Еве и на македонски:
Речиси е сигурно дека постојат вонземјани, но луѓето треба на секој можен начин да се обидат да избегнат средба со нив, порачува Стивен Хокинг, споредувајќи ја можната "посета" на нашата планета со откривањето на Америка, во кој случај ние би ја доживеале судбината на Индијанците.
Во новата серија на каналот Дискавери, астрофизичарот вели оти е совршено разумно да се претпоставува дека во вселената постои и друга интелигентна форма на живот.
Хокинг предупредува дека во случај да бидеме посетени од страна на вонземјани, многу е веројатно тие да ја срамнат планетава, по што Земјата ќе остане без никакви ресурси, за на крај напаѓачите да заминат.
"Ако не посетат вонземјани, исходот ќе биде сличен со пристигнувањето на Колумбо во Америка, нешто што не излезе добро за Индијанците. Доволно е да се погледнеме себеси за да видиме како интелигентната форма на живот може да се развие во нешто што не сакаме да го запознаеме," објаснува Хокинг.
Наместо да праќаме информации со дијаграми за точната местоположба на Земјата во вселената, луѓето треба да направат сè што е во нивна моќ за да го избегнат контактот со вонземјаните, советува поранешниот професор на Универзитетот Кембриџ.
"За мојот математички ум, самите бројки ме водат кон заклучок оти постоењето на вонземјани е комплетно разумна претпоставка. Вистинскиот предизвик е да сфатиме какви всушност би биле тие," изјавил Хокинг.
извор
Ме плаши колку може да биде во право типов :S но од друга страна... и сами знаеме дека некогаш и ние прикажуваме добра страна спрема новите нешта кои ги откриваме
не е вистина, ОВА НЕ Е ВИСТИНА
Се разбира дека низ бесконечната (?) вселена има планети на кои што се развила некаква форма на живот. Животот не е ексклузивност на земјата.
