ЗА СЕКОЈ ВО СЕМЕЈСТВОТО ПО ЕДНА СМЕТКА ЗА РАДИОДИФУЗНА ТАКСА!
По неколку сметки за месечна наплата на радиодифузна такса, на секој член од семејството поединечно, се дистрибуирани скоро во сите домови во Прилеп од страна на битолската регионална Управа за јавни приходи.
Граѓаните се револтирани, и збунети,велат не знаат што да прават.
„Четири сметки дојдоа на мене лично, на жената, на синот и на снаата“.
„За сите да плаќаме треба и на децата да му пратат, и тие гледаат телевизија, и мачето и кучето и сите нека ги пишат“.
„Како можи да се плаќа, главарина не е ова за овци, ова е за телевизија“.
Има семејства кои според доставените сметки се задолжени со 800 денари за радиодифузна такса. Дел од нив реагирале во прилепската подружница на Управата за јавни приходи.
„Се јавив овде во УЈП, велам вака и вака се дешава ова, ми вели прати ургентно писмо, ами јас ако почнам со ургентни писма и со не знам што, треба сите пари да си ги потрошам, вие зошто сте овде“.
„Ништо што ќе правиме, не е плаќам, едната сметка, едната си ја плаќам“.
Од битолската регионална Управа за јавни приходи, велат дека тие само ги испратиле решенијата до обврзниците чии генералии се наоѓаат во новиот Регистер за радиодифузна такса, што во Дирекцијата во Скопје го доставува Македонската радио телевизија. Но, во УЈП немаат одговор како МРТВ располага со лични податоци на обврзниците, како што се матичните броеви.
Македонската радио телевизија пак како што стои во соопштението до јавноста, им се извинува на граѓаните,за настанатите пропусти со решенијата и објаснува дека тоа се должи на ажурирањето на базата на податоци за обврзниците, што произлегува од промените на имињата и броевите на улиците. За сите недоследности, неточни податоци, за сите исправки од МТВ упатуваат, граѓаните да се обратат до надлежните служби во ова јавно претпријатие.
Извор:
Телма / Автор: Моника Талеска
татко ми рече ке ја плател едната сметка ама неможе да се одлучи која 
