Фан клуб - РК Металург

[HristijanWR10]

Балиќ го раскинал договорот со Мадрид, и се шушка дека ќе бира меѓу Металург и Вардар.

 

[TheTrooper]

Овој русинов си го изработи Металург ко бавча.Се се мислам дека намерно им пушти водичка на Станиќ и на Наумче колку да ги размрда во клубот и да ги наруши односите.

 

[Tomasino]

Овој русинов си го изработи Металург ко бавча.Се се мислам дека намерно им пушти водичка на Станиќ и на Наумче колку да ги размрда во клубот и да ги наруши односите.

За Станиќ се виде и пред крајот на сезоната дека нешто не беше во ред..
Како без волја да беше,не беше онај стариот,од авион се гледаше...
За Мојсо тешко дека ќе го пуштат,со оглед на тоа колку пари ги чинеше,можеби има некои проблеми со Лино,ама свесни се сите и Лино и Минчо дека без Мојсо ништо не прават....ај некако без Станиќ ќе изгураат....
А дека требаше една добра генералка во Металург требаше,без разлика дали ќе дојдеше Русинот во Вардар или не...
Лино беше свесен за ова....можеби згреши само со Ракчевиќ,ќе покаже времето колку навистина значел за оваа екипа...
Јас да сум на негово место би ги избркал и Ванчо,Мите Стоилов и сите кои за џабе држат место и на нивно место би ги вклучил тие толку фалени младинци,па да видиме дали навистина толку вредат како шо сите мислат...

 

[Xsago]

Балиќ го раскинал договорот со Мадрид, и се шушка дека ќе бира меѓу Металург и Вардар.

Мислам дека тоа би било глупост и за едните и за другите. Металург ги има Мојсовски/Атман, Вардар ги има Карачиќ/Прибак. Нема место за Балиќ тука. И онака веќе е далеку од она што беше на времето.
--- надополнето: 6 јули 2013 во 18:09 ---

За Станиќ се виде и пред крајот на сезоната дека нешто не беше во ред..
Како без волја да беше,не беше онај стариот,од авион се гледаше...
За Мојсо тешко дека ќе го пуштат,со оглед на тоа колку пари ги чинеше,можеби има некои проблеми со Лино,ама свесни се сите и Лино и Минчо дека без Мојсо ништо не прават....ај некако без Станиќ ќе изгураат....
А дека требаше една добра генералка во Металург требаше,без разлика дали ќе дојдеше Русинот во Вардар или не...
Лино беше свесен за ова....можеби згреши само со Ракчевиќ,ќе покаже времето колку навистина значел за оваа екипа...
Јас да сум на негово место би ги избркал и Ванчо,Мите Стоилов и сите кои за џабе држат место и на нивно место би ги вклучил тие толку фалени младинци,па да видиме дали навистина толку вредат како шо сите мислат...

Не сум баш сигурен дека без Станиќ ќе се провлечат. Јас имав впечаток дека тој им е најважниот играч изминатите 2 години. Ангелов и Митревски се добри за втор голман но не за прв. А за овој хрватов не знам, млад е, ама некако сум скептик, ако беше толку добар ќе си го задржеа Загреб.

За Мојсовски се согласувам тој е главниот играч во тимот и не можат да си дозволат да си замине.

За Ракчевиќ, од една страна нема шанси да најдат соодветна офанзивна замена, но од друга страна јас не сум сигурен дека е толку лошо да одат со овие помладите. Има голема предност во тоа што ќе можат да играат и напад и одбрана и тоа може да се покаже доста корисно, ако Червар ја забрза играта.

За 4-5 од младите мислам дека веќе имаат предвидено место, и со оглед дека едно 10-12 си заминаа ќе добиваат по некоја минута.

Генерално ако го задржат Станиќ, би рекол дека можеби ќе бидат и појаки од минатата сезона. Атман, Пецаковски и новиот русин сигурно ќе бидат далеку далеку подобри од Козлина/Батиновиќ/Додер.

 

[Steve-G]

Ако веќе остана некој што не ја чита рубриката прашања и одговори
- Ќе се носи нов пикер и десен бек
- За носење на хрватов шансите се добри
- На лево крило втор играч најверојатно ќе биде Бојан Маџовски
- На десно крило остануваат Гоце, Златко и младиот Костески
- Мартин Манасков ќе добие некоја минута во тимот
- Судбината на Игор Мандич сеуште се решава

 

[Kire_bt]

http://www.balkan-handball.com/evropa/poljaci-sele-cervara-u-azoti-pulavi/
Poljaci sele Červara u Azoti Pulavi
--- надополнето: 7 јули 2013 во 00:33 ---

Балиќ го раскинал договорот со Мадрид, и се шушка дека ќе бира меѓу Металург и Вардар.

