Волков ја избра Црна Гора
Владимир Волков ги разочара српските фудбалски фанови со одлуката да го одбие нашиот северен сосед и наместо за Србија, во иднина да го носи дресот на Црна Гора. Одличниот лев бек игра фантастично во дресот на Партизан, па јасно е зошто Србите се надеваа дека тој ќе прерасне во еден од лидерите на националниот тим веќе од следниот квалификациски циклус. Волков, кој е роден во Белград, долго време флертуваше на оваа тема, за на крајот да шокира многумина со одлуката да настапува за репрезентацијата на Црна Гора.
„
Водевме неколку разговори, на последниот присуствуваа и Дејан Савичевиќ и Саво Милошевиќ, по што Волков реши да ја прифати нашата покана и во иднина да настапува за Црна Гора. Неговата одлука е дефинитивна и нема да се промени ниту во случај тој во блиска иднина да добие покана за настап за селекцијата на Србија. Договорот е постигнат на обострано задоволство, јас лично сум пресреќен што добивам на располагање играч со вонсериски квалитети“ - изјави селекторот на Црна Гора, Бранко Брновиќ.
Поради недоволното време за собирање на сета потребна документација, Владимир Волков нема да може да настапува за Црна Гора на претстојните бараж средби со Чешка за пласман на ЕП 2012. Останува да се види како ваквата одлука на левиот бек ќе се одрази врз неговиот статус во Партизан, бидејќи евентуална преселба на Волков на клупата за резерви ќе значи и поголема минутажа за македонскиот репрезентативец Александар Лазевски.
http://ekipa.mk/News.aspx?newsId=1971
Знаење и Косановиќ, два различни поими 
