Ова што се прави веќе ги преминува сите можни граници. Дали вие нас не сметате за глупи и прости? Како е возможно по повод денот на независноста на Република Македонија да повикувате да пејат пејачи од целата поранешна Југославија? И на само ова, на секој можен настан, на секој можен концерт ни ги носите Цеца, Брена, Чорба, Дугме, Дивље Јагоде, Јоксимович и останати Југословенски ѕвезди во залезот на својата кариера. Незнам до кога ова ќе се работи, до кога планирате да не правите мајмуни ама се има граница, а овие така наречени културни манифестации, концерти, фестивали, каде што е претурено од ѕвезди од соседството ја поминаа границата. Или правете нешто што навистина ќе вреди, или не се бламирајте и не не трујте за џабе.
Имаме и ние многу ѕвезди, ако не од денешните тогаш, постојат Меморија, Конкорд, Драган Мијалковски, Архангел, Мизар, Владо Јаневски, Каролина Гочева, Леб и сол, Зијан, Бојс и многу други, кои редовно се маргинализирани за да дојдат до израз овие Српски, и останати соседни ѕвезди кои доаѓаат во Македонија на печалба.
Со (не)почит С. П.