Балич највероватно ќе продолжи во Фуксе Берлин
А Металург на десен бек го бараат Никола Кеџо (десен бек, играше кратко во Сиудат Реал, Алкобендас, Дизелдорф, Нексе а изминатата сезона беше во третопласираниот тим во Унгарија - Csurgoi, и имаше договор на 2 години, ама највероватно се незадоволни и го раскинуваат)

 

[VaZoLjIN]

ПРИСТИГНА ПРВИОТ МЛАДИНСКИ БРАН НА МЕТАЛУРГ

07.07.2013 17:00

Полека но сигурно се составува тимот на Металург за наредната натпреварувачка сезона, па по руските бекови, Павел Атман и Сергеј Жедик, македонските репрезентативци пикерот Никола Марковски и левиот бек Дејан Пецаковски, Металург своите редови ги освежи со седуммината млади ракометари од вториот тим, Металург Jуниор.
Идни првотимци на Металург во следните четири сезони и официјално ќе бидат Марко Неловски (17), Филип Талески (17), Мартин Манасков (19), Бојан и Борјан Маџовски (19), Никола Костески (21) и Жарко Пешевски (22). Дел од нив неколку пати минатата сезона настапија за првиот тим, во натпреварите од Регионалната лига, а за дел од нив ова ќе биде прв сениорски чекор.
- Горди сме што работата на Ракометанта академија на Металург, на чело со Тони Ристески, вроди плод. Несебичната политика на клубот, за создавање и прибирање ракометни таленти од Македонија, годинава првпат ќе се реализира на дело, преку трансферот на овие седуммина млади, кои ќе бидат иднината на Металург, а и на македонската репрезентација. Горди сме на политиката што ја водиме и на плодовите што ги собираме. Се надеваме дека нашата пракса ќе ја следат и останатите македонски клубови како би се промовирал и афирмирал македонскиот ракомет – изјави директорот на Металург Левче Китевски.
Работата со младите и талентирани ракометари на Металург Jуниор подолг временски период е пракса на тренерот на Металург, Лино Червар, кој својата доверба на дел од нив им ја укажуваше на натпреварите од Регионалната лига. Нелоски своја блескава премиера доживеа на натпреварот во Загреб, кога тој, тогаш со 16 години, им одржа лекција по ракомет на своите многу постари хрватски колеги.
- Полека, полека моите соништа почнаа да се остваруваат. Тоа што ќе бидам дел од првиот тим на Металург за мене е голема чест и задоволство, пред се` што ќе бидам рамо до рамо со врвни играчи како Наумче Мојсовски, Филип Миркуловски, Ренато Вугринец… Посебно се радувам што ќе работам со еден врвен тренер каков што е Червар и ќе можам уште повеќе да учам и да се надоградувам. Особено ќе бидам горд ако имам можност да дадам свој придонес за тимот во Лигата на шампионите, со желба да го повториме или надминеме овогодинешниот успех – изјави левиот бек Нелоски.
Младите ракометари на јуниор не останаа незабележани ни од селекторот на македонската репрезентација Ивица Обрван, па Нелоски и Талески ги стави на поширокиот список, а сите останати вклучуваќи го и Талески беа дел од репрезентацијата на Македонија на Медитеранските игри во Мерсин, Турција.
- Среќен сум што мојот сон, да станам дел од првиот тим на Металург, се оствари уште пред да наполнам 18 години. Ова за мене е голем комплимент. Ќе се потрудам да ја оправдам довербата што ми ја укажа врвниот тренер Червар. Се радувам што Металург има визија многу понапредна од другите клубови и што својите темели ги гради врз млади македонски играчи, кои треба да бидат иднината на македонскиот ракомет – изјави левиот бек Талески.
Металург верификува уште еден братски тандам во својот тим. Близнаците Борјан (лев бек) и Бојан Маџовски (лево крило) се двојната добивка на Металург.
- Пресреќен сум што и официјално ќе станам дел од првиот тим на Металург. Првиот дел од минатата сезона бев дел од тимот на Металург и почувствував како е да се биде со играчи како Мојсовски, Миркуловски, Станиќ … Се надевам дека во следните сезони Металург ќе гради уште посилен и појак тим, кој ќе го повтори и надмине годинешниот успех во ЛШ, и ќе ја врати титулата во домашното првенство. Преминувањето во првиот тим за мене ќе биде уште поголем мотив да работам и учам од поискусните – изјави Борјан Маџовски.
На него се надоврза Бојан Маџовски.
- Голема е честа за мене како играч што сум повикан да бидам дел од екипа како што е Металург, амбициозна екипа со големо реноме, која верува во младите играчи. Задовоство ми е што ќе играм и што ќе учам од играчи од голем калибар како што се Наумче Мојсовски, Филип Миркуловски, Дејан Манасков, Гоце Георгиевски…, играчи од кои може многу да се научи. Во периодот што следи очекувам Металург да направи млада и квалитетна екипа која ќе биде иднината на македонскиот ракомет – вели Бојан Маџовски.
Уште едно брзоного десно крило ќе биде дел од тимот на Металург, стружанецот Никола Костески, кој заедно со Георгиевски ќе јуриша кон противничкиот гол.
- Ова е повеќе од остварување сон. Со само пет месеци поминати во Металург Jуниор, денес станувам дел од првиот тим на Металург и ќе бидам заедно со ракометната елита на Македонија. Чест ми е што ја добив довербата и што ќе можам да учам од светски тренер како Червар. Се надевам дека сезонава Металург ќе блесне со уште поголем сјај и ќе продолжи да создава и открива млади талентирани ракометари – рече Костески.
Успешната приказна продолжува.
Автор: Тања Димитриоска
———————————————————————————————————————————————————————————————————-
Марко Нелоски

