Тринаесет лица се повредени, меѓу кои четворица полицајци, во седум инциденти што вчера се случија во центарот на Скопје, а поврзани со фудбалскиот наптревар Македонија – Србија што се играше синоќа на Арената “Филип Втори“, информираше денеска Министерството за внатрешни работи.
Меѓу повредените се двајца Црногорци и петмина Срби, и двајца македонски граѓани. Четворицата полицајци се повредени во последниот инциденти регистриран околу 23 часот кај стоковната куќа Мост кога
поголема група нападнала навивачи на македонската репрезентација кои оделе кон своите возила и автобуси паркирани кај Скопски саем.
За учество во инцидентите се приведени две лица. Во првиот случај се работи за дваесет и четиригодишно момче од Црна Гора кое за време на натпреварот на трибините на стадионот истакнало знаме на Република Грција. Вториот е деветнаесетгодишен член на навивачката група “Шверцери“ приведени при нападот кај стоковната Мост.
Првиот инцидент се случи околу 12,30 часот кога кај Мавровка беа повредени две момчиња од Црна Гора, неколку часа подоцна тројца Срби беа повредени. Еден од нив беше и прободен со нож и задржан на лекување во Градската болница.
Две момчињата од Велес биле престретнати и нападнати од група од осум лица на возраст од 20 до 30 години додека се движеле по булеварот Крсте Петков Мисирков од Мавровка кон 26-ти јули. Момчињата минале со телесни повреди.
Околу 18 часот на влезот од Скопската турска чаршија се случил уште еден сериозен инцидент кога биле нападнати двајца триесет и двегодишни српски државјани од Лесковец. Според полицијата тие сакале да се прошетаат низ чаршијата и додека ги паркирале своите автомобили биле нападнати од група од 15 лица. При нападот оштетени се и двата автомобили.
Навивач на македонската репрезентација пак, околу 20 часот бил пресретнат на Камениот мост и од група лица му било побарано да го симне од вратот шалот со боите на Македонија. Кога тој одбил еден од групата побарал нож за да го нападне. За среќата, по првиот удар од еден од насилниците момчето успеало да побегне и да побара помош од полицијата.
Најсериозниот инцидент се случил околу 23,30 часот кога група од околу 100 лица, најверојатно припадници на навивачката група Шверцери, нападнале група навивачи кои се упатиле кон своите возила паркирани кај Скопскиот саем.
Насилниците нападнале фрлајќи со камења и шишиња во близина на стоковната “Мост“. Но, за среќа полицијата навремено реагирала спречила да дојде до поголем инциденти со многу повеќе повредени. Во овој случај, повредени се четворица полицајци на кои им е укажана лекарска помош. Оштетени се две полициски возила, а хулиганите искршиле и излози од дуќани и кафулиња во околината на стоковната. Еден од учесниците, деветнаесет годишно момче од Скопје, е приведен во полициската станица во Кисела Вода.
И покрај, бројните инциденти и не така малата бројка на повредени, во МВР сметаат дека полицијата добро си ја завршила својата работа.
Пак нека побара некој да не се пеат анти албански песни
Тоа што реков се исполни, а милијарда пати опоменав на форумов да не се носат обележја КОГА ОДИШ САМ ИЛИ ВО ПОМАЛА ГРУПА КАЈ МАВРОВКА, ВО ЧАРШИЈА, КАЈ КАМЕНИ, ама џабе зборење дур не се каже јасно и гласно тоа по телевизии.
Полиција нема да ве одбрани, ако не се снајдете сами никој неможе да ви помогне.
Значи никој нема да дојде да ве тепа. туку сто луѓе ќе ве гаѓаат со камења, со шишиња, или ако ве мавнат со ножеви и со пендраци или палки.
Научете се веќе еднаш каде не треба да се движите со Македонски обележја, нека не ве лажат дека овде има соживот.
