Пелистерци се припремаат на поларни температури
Ристевски, Лазаревски и новакот Павловиќ ги почувствуваа поларните - 20 на стадионот под Тумбе кафе во Битола.
Фудбалерите на Пелистер неспречени од ниските температури кои владеат во Битола втора недела по ред, но и огромните снежни наноси кои се присутни на Стадионот под Тумбе Кафе не се проблем за "пулените" на Марјан Секуловски. Тој по смената на Неџат Хусеин ја презеде без проблем одговорноста да го води Пелистер во пролетниот дел од Втората Македонска фудбалска лига и како што тој ни изјави попладнево :
„Tренинг одржуваме во тешки услови на едно од помошните игралишта поради реновирање на дел од стадионот, но и невозможните услови на истиот поради големата снежна покривка која го обелува тревникот. Мора да тренираме тука, но тоа не е пречка да продолжиме да се враќаме во ритам по долгата пауза. Моментално работиме на кондицискиот дел, а останатиот дел од подготовките го заокружуваме со вежби во теретана. Притоа Пелистер го засилија и четири "новаци" или "повратници", а тоа се добро познати имиња на домашната публика. Димче Ристевски кој доаѓа од скопски Вардар откако беше ослободен од обрвските, Сашо Лазаревски кој доаѓа од штипска Брегалница, Љупчо Мицевски како слободен играч и шпиц играчот со српски пасош Игор Павловиќ, кој настапувал претходниот период во Албанската екипа од втора лига, Перпарими Кукеши.
Поради пребројност во екипата ослободени од обрвските кон клубот беа Благојче Коњарски, Александар Василев, Николче Пановски и Менде Лазаревски. Според најавите во меѓувреме се очекува уште едно засилување на голманската позиција, кое треба да пристигне секој момент и биде на располагање на домашниот стратег за припремниот период во Дојран,.На истокот од државата зелените предвидено да поминат од 27-ми јануари до 7-ми февруари. До овај момент не се познати противниците за тест средбите, но Брегалница и Тетекс се скоро па сигурно спаринг партнери.