Онака случајно ја „каснале„ за вратот... а потоа продолжиле да го растргнуваат девојчето (веројатно исто така ненамерно).
Хороров треба да го прифатиме како најнормален затоа што случката се случила во куќа која билатериторија на кучињата??
ОВДЕКА ми ги извртуваш зборовите
....... Ова селективново цитирање е многу згодна работа нели?
Нејсе....
[QUOTE
Ако добро прочиташ ќе видиш дека тоа што го пишувам не е за случајот со Џејд. Да повторам пак:
„Колку други вакви случаи се спречени затоа што несоодветни лица биле оневозможени да чуваат вакви кучиња.„
Законот во Британија инаку забранува чување на вакви кучиња од опасните раси за особи што: не се полнолетни, имаат криминално досие, имаат историја на душевни болести, итн итн... исто како за поседување огнено оружје.
][/QUOTE]
Јас одлично читам .... и пак ќе ти одговорам - НА НИКОЛКУ .. затоа што и мојот одговор не се однесуваше на случајот на Џејд, туку на многу други случаи, но нејзиниот случај е ист со нив и поради него се почнува со масовна иницијатива за промена на моменталните закони во Англија од ориентираност кон расите кон поголема ориентираност кон одговорност на сопственикот.И тоа од многу роднини и семејства на деца кои биле усмртени или осакатени а сопствениците на тие кучиња не одговарале пред законот. Исто како што нема да одговара и сопственичката на кучињата кои ја убија Џејд, според моменталните закони. Ова не го измислувам, повели проследи ги и поврзаните линкови на оние три што ги постави кога ја објави нејзината сторија. Затоа еве пак уште еднаш ќе образложам подетална анализа на случајот базирана врз написи од интернет.
Факти за Џејд:
1. Била другарка со девојчето во чија куќа е нападната релативно кратко време (некои 6-7месеци)
2. Ги познавала тие кучиња.
3. Имала претходно искуство со кучиња (дома имале пудличка а баба и чувала германски овчари)
Заклучок: Џејд имала искуство со кучиња и била запозната со тие кучиња доволно за да се чувствува безбедна со нив во таа куќа. Значи во случајов можеме да исклучиме однесување на жртва.
Факти за кучињата:
1. Во нападот учествувале 2 булмастифа и 2 стафордски бул териери. Во куќата имало уште едно куче кое било пит бул или пит бул тип но било откриено затворено во безбедно заграден простор.
2. Кучињата биле агресивни, покажувале територијална агресија, најмалку 4 од нив не биле кастрирани/стерилизирани, не биле никогаш шетани, нити пак некој друг влегувал кај нив за што има многу сведоци бидејки локалните луѓе и децата ги знаеле тие кучиња, знаеле дека се агресивни и се плашеле од нив.
3. Едно од тие кучиња (најверојатно и водач на чопорот и мислам дека со сигурност тој е тој што нападнал прв) мажјак,не сакал деца и викање,бил кастриран, но одкога веќе покажувал јасно агресија и имал историја на обиди да касне и тоа според зборовите на самата негова сопственичка.
4. Биле оставени сами во куќата без надзор, иако таму имало за нив релативно непознат човек.
Заклучок: Се работи за чопор од моќни кучиња кои постојано биле заедно, изразено биле агресивни при што реагирале заедно, не биле изнесувани односно социјализирани со други луѓе освен домашните и биле лесно надразливи. Значи иако овде катализатор за нападот била храна, мислам дека со сигурност може да се рече дека Џејд ќе била нападната и без тоа.
Факти за сопственичката:
1. Ги одгледувала кучињата и продавала кученца.
2. Нема криминално досие нити историја на ментални пореметувања.
3. Немала никогаш порнао никаков инцидент со тие кучиња.
4. Знаела дека има агресивни кучиња и превземала барем некои минимални напори да ја одржи безбедноста.
5. Агресивноста ја санкционирала или пробала да ја контролира само кога морала.
Заклучок: Иако знаела дека има агресивни кучиња, никогаш не се обидела тоа да го контролира или санкционира, бидејки тие и биле бизнис. Одржувала минимално ниво на безбадност само колку да нема законски пречки, не се обидела на никаков начин да превземе мерки на внимание иако имала гостин на преспивање дома и си излегла од дома оставајки ја Џејд сама со кучињата дома. Можела барем да ги затвори во задниот двор но не го сторила тоа
И нешто за околината - се работи за релативно сиромашен крај, кеде што има многу таквираси кучиња кои се чуваат како статусен симбол. Според полицијата ова е прв инцидент поврзан со куце во нивниот крај. Значи многу луѓе можат да чуваат ,,опасна,, раса и притоа да нема никакви инциденти зо законот.
