оние бендови за чиишто настапи вредат да се дадат и последните пари. Покрај атмосферата и енергичноста при настапувањето, тука се и спектакуларните визуелни ефекти кои го прават сето тоа да е незаборавно искуство.
Интересна работа кај НИН е тоа што членовите што учествуваат во снимањето на албумот, ретко се дел од лајв бендот. Резнор секогаш бира луѓе кои што се талентирани и мултиструменталисти, бидејќи понекогаш е потребно за време на еден настап еден член да свири на повеќе инструменти.
Неколку песни
Од мене толку, оставам на вас да кажете колку и зашто ве бендисуваат, кои ви се омилените песни, а кои не толку омилени, дали последниот албум ви се допаѓа, дали повеќе ги слушате студиските верзии или пак лајв настапите... Ајмо децо, bring it on
?
)