Позиција: Лев бек
Датум на раѓање: 6.6.1996 во Струга
Висина: 199 см
Тежина: 92 кг
Матичен клуб: Струга
Кариера: Металург јуниор
Репрезентација: 20 настапи за кадетска и младинска репрезентација
———————————————————————————————————————————————————————————————————-
Филип Талески

Позиција: Лев бек
Датум на раѓање: 28.3.1996 во Прилеп
Висина: 198 см
Тежина: 83 кг
Матичен клуб: Металург
Кариера: Металург јуниор
Репрезентација: пет настапи за сениорска и 25 за кадетска и младинска
———————————————————————————————————————————————————————————————————-
Борјан Маџовски

Позиција: Лев бек
Датум на раѓање: 8.5.1994 во Скопје
Висина: 194 см
Тежина: 90 кг
Матичен клуб: Металург
Кариера: Металург јуниор и Металург
Репрезентација: пет настапи за сениорска и 30 за кадетска и младинска
———————————————————————————————————————————————————————————————————-
Бојан Маџовски

Позиција: Лево крило
Датум на раѓање: 8.5.1994 во Скопје
Висина: 184 см
Тежина: 80 кг
Матичен клуб: Металург
Кариера:Металирг јуниор
Репрезентација: пет настапи за сениорска и 33 за кадетска и младинска
———————————————————————————————————————————————————————————————————
Никола Костески

Позиција: Десно крило
Датум на раѓање: 22.8.1992 во Струга
Висина: 183 см
Тежина: 74 кг
Матичен клуб: Струга
Кариера: Струга, Борец и Металург јуниор
Репрезентација: пет настапи за сениорска и 25 кадетска и младинска
———————————————————————————————————————————————————————————————————
Мартин Манасков

Позиција: Централен бек
Датум на раѓање: 7.6.1994 во Велес
Висина: 190 см
Тежина: 83 кг
Матичен клуб: Борец
Кариера: Борец и Металург јуниор
Репрезентација: пет настапи за сениорска и 33 за кадетска и младинска
———————————————————————————————————————————————————————————————————
Жарко Пешевски

Позиција: Пикер
Датум на раѓање: 11.4 1991 во Скопје
Висина: 195 см
Тежина: 110 кг
Матичен клуб: Металург
Кариера: Металург јуниор и Металург прв тим
Репрезентација: пет настапи за сениорска и 28 за кадетска и младинска


Според сите најави вака некако би изгледал тимот следната сезона:

Лево крило - Дејан Манасков / Бојан Маџовски
Лев бек - Пецакот / Неловски / Талески / Маџовски / Сергеј Жедик
Среден бек - Мојсо / Атман / Мартин Манасков
Десен бек - Ренато Вугринец / (ќе се купува играч )
Десно крило - Гоце Георгиевски / Никола Костески / Престап
Пикер - Никола Марковски / Жарко Пешевски / Димовски / (ќе се купува играч)
Голман - Диви / Никола Митревски / (ако не остане Станиќ ќе се купува нов - големи се шансите тоа да биде Матеј Ашанин)
Одбрана - Велко Марковски / Ацо Јоновски / Миркулот

http://www.rkmetalurg.mk/pristigna-prviot-mladinski-bran-na-metalurg/

 

[wARMAN69]

еј Костески стаса прв тим, има талент дечково ако лета козла да добие шанса како замена ќе напредне доста.

 

[Steve-G]

Тие што нема да бидат вклучени на одредени натпревари имаат шанса да играат натпревари со Јуниор ?
Некако многу играчи дојдоја, 9 на среден и лев бек, 4 на пикер, ќе се тепаат за место, а младиве ќе играат просек 1 утакмица месечно. Не знам дали е потребно да се купува пикер ако не влезат во ЛШ или ако не си оди Ванчо. Некако глупаво е да имаш 4 ца пикери.

