Обланди

[Олимпија]

Постојат многу рецепти за подготовка на десерти со обланди. Дали ќе бидат благи или солени изборот за филување е ваш.
Љубители сте на обланди? Колку често ги подготвувате?

Во продолжение, неколку рецепти за вкусни десерти

Чоколадни обланди

Потребни состојки:
- 500гр чоколадо за готвење
- 500гр шекер
- 3 лажици какао
- 1 маргарин
- 300гр ореви
- 500гр бисквити
- 1пак обланди
- 250гр зејтин
- 300гр млеко

Подготовка:
Бисквитите и оревите се мелат.
На оган се ставаат млекото,маргаринот и шекерот да се стопат, потоа се додава какаото, па бисквитите и оревите. Се меша убаво да се добие хомогена смеса.
Се трга од оган.
Обландите се ставаат една по една во влажна крпа да омекнат потоа се мачкаат со смесата и се виткаат како ролат.
Се оставаат 10тина минути да се оладат. Завитканите обланди се сечат на мали ролатчиња.
Чоколадото се топи со зејтинот, и едно по едно малите ролатчиња се потопуваат во стопеното чоколадо.
Се оставаат 1час на ладно да се стегне чоколадото.

Обланди со чоколадни стапчиња

Потребни состојки:
- 450 гр шеќер
- 450гр мелени бисквити
- 1,5дл вода
- 300гр мелени ореви
- 1маргарин
- 100гр чоколадо
- чоколадни стапчиња

Подготовка:Шеќерот се топи со водата,се додава потоа и маргаринот да се стопи.
Се додаваат мелените ореви и бисквитите. Се' се меша убаво, а потоа 1/3 од филот се трга и се меша со растопената чоколада,така се добива еден светол,еден темен фил.
Се премачкува еден лист од обландата со темен фил, па се става втор лист кој се премачкува со малку светол фил. Врз него се редат по должина стапчињата и повторно се става светол фил. Па повторно обланда, темен фил и се завршува со лист обланда. Крајот изгледа вака

Бајадера обланди

Потребни состојки:
- 10 лажици вода
- 200 гр. шеќер
- 150 гр. мелени ореви
- 150 гр. мелени бисквити
- 200 гр. маргарин
- 2 лажици какао
- 1 пакетче обланди

за глазура:
- 200 гр. чоколадо за готвење
- малку млеко
- 1 лажица зејтин

Подготовка:
Шеќерот и водата ставете ги да зовријат. Оставете малку да се залади па додајте ги оревите, маргаринот и бисквитите. Смесата поделете ја на два дела и во едниот ставете го какаото.
Филувајте:Обланда-светол фил-обланда-темен фил-обланда-глазура (која се подготвува на пареа - чоколадата се топи со малку млеко и 1 лажица зејтин.)

Коцка обланди

Потребни состојки:
- 1 пакување обланди
- 500 гр. локум
- 500 гр. суви смокви
- 500 гр. шеќер
- 300 гр. вода
- 200 гр. ореви

Подготовка:
Се мелат локумот и смоквите, а шеќерот и водата вријат додека да се растопи шеќерот. Потоа шербетот се трга на страна и се остава 5 минути да се излади. Се додаваат сецканите ореви, локумот и смоквите и се заедно се меша да се добие еднолична смеса, па се филуваат обландите.

Ролат со крем банани

Потребни состојки:
- 300 гр. шеќер
- 150 гр. вода
- 150 гр. мелени бисквити
- 150 гр. мелени ореви
- 125 гр. маргарин
- 10 крем банани
- 2 листа обланди

Подготовка:
Водата и шеќерот ставете ги на оган да провријат додека не се стопи. Тргнете на страна и оставете да се залади малку. Додадете ги бисквитите, оревите и маргаринот. Се добро се меша и се остава да се олади.Една кора од обланда се става меѓу две влажни крпи и кога ќе омекне се сипува половина смеса се рамни и врз неа се ставаат крем бананите. Потоа виткате ролат и оставате во фрижидер да се стегне

Солен ролат

Потребни состојки:

- 1 лист обланда
- 3 лаж урда
- 2лаж мајонез
- 3 лаж павлака
- 200 гр салама
- 200гр кашкавал

Подготовка:
Во еден сад се мешаат урдата, мајонезот и павлаката. Се зема обландата се става во навлажнета крпа малку да омекне потоа се премачкува со филот. Претходло изрендана салама и кашкавал се додават врз филот може и да изрендате варено јајце доколку сакате. Се замотува во ролат се става малку во фрижидер да олади и потоа се сече на парчиња .

