Последен гледан филм со кратка рецензија

[Goodfella]

Crazy, Stupid, Love. (2011)

Уште една (романтична ) комедија на Стив Карел, овој пат во улога на очаен маж, кој е пред развод, поминува низ тежок период од неговиот живот, едноставно неговиот живот е срушен по барањето за развод, но откако го запознава Џејкоб неговиот стил на живеање се променува, запознава многу девојки, води активен ноќен живот... но некако му досадува тоа и почна да сфаќа дека постои само една сродна душа на светот, а тоа е секако неговата жена. Затоа тој почнува повторно да се бори за својата жена. Моја оценка е 8/10.
Филмот можете да го гледате овде.

 

[Io Sono Interista]

The Skin I Live In (2011)

Хоули шит! Се сеќавате на сцената од Животот на Брајан кога го распнуваат а разбојникот до него му вика: полоши работи има на море, знаеш?
Не знаев колку е тоа вистина додека не видов што и се случи на главната хероина во новиов филм на Алмодовар. Да бев на нејзино место ќе сакав да ме заковаат до Брајан.

Енивеј, филмот зборува за еден хирург (Антонио Бандерас) кој открива нова синтетизирана кожа која сака да ја тестира на луѓе. Неговата сопруга изгорела во сообраќајна несреќа и тој не успеал да ја излечи, но сега има нова пациентка - Вера, која во процесот го добива имиџот на неговата сопруга. Но кога во еден момент Алмодовар ќе го сврти текот на филмот и ќе се наврати на минатото, ќе почнат да се откриваат неверојатни, шоканти работи за него и неговата пациентка...

Приказна како приказна, може да ве изненади (не мора да значи дека ќе биде пријатно ова), но сега за еден друг интересен сегмент кој ми се допадна, а тоа се неколу морничаво Хичкоковски сцени во кои Алмодовар си игра со камерата, музиката и сенките за да постигне атмосфера од типот на Dial M for Murder и слично. Навистина ми се допадна овој дел, дури и твистот е Хичкоковски, сигурен сум во тоа, компарацијата е неизбежна. Секој фан на чичко Алфи ќе почувствува.

Од мене 7.5/10 и препорака за гледање. Ако ништо друго, филмот е доволно контроверзен за да ви се мота низ главата некое време.

 

[Max Legend]

Не сум сигурен дали имам пишувано порано за овој филм на кајгана,но во секој случај...

Starship troopers или на нашки Sвездени војници.
http://www.imdb.com/title/tt0120201/



Далечната иднина.Има само една светска влада,една држава,еден медиум на информации,поделба на луѓето на цивили и граѓани(граѓаните се војници),време кога sвездените бродови можат да патуваат низ вселената со брзина поголема од светлината.Џони Рико само што има завршено средно и не знае што да прави понатаму.Инспириран од девојка му Кармен се решава да стане граѓанин-пешадиец.на теренот покажува одлични способности и постои можност да стане водич за кратко време,но една несреќа при рутинска вежба ќе го натера да се откаже од војската.Пакувајќи си ги торбите ќе се појави вонредна вест на единствената ТВ станица како Буенос Аирес(неговиот дом) е уништен од метеор лансиран од просторот на бубачките,соперници на луѓето во колонизирањето на вселената.Премислувајќи се за оставката тој пак ја зема војничката униформа со желба за одмазда...

Овој филм колку пати и да го имам гледано не ми здосадува.Има некој чуден шарм,што поради фактот дека доловува фашистичка атмосфера односно го исмејува фашизмот и десничарскиот патриотизам,што поради специјалните ефекти кои се многу подобри од ред други денешни филмови,што поради ликовите-споредна улога има Нил Патрик Харис ака Барни Стинсон како разузнувач/парапсихолог,потоа Мајкл Ајронсајд како заповедник на една од најјаките земјански чети и секако незаборавните женски Кармен играна од Дениз Ричардс и Дизи Флорес играна од Дина Мејер,што поради Пол Верховен,еден од моите омилени режисери.

Исто така сакам да го издвојам добриот саундтрак.

