Рокенрол ѕвездите се мртви?

[RocknRolaa]

Поприлично подолг временски период тумачам на оваа тема. Тоа се должи добар дел на изгледаните документарци посветени на бендовите кои го создадоа рокенролот и неминовната споредба на минатото со сегашноста. Споредено со тогаш ова денес е целосна летаргија. Ексцентричноста на сцена е комплетно исклучена, музичките ѕвезди се "совршени' и работат под притисок на продуцентските куќи и менаџерите, не смее ништо да отскокнува, а квалитетот на она што го произведуваат е дискутабилен. Не станува збор за создавање на неквалитетна музика, бидејќи зад параванот на музичкиот канал МТВ постојат голем број на анерграунд алтернативни бендови кои се обидуваат да го одржат квалитетот на сцената.

Сепак неминовно е да се спомене дека денес речиси и да не може да се посведочи за постоењето на лидер на бенд кој може да ја понесе публиката и да владее со сцената. Џим Морисон, Фреди Меркјури, Курт Кобејн...итн итн, се ѕвезди поприлично препознатливи по својот посебен печат на сцена и бунтовништвото. Го има ли некој ова денес? Дали само мртва рокенрол ѕвезда е добра рокенрол ѕвезда? Умре ли рокенролот со вистинските ѕвезди или пак смртта ги направи рокенрол ѕвезди? Денес читам вест дека Адам Ламберт е земен како нов фронтмен на Queen Треба ли понатамошен муабет по ова прашање? Што ли ги натера членовите на еден од најкултните бендови да најде замена за Фреди во ликот на човек како овој? Зарем не им е јасно дека без Фреди , Queen речиси и не постои и не може да се потпре на грбот на друг изведувач?

Дали новите рокенрол бендови го имаат тој квалитет за да извадат на површина нова култна рокенрол ѕвезда? Зошто на пример човек како Еди Ведер чиј бенд го создаде еден од најдобрите албуми на сите времиња веќе не е во центарот на вниманието? Веројатно затоа што не го исполнува еден од основните критериуми: Жив е! Дали тоа значи дека смртта неминовно создава култ од рокенрол ѕвездите? Тоа пак покренува друго важно прашање: Дали е фер третманот кон оние рокенрол ѕвезди кои ги преживеаја бурните делови на славата, создадоа квалитет и останаа живи?

Сепак основното прашање останува да виси во воздух: Дали рокенрол ѕвездите се мртви?

 

[Psyside]

Со кој памет ги ставаш Суперхикс на тема со горенаведените имиња?

 

[сашенко]

Адам Ламберт и Queen? Има добар глас и геј е зашто да не, ги исполнува сите услови ...уште брк да пушти му фали

 

[RocknRolaa]

Ги рекламирам брат Не оти го прочитав текстот

 

[zee German]

Не се мртви но се загрозен вид во фаза на изумирање.

Денеска е време во кое најголемиот шлајм од поп-хаус и р н б-то го доживува својот максимум.

 

[Hank Moody]

Фановите на rock'n'roll живеат со спомените за групите, песните и личностите кои го сменија светот со своите траги во музиката. За жал денеска е се отидено во неповрат. Денеска да си во центар на музичкото внимание треба да си фрик како Лејди Гага, да имаш нога како Бијонсе, да вртиш со газето како Шакира. Целата музичка индустрија се сведе на продавање преку шоуто на горе споменатите личности. Порано се продаваа текстовите и музиката а преку нив се создаваше емоција. Или што би се рекло денеска музиката еволуираше во срање и невкус. Kај нас па да не зборам......

 

[Crazy in Love]

Мене лично многу ме разочара фактот што група како Квин, го земале Адам Ламберт. Има ок глас, ама не е тоа доволно во никој случај. Фали уште да направат дует со Дејвид Гета и ќе ја комплетираат целата слика. Освен дополнителна заработка, не гледам друга причина зошто би се одлучиле на ваков чекор. Наместо достоинствено да се повлечат и да го остават огромното музичко наследство да се шири понатаму, прават разочарувачки потези. Адам Ламберт...
Мислам дека ситуацијата е таква каква што е, затоа што музичката индустрија се движи и е насочена во друг правец. Освен дебелите заработки, се инсистира и на масовна хиперпродукција, која ретко продуцира квалитет. Ријана ако ја земеме за пример, девојката ако нема едно 8 албуми до сега еве на. Квалитетните бендови во суштина, според мене, не трчаат да прават албуми, не штанцаат, туку подолго подготвуваат материјал, со намера да е квалитетен. Е сега во таа подготовка, ќе се појават и ќе никнат уште 3409304 бендови или пејачи или пејачки кои полека ќе ги стават во сенка останатите. А поголемиот дел од луѓе се насочени кон она што е актуелно. А починатите изведувачи се популарни, затоа што исто многу пари може да се извлече врз фактот дека починале. Колку е поконтроверзна смртта, толку поголема хистерија и повеќе пари.
Тука лежи сржта на проблемот. Хиперпродукцијата која го поттиснува квалитетот и ги фрла останатите кои не трчаат да вадат на пола година албум во сенка.
Тоа е тажно.