Шарено-солена обланда

Потребни состојки:
- 1 големо пакување обланди
- 2 павлаки
- 400 мл. мајонез
- 300 гр. шунка
- 4 големи моркови
- 3 печени црвени пиперки
- 150 гр. крем сир
- 150 гр. кашкавал
- 200 гр. ајвар

Подготовка:
Првата кора премачкајте ја со фил од една павлака и крем сир. Потоа печените пиперки исецкајте ги на коцки, измешајте ги со другата павлака и премачкајте ја втората кора. Третата кора филувајте ја со ситно исецканата шунка и 200 грама мајонез. Сварените моркови изрендајте ги на крупно, и измешајте ги со 200 грама мајонез и премачкајте ја четвртата кора. Последната кора премачкајте ја со ајвар и врз него изрендајте го кашкавалот.

 

[Divider]

A be, јас пак се понадевав дека ќе прочитам некој нов рецепт за правење на самите обланди, а не за колачи со обланди, ме разочара.

 

[Darklady]

Моите омилени

Вкусни обланди

Потребно:
- 2 листа обланди
- 300гр, млеко
- 300 гр. шеќер
- 100гр, чоколадо за кување
- 250гр маргарин (една коцка)
- 700гр, мелени бисквити
- 300гр. ресани

Се варат млекото, шеќерот, маргаринот и чоколадото за готвење, се остава 2-3 минутки да олади, им се додаваат мелените бисквити и филот е готов. Филот се дели на 2 дела
На првиот лист обланда се става едната половина од филот, па се ставаат одозгора ресаните, со чоколадниот дел надолу (спрема филот) и се премачкуваат одозгора со останатата половина од филот.
На крај се става втората обланда, се остава да се стврдне и се сече на коцки, штангли или по ваша желба.
Испробано и ептен вкусно

Прегледај го приврзокот 49202

 

[Олимпија]

A be, јас пак се понадевав дека ќе прочитам некој нов рецепт за правење на самите обланди, а не за колачи со обланди, ме разочара.

Дај ти некој рецепт, не разочаруј

 

[Hip.Hop_MKD]

Бајадера и крем банани ми е најубаво и порано тие ги правевме за слава и Нова Година..

 

[Грејвдигер]

Овие обичните, односно чоколадните и со крем бананите се најбољи.
И бајадерата не се лоши, мада повеќе сакам бајадера-бајадера, не обланда. Него, ај ако знаеш да правиш сникерс пиши рецептот, да не ја мачам мајка ми по телефон.

 

[Кнез Мишкин]

Моите омилени:

600 грама вода + 500 грама шеќер се загрева до вриење и се додава 500 грама сецкан локум, смесата врие 10тина минути односно додека не се стопи локумот, па се додава 150 грама сецкано суво грозје, 150 грама сецкани суви брусници, 250 грама сецкани ораси, 150 грама сецкани смокви, 100 грама сецкани урми, 2 кесички ванилин шеќер и смесата врие уште 10тина минути. Обландата се филува со овој фил и се остава на ладно да се стегне...

Последниот пат наместо урми ставив суви вишњи и бев .

 

[ACTION]

Моите омилени:

600 грама вода + 500 грама шеќер се загрева до вриење и се додава 500 грама сецкан локум, смесата врие 10тина минути односно додека не се стопи локумот, па се додава 150 грама сецкано суво грозје, 150 грама сецкани суви брусници, 250 грама сецкани ораси, 150 грама сецкани смокви, 100 грама сецкани урми, 2 кесички ванилин шеќер и смесата врие уште 10тина минути. Обландата се филува со овој фил и се остава на ладно да се стегне...

Последниот пат наместо урми ставив суви вишњи и бев .

најбоље вкус дава тоа у кое и дае благо

 

[Divider]

Дај ти некој рецепт, не разочаруј

Ај утре потсети ме, да не ги будам по дома да палам светла да глеам у ноутбукот за рецепти.

Мада да напраиш обланда е како кори за витканици, ама подебели, се печат, а се натискаат пред печење со разноразна шара за да иде интересна. И когаќе се стврдне, секоош се навлажнуе, и покрива со крпа за да омекне.

Ам него, сакаш рецепт како да направиш обланда или нешто благо со обланди (готови) или слаткиш со обланди ама од скреч (scratch), oд нула, од сам почеток?
--- надополнето: 6 октомври 2012 во 23:07 ---
У меѓувреме, еден рецепт, не сум ги пробал, ама ми се свиѓа стилот на пишуење, не е ко мојот, ама проаѓа:

6 жолчки се бијат со 1 маргарин (ја би додал белките се пушатаат на пазар ебаго).
На оган се гори 250 гр. шеќер да порумени (ја би додал у што се гори на клада, ама оваа Персава не кажуе).
Се трга на страна од огнот (ја би рекол од лево, накај ѓаоло) и една по една лажица од маргаринот и жолчките кои се претходно избијани (изубијани, сокршени, заби им фалат), се додава во шеќерот нон стоп мешајќи (кичма да те здоболи и лимбаго да развиеш).
Се турива една лајца се меша додека се изедначи (стокми на исто и подеднакво) па после се турива друга и така до крај.
Кога ќе се потроши цела смеса се туриваат 250 гр. ореви сецкани во должина. Се меша убаво се и се турива врз едната обланда и се мачка убаво па врз филот се става уште една обланда и се декориса по желба.