Овој филм досега доби две продолженија-вториот дел е типичен преживувачки хорор и ептен лош,третиот се обидува да се врати на она што беше добро за првиот(тв новостите,ван дер Бик се враќа како Рико) но сепак е фејл,само не толкав како вториот.Има најави за повторно враќање на Sвездените војници и тоа од страна на Холивуд како и од Јапонија(ќе се снима cgi филм по сфаќања близок со првиот).

Интересен факт-филмот се базира на истоимената книга на Роберт Хајнлајн.Кога Пол Верховен зел да ја чита после 5-6 прочитани страници ја џитнал оти му станала многу депресивна па се решил да направи приказна по свој терк позајмувајќи ги само имињата и тамошниот свет.Хајнлајн инаку по политички убедувања бил фашист додека Верховен е антифашист па сигурно му било убаво да се заебава со книгата навлекувајќи го гневот на доста фанови на книгата.

 

[Гучи]

The Change up​

​

​

​

Го гледав пред неколку недели али ме мрзеше да пишам тука (добро не ме мрзеше, незнам да пишувам рецензии) ​

Ај на кратко..​

Двајца другари (едниот женет, со деца, убава работа значи среден живот, а другиот тотално спортивното од него) после подолго време искачаат заедно на по едно пиво (yeah right), али се праат летви..по пат накај дома им се примочува па решаваат да се испразнат во една фонтана..и додека мочаат си прават муабет како завидуваат на животот што го има другиот. и од наредниот ден како што може да претпоставите тоа и се дешава, си ги заменуваат улогите односно телата ​

​

Супер комедија за тепање време

 

[Nonteizam]

The Help

Филм за црнците и белците... Филм за поделената америка од средината на 20-тиот век.
Колку ли американски белци пораснале со обоени служавки како мајки, додека нивниот вистински родител играл бриџ или кроел фустани за бал...
The Help е една пристојна драма, која треба да ја погледне секој, посебно оние кои не се многу запознаени со расната сегрегација која пред само 50-тина године сеуште беше длабоко вкоренета во една од најголемите демократии и извозник на општествени вредности.
Неколку пати филмот вистински ме погоди, не толку поради дејството, или поради неправдата која историски им се нанесувала на „обоените“, туку поради неколку случки поради кои се почуствував засрамен од тоа што припаѓам на homo sapiens...
Сепак и во филмот како и во вистинскиот живот од секое правило постои исклучок, па така и во ова остварување на Tate Taylor има неколку навистина позитивни и храбри ликови.
Во филмот преовладуваат веќе видени дијалози и клише карактери, додека истовремено режисерот (и авторот на книгата) како со нож ги презентираат работите премногу црно-бело (колку и да звучи иронично ова)...
Во филмот преовладува женскиот лик, како и улогата на мајката, што никако не претставува пречка и многу мажи да го погледнат ова остварување и да симпатизираат со карактерите.
Гледам дека за филмов премногу се зборува како за кандидат за Оскар. Јас не се сложувам со таа констатација, иако сеуште не сум ги погледнал сите други кандидати за престижната награда. Секако дека темата на расната поделеност е засекогаш актуелна и нема дилеми дека ова е добар филм, но не би се осмелил да кажам дека ова е најдобар филм за годинава која изминува - далеку од тоа...
Кога веќе зборуваме за оскарите, Viola Davis е многу добра во улогата на мајката-заштитничка која се осмелува да ја раскаже својата приказна јавно, додека Octavia Spencer е извонредна во улогата на Мини и таа е можеби најсилниот ас на оскарите.
The Help е интересен филм, кој не е револуционерен или свеж. Сепак секој од нас треба да одвои 2 часа и 20-тина минути и заедно со ликовите (повторно) да помине низ еден темен период на човечката цивилизација, кој ако се погледне историски и не беше многу далеку, а можеби и сеуште не ставен крај на истиот.

 

[Blondi]

Beyond borders (2003)
Улоги: Анџелина Џоли, Клив Овен...
Режија: Мартин Кемпбел

Дотичнава Анџелина Џоли ич не ја можам, али тоа не беше доволна причина да не го гледам филмов...Многу сликовито е прикажана ситуацијата во најкризните подрачја во светот, кадешто луѓето умираат од глад, жед, болести и војни (Африка, Чеченија, Камбоџа...) Значи на неколку локации во светот е сниман филмот...
Тажни човечки судбини и трагедии...
Џоли тргнува во хуманитарна акција за да однесе храна на гладните во Африка и таму го запознава згодниот доктор, којшто е дел од акцијата Доктори без граници...
Низ филмот е прикажана една прекрасна љубовна приказна...

