Славој Жижек: enfant terrible на пост-модерната философија

[Тапетарот Петар]

Славој Жижек е словенечки философ и психоаналитичар кој себеси се дефинира како политички левичар и следбеник на Хегел и Лакан. Жижек е професор на Универзитетот во Љубљана и чест гостин предавач на многу светски универзитети. Пишува и говори на многу теми – од класична философија, психологија, социологија, политика, уметност, итн. и се занимава со клучни прашања за политичка идеологија, идентитет, поп култура... Неговиот пристап е неконвенционален и провокативен. Јас имам малку амбивалентен однос кон Жижек – од една страна, знае да биде брилијантен во својата опсервација и храбро да истапи во демистифицирање политички идеологии, доминантни теории, или културни трендови. Од друга страна, на некои неговите ставови, иако забавни, им недостасува научна строгост. Во секој случај, Жижек е релевантен современ философ и теоретичар чии дела се веќе предмет на научни истражувања.

Еве 4 клипа. Првиот е една куса анимирана анализа на капитализмот, вториот е за екологијата како нов вид религија, третиот е оригинална анализа на различни идеологии, a четвртиот е неговиот говор на протестот на Wall Street. Инаку, има многу видеа на Жижек по нетов. Мало предупредување: не е лесно да се ослободите од иритирачкиот ефект на неговите тикови и изговор.

 

[Savle]

Сертифициран кловн.

 

[Антоние]

Бледа верзија на Ајн Ренд.

 

[нихилист]

Штом е бледа верзија на Ајн Ренд значи апсолутно за ништо не го бива...

 

[Windfucker]

Има навистина солидни шеги и смисла за хумор, не знам за тоа дали не го бива за ништо, човекот има издадено 100 книги некој дури и за Кембрич, па не можеме да му го урнеме кредибилитетот, барем не ние од форумов.
Во секој случај е позабавен од Чомски и малку пософистициран од Мур, ставовите кој ги презентира во главно се изџвакани и преземени од други филозофи, но Жижек има навистина дарба да ги воочи сите мани на општествота за и прваче да би ги сфатило. Мене ми се блиски неговите ставови и ми е симпатичен, да не е толку исилен во презентацијата со оставање на критика би бил уште подобар.

 

[Антоние]

Многу тежок е тој збор "апсолутно", господине Штирнер, многу грамаден. Непријатен на плеќи да го нафрлиш.

Ништо не е апсолутно, поготово не кај човекот општо и кај неговата човекова природа.

 

[нихилист]

Ништо не е апсолутно.

Точно, ама не знам колку Ајн Ренд и нејзиниот објективизам би се согласиле со тебе.

 

[Антоние]

Аооо па ти стапица си ми поставил

Само залудно, уопште не сум некој голем љубител на Ајн Ренд.

The Fountainhead е меѓутоа според мене супер книга која и до ден денес ја препорачувам на млади дечки и на луѓе кои се на крстопат во животот затоа што навистина може да го мотивира човека.

Но настрана од ова објективизмот секогаш треба да се зема со grain of salt.

Секогаш.

 

[нихилист]

По цена да бидам обвинет за шовинизам од локалните феминистки низ форумов, ќе кажам дека Ајн Ренд се здоби со популарност на големо поради тоа што е жена, а жени филозофи се реткост. А дали таа е навистина филозоф, во вистинската смисла на зборот, или обичен новелист од чии дела произлезе една промашена филозофија, е друга работа. Што се однесува до објективизмот, би го критикувал со денови, речиси секој аспект од тоа гледиште е погрешен според мене. Но не е за тоа темата.

П.С. "Стапицата" беше "поставена" ненамерно, така се намести, затоа што првиот твој пост го сфатив како индиректна пофалба спрема Ренд, мило ми е што погрешив.

 

[Тапетарот Петар]

А што има врска Жижек со објективизмот на Ајн Ранд и како тоа е нејзина бледа копија?

 

[Raziel]

А што има врска Жижек со објективизмот на Ајн Ранд и како тоа е нејзина бледа копија?

И мене не ми е јасно ова.

 

[MEDDLE]

А вака освен клиповиве, сте прочитале нешто од Жижек, па да го нарекуавте сертифициран кловн, или пак бледа верзија на Ајн Ранд? Не ми е јасно..

Додуше, од перспектива на Жижек, како што тој би рекол, „секогаш е подобра грубата и директна навреда - едноставно е поискрена“.

 

[нихилист]

А вака освен клиповиве, сте прочитале нешто од Жижек?.

Не, зборувам за себе, мојот коментар беше насочен спрема филозофијата на Ренд, со делата на Жижек не сум запознаен.

 

[Savle]

Која црна Ајн Рајнд, абдалов е марксист.

Жижек е миленик на современата левица и е лика и прилика на се она што е погрешно со модената левица. Типов се занимава со психоанализа (??) и тоа Лакановска (???). Тоа е исто како да кажеш дека се занимаваш со гледање на гравчиња по методот на оџата од слупчане. Потполно научно неписмен, но храбар и речит, е вистински идол за необразованата маса индоктринирани левичари на кои им продава софизам.

 

[Ставрогин]

Жижек е медиска звезда. Во постмодерното време, не постои вистина или лага, постои само присутност и отсутност во медиумите...