Поентата ти е ,, не ја гледам шумата од дрвата,, јас не демантирам никаде ништо, не ми е тоа ни целта,а физички мала или голема опасносте тоа е како за кого. На пример, лани есента кога се испушти надразнет питбул и влета меќу деца во едно училиште во Скопје, децата беа во голема физичка опасност, но си поминаа само со по две дупчиња од заби а двеве бебиња биле во ,,никаква,, физичка опасност од овие маливе плишаниве кученца, ама како резултат на нападот починале. Затоа мојава поента е не е битно што е едново големо и набилдано - и малово плишаново колку и да личи на играчка убило дете - значи може да убива и тоа. И кога сме веќе кај идиотскиве споредби со тигри и хиени, ако во една Америка во последниве години има просек по 30 луѓе годишно убиени од кучиња, колкав е годишниот просек на луѓе убиени од тигри, лавови, мечки и сл. или ајкули кои се чувани во контролирани урбани средини - зоолошки, сафари паркови, аквариуми????? Затоа што и тие се физички способни да усмртат човек без проблем, ама кога се применуваат одговорни мерки за нивно чување, ретко има смртни случаи. Чисто колку за споредба.
Нешто околу типовите, односно расите - ова се неколку различни раси кои заедно со некои други се ставаат сите во ист кош - бул тип итн. Се работи за повеќе различни раси секоја со свој посебен стандард каде се селектира како надворешниот изглед така и карактерните особини.Ова се само неколку од ,опасните,, раси. Сите овие кучиња игнорантно се ставаат на купче и тоа како еден тип од кој што сите треба да се плашиме. Тоа освен што е игнорантно е и крајно небезбедно, бидејки на народот му се дава невистинита слика за опасноста. Затоа пак ќе повторам за мене е имбецилно за опасноста да окривиме само неколку раси и да правиме пропаганда за нивно истребување, а вистината е дека има многу поголем број раси кои се доволно моќни да предизвикаат повреда или смрт. Но поефективно решение е да има закони кои ќе промовираат одговорно чување на кучиња за да тие бидат безбедни за сите. И тогаш нема да имаме безвезни прашања од типот повеќе сакаш детето да ти го нападне померанец или питбул?!?
ЛУЃЕ!!! Јас си го сакам детето, и кога се шетам или отидам на гости не сакам ни да размислувам колкава е можноста да го нападне кучеи од кое куче треба да бегам. Едноставно, ако се чуваат и шетаат како што е законски пропишано, нема да се појави ситуација да некое дете или човек биде нападнат од куче.
Затоа случаи како овој со Џејд покажуваат колку се неефективни законите. Крива била само расата?!? Ма немој!Со сегашниот закон кривецот се санкционира - во случајот кучињата беа застрелани. И? После? Бидејки нападот е на приватна сопственост сопственичката нема да биде кривично гонета(заради што се придвижи и иницијативата за промена на законите) а бидејки кучињата и биле бизнис бидете сигурни дека веќе си одбрала нови а како ќе ги чува си е нејзина работа. И сега крива била само расата? Абе ајде, а питбулот можел да биде затворен а другиве не можеле нели? Не можела пред да излезе да ги заклучи во дворот? Не можела навреме да ги кастрира? И не треба да биде санкционирана? 70% од нападите од кучиња се извршени од некастрирани мажјаци и во преку 80% од нападите каде настрадале деца, децата биле оставени без надзор при што или кучето дошло до нив или тие дошле до кучето. И никој друг не е крив за тоа туку смо расата?!? ГЛУПОСТИ! Од овие работи што ги набројав во слујајот на Џејд, не треба да си Цезар Милан за да знаеш дека порано или подоцна нешто ќе се случи. А прибидејки,, госпожава,, долги години чувала кучиња и те како знаела и ништо не направила. Овде не се работи за расата, со ваква неодговорност ова ќе се случело и со друга понеопасна раса. На крај краева Амерка е светски лидер во број на забранети раси на кучиња, ама води и по број на усмртени луѓе од кучиња. Толку од ефикасноста на забраната.