 

[Дејмон]

The Hangover 2

Ах, не ми се допадна тоа што содржината беше иста како кецот.
Другарите му праат ергенска забава на нивниот другар бла бла, стануваат другиот ден мамурни и еден човек им нема. Сепак имаше некои одлични моменти каде што се цепев од смеење.
Алан рулз.

 

[Грејвдигер]

Moneyball (2011) - IMDB - 7/10​

​

Добро филмче, барем за тие што сакаат спортски филмови и спортски менаџери. Се работи за веќе позната приказна која сигурно ја имаме видено во многу филмови, како некој човек го остварува својот сон и на почетокот сите се против него...​

 

[Io Sono Interista]

Moneyball (2011)

Бред Пит во улогата на Били Бин, менаџер на бејзбол тимот Оукленд Атлетикс кој во 2002 со мал буџет составува силен тим, базиран на статистички податоци. Револуционерниот пристап во работата ќе ги вознемири „диносаурусите“ во тој спорт а Били ќе се најде на работ на пропаста, но знаете веќе како оди тоа во спортските драми.

Значи, ако го барате оној спортски филинг, тим кој оди против сите изгледи и веројатности но сепак победува... нема да се разочарате. Филмот го нуди истото што и другите филмови кои зборуваат за спортски подвизи. Исто така можевме да видиме и една покомплетна улога на Бред Пит кој цело време е во фокусот, едвај да имаше неколку сцени во кои не беше присутен. Тоа е добро за него, се надевам дека во иднина ќе добива слични сериозни улоги.

Од друга страна, како драма, филмот кај мене потфрли, пред се заради тоа што освен Пит и дебелкото, нема други актери во филмот, сите се статисти. За добра драма се потребни добри ликови а во овој филм ги нема. Филип Сејмор Хофман е одличен актер кој во филмов е тренер на екипата - доби неколку реплики и повремено се појавуваше во тв-пренос како ја води екипата и гестикулира нешто со рацете. Обично во спортските драми за тимските спортови имаме и по неколку спортисти чија приказна е обработена и кои имаат значаен удел во филмот, но овде истите се само имиња и ништо повеќе. 2-3 од нив добија по некоја реченица и тоа беше тоа. Кратко појавување имаше и ќерката на менаџерот и тоа беше се.

Значи, филмот е целосно за Били, менаџер кој има малку поинакви сваќања од останатите во бизнисот. Тоа е тоа.

Да немате големи очекувања и сигурно да не очекувате спортски спектакл. Се работи повеќе за обична, лесна, спортска приказна.

7/10.

 

[Iceboy]

The Ides of March



Политичка драма за време на борбата за да се биде кандитат за претседател на Америка.

Искрено очекував нешто повеќе од филмот, не дека беше слаб, беше добро претставен, добра глума и се тоа, ама незнам уште кога вдиов дека трае 01:45 часа знаев дека нема да го добијам тоа што го сакав.
Мајк Морис (Џорџ Клуни) е кандидат за кандидатура (ко К-15 звучам сега) за претседател на Америка. Стивен Маерс (Рајан Гослинг), е негов помошник, еден од главните луѓе на неговата кампања. Сите они нечисти игри во политиката се претставени во филмов.

Искрено нема да има нешто во филмов што ќе ве изненади. Предвреме ќе знаете што да очекувате од понатамошниот дел.
Клуни и посебно Гослинг си ја завршија одлично улогата. Си стојам на тоа дека Гослинг има огромни шанси да добие Оскар во следниве 4-5 години, ако продолжи со ова темпо.

Немам ниеден друг филм гледано од номинираните за Златен Глобус, ама искрено не верувам дека овој има некои поголеми шанси.
Следни на листата се The Help и Moneyball, па ќе видиме тие што ќе понудат.
За овој оценка 7/10

 

[zmej gorjanin]

Antichrist

Солиден филм на Триер. Првин мислев дека намерата му била удар врз феминистичкото движење, но сепак крајната порака се однесува на злата природа на човекот што може да се увиди и од искажувањето на Шарлот која рече: Nature is Satan's church, а нејзиниот сопруг за време на терапијата ја советуваше "да стане и таа зелена и да се претопи со природата". Тој преку овој филм направил една паралела на приказната за Адам и Ева, со тоа што ја обвинува жената дека пред се гревот е втемелен во нејзината природа.