 

[Chemical Angel]

Рок ѕвездите, па и техно ѕвездите и вистинските рапери и џезери и така натаму не се мртви, едноставно немаат инспирација едноставно нема бунтовништво и за тоа ѕвезди се луѓе кои слободно можеме да ги наречеме дедовци, бидејќи тие се уште го имаат тој дух.
И што очекуваш ти од Рокенролот кога главни ѕвезди се некои лепи деца кои уште брада немаат од некое талент шоуто кое заработува пари не од промоција на музика туку од гласање, едноставно музиката повеќе се гледа како кеш, не дека и порано не се гледало, ама денес е ептен отидена работата.
Патем, повеќето рок ѕвезди од 70-тите и 80-тите станале успешни после 25 година и нормално музиката им е посозреана и поприфатлива, сега главна ѕвезда е Џастин кој не знае мрсолите да си ги избрише, а треба да пее некоја музика и да едуцира младина.
Проблемот е што музиката повеќе никој не ја слуша се иде на тоа добро да се изгледа да ти се продаде слика а не тон, и за тоа музиката ни е таква како што е. Интересно е дека ако Ролинг Стоунс денес се појават никој нема да ги пушти, бидејќи се ептен ружни, а со тоа и не би имале можност да станат легенди какви што се.
Мислам дека треба да го гледате овој филм, уште од треилерот би сакале да сте во негова кожа
И за крај на најдобриот коментар што сум го читал за 90-тите
90-тите тоа беа времиња, кога техното беше техно, а дрогата беше дрога.
А ова важи и за рокот, а исто може да кажам дека и техното е заебано, кој го слушал Гета кога правеше добар house пред 10-тина години знае што правам муабет, ова денешното е срање исто и со рокот

 

[Бавча]

Рокенролот не умира, ѕвездите доаѓаат и си одат.

 

[Psyside]

Една слика, 1000 зборови. И да и он е мртов....

 

[Dr. Gonzo]

Па класичниот Рок тој што ние го сакаме веке одамна е исчезнат јас мислам дека тоа е вината на големите корпорации,издавачки куки кој сакаат широката маса ја привлечат и праат лигава музика каде што е битен квантитетот а не квалитетот и каде што песната е хит месец дена послем тоа се заборава и доага нова.
Порано рокот бил оргазмичен исполнет со уметност сеа наликува на шит и се прави за мали деца а тоа е ужас но тоа е такви времиња дојдоа.

 

[Chemical Angel]

Па класичниот Рок тој што ние го сакаме веке одамна е исчезнат јас мислам дека тоа е вината на големите корпорации,издавачки куки кој сакаат широката маса ја привлечат и праат лигава музика каде што е битен квантитетот а не квалитетот и каде што песната е хит месец дена послем тоа се заборава и доага нова.
Порано рокот бил оргазмичен исполнет со уметност сеа наликува на шит и се прави за мали деца а тоа е ужас но тоа е такви времиња дојдоа.

Истото се случувало и во 60-тите, 70-тите, 80-тите па и 90-тите, хитови биле лигави песни, арно ама имало радио дј-ови кој класичниот рок го пуштале на радио, имало посебни емисии и да не редам едноставно таа сцена на хипи-рокот била будно следена и се тие што ќе се пробиеле стварно вределе, бидејќи се ценел звукот а не изгледот, сега кога некој ќе испадне на сцена може да прочиташ 2 страни за тоа како бил облечен, дали бил избањат со колку жени легнал вечерта и слично и 2 збора за тоа што музика прави, од каде е влијанието на истата.

 

[IgorGunner]

Може да може не, али стварно како по правило скоро сите рок мегаѕвезди се мртви Јас го посочувам како пример Џон Ленон, барем по тоа што јас сум го слушнал сите првин кажуваат како неправедно(ни крив ни должен) го изгубил животот, па после слушам какви биле неговите песни, колку квалитетен музичар бил и сл. Јас лично не сум бил роден во годините кога Битлси го живееле својот сон, односно кога биле најактивни и популарни, али еве фала богу имаме интернет па си читам се што можам за нив и стварно ги почитувам премногу, е сеа дали поради тоа што еден од главните актери е мртов или стварно ги почитувам како бенд, тоа само јас си знам Добра тема во секој случај, и добро прашање на крајот на темата .

Малку помеко рокче, али ептен ме бендисува

 

[Ptolomej]

Навистина е жално ова што се случува на светската музичка сцена последниве 13-14 години , не само во смисол на квалитетот на музиката ,туку и на недостатокот на харизма кај најголем дел од денешните таканаречени ѕвезди .Дури и ми се плаче кога ќе се сетам на времето кога бев средно ( крајот на осумдесеттите почеток на девеесеттите ) каква музика се правеше , за разлика од денешниве лигави хитчиња ( со мали исклучоци ). За жал точно е дека голем број од вистинските музички ѕвезди или се мртви или се дедовци , и нема кој да ги замени ни во квалитет ни во харизмата која ја имаа . Останаа само неколку кои сеуште можат и прават квалитетна музика , но и тоа не е тоа т.е. не е со оној квалитет кој го правеа порано , но тоа е и разбирливо после 20 , 30 или 40 години правење на музика да се јави недостаток на инспирација кај истите музичари и бендови . Не сакам ни да помислам што ќе биде со музиката по 10 или 15 години кога и овие неколку преостанати последни Мохиканци ќе бидат или мртви или премногу стари , бидејќи како што реков и погоре скоро и да нема последниве 15 години музичари кои се вредни да се слушаат ( има неколку но се премалку за да се крени општото ниво на квалитет во популарната пред се рок музика ) . Можеби и јас сум веќе остарен и поради тоа ми се кренати критериумите за тоа што значи квалитетна музика , но факт е дека се помалку ја има за разлика од порано .

 

[Sheldon Cooper]

Nickelback вредат