Не ми е јасно зошто Каталонците воопшто се закануваат со отцепување од Шпанија и прогласување на независна држава, кога веќе воспоставиле контакти со ЕУ прашувајќи дали ќе може да станат наредна полноправна држава членка на ЕУ веднаш после отцепувањето и прогласувањето на независна држава, без никакви преговори, туку самото членство да биде наследено од нивната досегашна територијална припадност кон Шпанија.
Па самата ЕУ е таа која им ги диктира условите за раздолжување и мерките за штедење и уста не отвора за ваквите постапки на шпанската полиција, а Каталонија како најзадолжена шпанска област, има бајаги да го крка стапот.
Па токму со отцепувањето на Каталонија од Шпанија и прогласувањето на независна држава, националниот долг на Шпанија ќе се намали, а Каталонците на крајот ќе бидат големите губитници, исто како што и ние Македонците на крајот бевме големите губитници по отцепувањето од Југославија и прогласувањето на независна држава, останавме буквално голи откако ЈНА си замина со сето оружје и муниција и отворени за воена инвазија од било каде, ги наследивме долговите на Југославија и македонската индустрија се распадна во 1990-те години врз основа на истите тие долгови, а денес плачеме и кукаме за влез во ЕУ, во новата Југославија, чијшто претседател на Европската Комисија, Жозе Мануел Баросо, во септември 2012 изјави дека единствениот спас на еврото и на ЕУ е во подлабока политичка интеграција, поконкретно во создавање на Европска Федерација.
Колку иронично, сме се отцепувале од Југославија бидејќи сме сакале независна држава, а денес плачеме и кукаме по новата Југославија наречена ЕУ, а Каталонците го прават истото, се закануваат со отцепување од Шпанија и прогласување на независна држава, но истовремено сакаат да останат дел од ЕУ.
Очигледно не се ништо поарни од гејците, сакаат да им се даде повеќе време за плаќање на долговите и поблаги мерки за штедење, а истовремено да останат во евро-зоната и да го задржат еврото како валута.