Она у заградите е мој додаток за поинтересен да е текстот)


П.С. да не ги џитнете белките, замутете ги со малку шеќер да се стегни и клајте малку несквик и на крај залапајте го со лајче на раат ко екстра глазура која нигде не сте ја клајле. Или одозгора на обландата да се исглазуриса, ама на среде и мора малку у рерна. да стегне, бар ја така би играел..
--- надополнето: 6 октомври 2012 во 23:17 ---


Величествената

Најдов, ме одмрзе. Овој еднаш сум го праел, сакав да праам да не купуем обланди готови.ч Нели, секој фобар домаќински готвач и слаткар шо не е певаљка слаткаристична, као знае да прај обладни. мада јефитније е по нервата, а мене знае да ме фати нерва, да се купи готова ЛЕАНДРА, ПАРДОН ОБЛЕАНДРА УПС ОБЛАНДА.

РЕЦЕП (У ОХРИДо Го ВИКеТ со Т на крајот: рецепТ)

Зеј тро брашно, тро зејтин, јали путер, ама е скап путерот, или ептен несолена кравја мас(т) ама од охрид и млакичка војца (вода) со ептен покроце и потро сол, Кчај му и шеќерченценценценценце.

Залионелете тесто пардон замесете тесто до сфите мастрафи.
Меси, МЕСИ!! КАКО ЈАГОДИНКА У ОНОЈ ФИЛМОТ КОГА ЈА ЗАДРАПА КАПЕТАН МИКУЛА МАЛИ ИЛИ СЛАВКО ШТИМАЦ ЗА ЦИЦОЦИ у гајрет посудица за тесто дур тестоно не почне да се двои ама не да лепи (како Лепи Цане). Одвој на два дела.
Па меси, па засукај (не само рукави) на даска, кој нема у глаата нека позајми од комшијата или од најблискиот Месен комитет на СДСМ (тие дефинитовно немаат даски у глаата, ами само за месење се) и засукајте да се извлечи и истегни дур не се добие кора.
Намачкај со мараџеринче. Или путерца за фкус е побоље путерца. Остај да постои ако стои, ако не да одлежи на даската од комуњарине или штичето за месее едно сат време.

Одробијанотот, пардон одлежаното Диџеј Тесто напрајте го пак развлечено уш еднуш. На рамномерисано да биде. Вишак сечи и фрљај.
Печи, ко ќе фати уба боја, ваѓај лебати.
И, тамам, обланда!

Е после крем, намаз, украински камион камаз или фил, по фкус. Али тоа е друга прича.

 

[Петар12345]

може купечка? верона се најдобри

 

[Divider]

може купечка? верона се најдобри

Ti si jadel samoprajski? Самопрајските се најдобри. заоти клааш по ќеиф бајаги мастраф и фил

А има мањак адитиви и отрови и остали лајна.

 

[Наташа Радио Милева Мара]

leandra; За овие обланди ти зборев, ептен ми фатија око, а и дека со ресана се мх мх мх

Вкусни обланди

Потребно:
- 2 листа обланди
- 300гр, млеко
- 300 гр. шеќер
- 100гр, чоколадо за кување
- 250гр маргарин (една коцка)
- 700гр, мелени бисквити
- 300гр. ресани

Се варат млекото, шеќерот, маргаринот и чоколадото за готвење, се остава 2-3 минутки да олади, им се додаваат мелените бисквити и филот е готов. Филот се дели на 2 дела
На првиот лист обланда се става едната половина од филот, па се ставаат одозгора ресаните, со чоколадниот дел надолу (спрема филот) и се премачкуваат одозгора со останатата половина од филот.
На крај се става втората обланда, се остава да се стврдне и се сече на коцки, штангли или по ваша желба.
Испробано и ептен вкусно

п.с. појма немам дали ќе ми успее тагнувањето, ако не ќе дојдам на врата ќе ти позвонам, нормално со обландите спремани...
--- надополнето: 7 октомври 2012 во 19:47 ---
п.п.с. ми успеа тагнувањето, то е знак дека ти треба да ги направиш и да не почастиш

 

[Олимпија]

Овие обичните, односно чоколадните и со крем бананите се најбољи.
И бајадерата не се лоши, мада повеќе сакам бајадера-бајадера, не обланда. Него, ај ако знаеш да правиш сникерс пиши рецептот, да не ја мачам мајка ми по телефон.

Знам сникерс колач, ама не и сникерс обланди (ако има такви сакам рецепт)
http://forum.kajgana.com/threads/Ситни-колачи.3226/page-2#post-639909

 

[Грејвдигер]

Знам сникерс колач, ама не и сникерс обланди (ако има такви сакам рецепт)
http://forum.kajgana.com/threads/Ситни-колачи.3226/page-2#post-639909

За колачот зборев, сникерс обланди првпат слушам. Данкешен.

 

[Sungerot Bob]

Обландиве се нешто најубаво