Спојлер

Шарлот за време на сексот го виде нејзиниот син како го отвара прозорецот, а сепак не превзеде ништо

. Тоа е слично со Ева и јаболкото. Дури и нивната викендица во шумата се вика Еден. Шарлот пишувајќи ја својата теза за gynocide, што пред се се однесува на масовните убиства на жените во средниот век од страна на црквата, кои биле прогласувани за вештерки, наместо да развие критички став кон оваа појава напротив ја прифаќа идејата дека жената навистина е грешна и треба да биде казнета. Тоа се гледа и од нејзините постапки, облекувајќи му ги чевлите на синот на погрешните стапала, со што предизвикала и деформитет кај стапалата на детето, кој се утврди по аутопсијата и кој немал никаква врска со смртта, или пак желбата да биде повредувана (казнувана) од нејзиниот сопруг додека имаат секс. Таа успеа да го постигне тоа што го тврдеше, односно дека човекот е всушност зол. Преку своето зло таа го ослободи и злото кај нејзиниот сопруг,

Спојлер

кој во овој случај ја превзеде улогата на црквата

. Од мене 8.

 

[jasisamojas]

Mission Impossible - Ghost Protocol (2011)

Конечно излезе најновото 4-то продолжение на невозможната мисија на тајниот супер агент Итан Хант и неговиот тим.

Руски агенти се на пат да лансираат нуклеарна бомба во Америка. Итан и неговиот тим се во намера да ги спречат. За време на мисијата, Итан се наоѓа на местото на една огромна експлозија во една тајна архива во Кремељ. Поради тоа Русите го обвинуваат Итан (како Американец) дека стои зад таа експлозија и го осудуваат нападот како необјавена војна. На политичко ниво се заострува ситуацијата помеѓу Русија и Америка, што за тимот на Итан резултира со акцијата Ghost Protocol, т.е. американскиот претседател го порекнува постоењето на IMF (Impossible Missions Force = шпионската агенција на САД). Па така тимот на Итан Хант ги нема изобилните финансиски средства да ја продолжи мисијата, а истовремено треба да го спречи нападот на Русите и исто така да го врати угледот на неговиот тим. Ај толку за приказната.

А инаку имаше многу добри кадри додека престојуваа во највисоката зграда на светот, хотелот Бурж Калифа во Дубаи. Тоа ми беше и најинтересниот дел. Другите локации беа Будимпешта, Дубаи, Индија, Русија. На моменти дејството ми одеше некако многу забавено, очекував повеќе акција, не дека немаше, ама паралелно имаше срцепарателни приказни, навраќање на минатото, изгубена љубов, разочарување бла бла бла. Не знам, ама тоа некако не ми се вклопи убаво со мисијава, а може и да е до мене, ми имаат речено дека не сум бил многу романтичен. Инаку претставија и добри нови чуда на технологијата, кои не можам сега тука да ги објаснам како функционираат, треба да се погледнат.
И не ми се верува дека Том Круз има 48 години во филмов.
П.С. Ќе има и 5-ти дел )
Реално би го оценил со 7,9/10, додека моменталната на IMDb 8.

 

[Max Legend]

Rashomon
http://www.imdb.com/title/tt0042876/

Едо периодот.Во една напуштена куќарка засолниште од дождот бараат 3 лица-будистички свештеник,дрвосечач и обичен патник.Свештеникот во еден момент ќе почне да раскажува случка која се случила пред неколку дена-имено тој бил сведок на убиство на богат човек кој патувал кон Едо со сопругата,и како сведок бил повикан да даде свој исказ на полицијата.Од друга страна и дрвосечачот ги видел сопругот и сопругата во критичниот настан и така почнува една приказна за мистериозното убиство раскажувана од различни перспективи.Кој го убил човекот-дали тоа била неговата сопруга или можеби друмскиот разбојник Таѓомару кој ги чекал во заседа?Или можеби....?