 

[MiaSanMia]

Миркуловски само одбрана да игра не ми се верува,а пак Мојсо да игра среден бек тоа уште повеќе нема шанса.Тука е Атман,кој сигурно го плаќаат доста а да биде само замена нема теоретски шанси.Атман е еден од најдобрите средни бекови,нема конкурент во тимов на таа позиција.
На лев бек се насукале како фоки многу играчи,голема конкуренција за не повеќе од 2 играчи на натпревар што би требало да играат.
Од никаква потреба го донесоа тој новиот русин.Од една страна викаат ќе фрлале во оган млади таленти,од друга страна им го стиснуваат местото на тие таленти.
Го имаш Мојсо кој игра лев бек(иако среден бек му е природна позиција),Пецаковски,Жедик,Нелоски,Талески и Маџовски а и понекогаш тука игра и Миркуловски кој ротираше со Мојсо.Го пренатрпа тимов Червар реално.

 

[VaZoLjIN]

Миркуловски само одбрана да игра не ми се верува,а пак Мојсо да игра среден бек тоа уште повеќе нема шанса.Тука е Атман,кој сигурно го плаќаат доста а да биде само замена нема теоретски шанси.Атман е еден од најдобрите средни бекови,нема конкурент во тимов на таа позиција.
На лев бек се насукале како фоки многу играчи,голема конкуренција за не повеќе од 2 играчи на натпревар што би требало да играат.
Од никаква потреба го донесоа тој новиот русин.Од една страна викаат ќе фрлале во оган млади таленти,од друга страна им го стиснуваат местото на тие таленти.
Го имаш Мојсо кој игра лев бек(иако среден бек му е природна позиција),Пецаковски,Жедик,Нелоски,Талески и Маџовски а и понекогаш тука игра и Миркуловски кој ротираше со Мојсо.Го пренатрпа тимов Червар реално.

Не заборавај дека си отидоа доста бекови:

Батиновиќ
Козлина
Додер
Мите Стоилов
Левов
Мандиќ (најверојатно е аут)

Мојсо како и за репрезентација играше лев бек принудно.Козлина беше како Филип Лазаров,висина,сила,бомба шут - мозок слабо.Мислиш дека на Атман или Мојсо ќе им биде понижување да ги делат минутите?Па колку пати прошлата сезона гледавме како сами Мојсо и Вугринец бараа да ги смени некој пошто играа по 60 мин на секој натпревар.И стандардно кога они ќе одмараа противникот се враќаше во игра.Следнава сезона кога ќе седне Мојсо влага Атман (или обратно) па нема да ни се случуваат тие падови во играта.
Од младите бекови факт е дека нема сите да се наметнат во прв тим,ама не е на одмет полека да им се дава шанса да се докажат.

 

[Xsago]

Прилично сум сигурен дека и Мојсовски и Атман ќе бидат прва постава, без разлика кој го сметаш за лев бек а кој за централен. Миркуловски и Пецаковски ќе имаат солидна минутажа од клупата и ќе им овозможат одмор и на двајцата. Децата ќе ја добијат минутажата на Батиновиќ. Мандиќ и Левов. Се на се, крилата ќе добијат шанса, ама бековите не многу. Русинот, освен ако е стварно многу добар, а не верувам, не беше потребен според мене.

 

[LetMeSea]

Најголема грешка на Лино минатава сезона беше што не ги пушташе на помалку битните натпревари "второтимците"(Батиновиќ, Додер, Козлина, Лавов, Престап, Стевче) да играат барем по 15 минути на полувреме, па затоа голем дел од првотимците се повредија. Сега треба да се очекува да игра со младинциве? Ај и тоа да го видиме? Многу е крут, инает и старомоден, тешко дека децава ќе добијат некоја шанса а убаво би било да играат.
Целата игра на Металург се базира на голманот и одбраната, стварно незнам каква им е идејата да играат без Станиќ или негова замена со голман од врвна класа. Можда е најдобро да го одврзат ќесето и да му ја зголемат платата! Многу тешко се наоѓа таков голман.

 

[Steve-G]

Според мене Нелоски и Талески требаше да почекаат уште една или две години, сепак имаат по 17 год. Вака можи да се создаде и преголема конкуренција меѓу младите играчи за позициите среден и лев бек, што би се одразило можеби и со создавање на некаква омраза меѓу нив.

 

[Xsago]

Според мене Нелоски и Талески требаше да почекаат уште една или две години, сепак имаат по 17 год. Вака можи да се создаде и преголема конкуренција меѓу младите играчи за позициите среден и лев бек, што би се одразило можеби и со создавање на некаква омраза меѓу нив.

Или мотивација дека мора да бидат уште подобри ако сакаат да играат . Нема ништо лошо во конкуренциј според мене...