Јас лично го оправдувам чинот на абортус. И изреволтирана сум од повеќето ваши коментари. Не е во ред, во ова напредно време, да имаме толку застарени сфаќања кон нештата. И ако веќе се забранува абортусот, како чин сфатен само на површно ниво, тогаш нека се забранат сите естетски операции, корекции, забни импланти и сл. Која е сличноста меѓу абортусот и другите наведени работи? Епа гледајте на ова од друг аспект, да ги оставиме на страна религиозните учења, верувања и сл. Доколку некоја млада девојка забремени, која што има да речеме перфектен живот, планови за во иднина, која е на самиот почеток на својата кариера, зар треба да фрли се во вода и да стане мајка на 18 години? Или доколку некоја млада девојка не е во состојба да го издржува детето, т.е. не е во состојба самата да се издржува а камоли детето, зар тогаш треба да го роди тоа дете? Самата бременост може да предизвика тешки психички пореметувања кај девојката, несигурност, срам и чувство на отфрленост од општеството. Истите чувства се јавуваат и кај личности кои не се задоволни со својот изглед, или во крајни случаеви, личности кои доживеале сообраќајна несреќа и при тоа половина лице им е уништено поради сообраќајката, па поради тоа се одлучуваат на естетска операција, и при тоа никој не им ја забранува, епа зашто тогаш да се забрани абортусот? И што, и ако не абортираат овие две девојки, зар вие кои сега сте против чинот на абортус, нема подоцна да ги гледате девојките со предрасуди? Зар нема да прокоментирате дека е „уличарка“, дека родителите не се грижат за неа, дека којзнае со кого спиела, чим останала бремена на 17 години. Дете не може да одгледува дете. А мислам дека крајно време е да престанеме да глумиме филозофи и да дискутираме на вакви теми без претходно да ги земеме в предвид сите аспекти, причини за абортус. Нашето општество, поточно НИЕ сме полни со предрасуди и ретко кој добро размислува пред да каже нешто. Абортусот е право на секоја жена, секој има право да го планира семејството и својот живот. И сите вие кои сте против абортусот застанете за миг (со исклучок на жените во брак и оние кои планират или сакаат да забременат), и замислете дека имате само 17/18 години и денес дознавате дека сте бремена. Што ќе направите? Толку лесно ќе го прифатите фактот дека за 9 месеци ќе имате бебе, и радикално ќе се промени вашиот живот, токму кога сте на самиот почеток на животот, и кога и самата не знаете што понатаму? Лесно е да се гледа од страна и да се зборува, тешко е кога сте дел од случајот...