Се навикнав да го гледам Куросава како режисер на епски самурајски филмови,но ова е веќе друга работа.Адаптиран од истоимената книга на Рјуносуке Акутагава оваа приказна е историски трилер,мислиш дека Куросава го поделил проектот со Алфред Хичкок.Рашомон е неизвесен,верзијата на различните сведоци е толку издржана да не знаете кој лаже а кој не.Таѓомару е кривец колку што не е.

Рашомон трае само 90 минути и верувам дека нема да ви биде тешко да ги потрошите на овој филм.Трилерљупци,ако не ви сметаат неанглиските филмови,како и црно-белата верзија на филмот(Рашомон датира од 1950 г.) ова остварување на Куросава може да направи и повеќе од тоа да ве импресионира.

 

[Io Sono Interista]

We Need to Talk About Kevin (2011)

Најдобра драма од 2011 од филмовите кои ги изгледав до сега, но сепак сум лут на режисерот и сценарист (за режијата не за сценариото) затоа што ова имаше потенцијал да биде голем филм.

Се работи за една мајка на тинејџер која се справува со својата болка и со одговорноста, откако нејзиниот син тргнува во крвав поход во своето училиште, убивајќи свои врсници.

Две сериозни улоги го направија филмот тоа што е. Првата е на мајката Ева (Tilda Swinton) која паралелно (бидејќи филмот оди со дејството напред-назад) го покрива периодот додека нејзиниот син Кевин расте и периодот после убиствата, во кој таа е друга, скршена личност. И добро го прави тоа, посебно оној вториот дел. Втората улога е тинејџерот Кевин (Езра Милер). Запамтете го ова име. Ме потсети на Damien во Omen II. Фантастично ја доловува улогата на тинејџер со кој наизглед се е во ред, но има некоја темна, мрачна страна во него, нешто што чека да излезе на површина.

Ако ова ви заличе на хорор флик, нема врска со тоа. Филмот е сериозна драма а сум познавал 1-2 деца како Кевин, иако за среќа тие си направиле повеќе штета на себе си отколку на другите. Барем за сега.

Ама ја усраа со саундтракот тоа е страшно, извинете на израз. Па да му се невиди ги сакам јас 70-тите и се тоа, ама Боб Дилан ќе завршеше работа ако веќе сакаа во тој стил... И тоа беше доволно онака ептен да ми расипат, лоши песни во лоши, неприкладни моменти. Веројатно треба да се одработи до крај, за да биде се како што треба.

Филмот е инаку добитник на неколку британски и европски награди. Нема нешто посебно да се прослави со оскари или глобуси, но се кладам на невидено дека е подобар од оној филмот за Маргарет Тачер. (Ова „Енглезиве“ секоја година снимаат или за некој премиер или за некој од кралското семејство. Блер, Елизабета II, Колин Фирт (поздрав до џимеј ) и сега Тачер).

Околу 7/10 пошто ме изнервираа, иначе 8 ќе му дадев. Јака работа...

 

[VLJ]

Martha Marcy May Marlene

Овој филм решив да го гледам поради освоената награда за најдобар филм и режија на фестивалот Санденс и поради тоа што на интернет го нарекуваа „овогодинешниот Winter's Bone“.

Главното дејство во филмот се одвива околу еден култ, неговиот водач и неговите членови. Филмот започнува кога Марта бега од култот и оди да живее кај сестра и'. Марта е на сигурно, но се' уште ја прогонува се' она што и' се случувало.

Филмот успешно го доловува животот во изолирана средина, физичките и менталните злоупотреби настанати како резултат на таа средина. Постојат многу филмови снимени за култови, но убавината во овој филм е што дејството го доживуваме од перспективата на главниот лик. Лик, кој е оштетен, кој заборавил како е да се живее во нормалниот свет, каква треба да биде интеракцијата со другите луѓе. Лик кој не може да разликува што е јаве, а што сон, што е добро, а што е лошо.

Ова е прв филм на Елизабет Олсен (сестра на близначките Олсен), на која поради извонредната глума и' предвидувам богата и успешна кариера. Режијата, саундтрекот и фотографијата се исто така многу добри. Многумина би нашле замерка поради тоа што дејството се одвива бавно, но мене не ми пречеше бидејќи сметам дека тоа придонесува до поголема интимност и поврзаност со главниот лик.

Моја оцена: 7/10