На својот профил на една од социјалните мрежи, еден водител на дневна вечерна емисија на една национална и сателитска телевизија, намерно не ги спомнувам за да не им правам бесплатен маркетинг, објавил дека го контактирал министерот за информатичко општество, Иво Ивановски, кој го известил дека сите држави од Балканот кај кои сеуште не се достапни услугите на PayPal, ќе можат да ги користат услугите на PayPal, но не од 24 септември 2011, туку од јануари 2012.
Лично, повеќе им верувам на соопштенијата на PayPal, отколку на актуелната влада на Република Македонија.
И јас еднаш преку e-mail го контактирав министерот за информатичко општество Иво Ивановски уште пред 2 или 3 години, не помнам точно, и истиот тој Иво Ивановски кој и до денешен ден е министер за информатичко општество, ме извести дека Министерството за Информатичко Општество не е надлежно за достапноста на услугите на PayPal во Република Македонија.
Значи, од една страна се фали по весниците и телевизиите дека PayPal ќе почне да ги нуди своите услуги во Македонија, прво велеше во 2009, па потоа во 2010, па на почетокот на 2011 спомна дека PayPal ќе почне да ги нуди своите услуги во Македонија во текот на 2011 година, а сега на овој баткава кој глуми непартиски и независен новинар, а веќе 2 години по ред ја фали актуелната влада, наводно му рекол дека PayPal ќе почнел да ги нуди своите услуги во сите останати држави на Балканот во кои во моментов не ги нуди истите, но не од 24 септември 2011, туку од јануари 2012, а од друга страна, пред 2 или 3 години, на мене преку e-mail убаво ми потенцираше дека не е надлежен за достапноста на услугите на PayPal во Република Македонија.
Затоа јас повеќе доверба имам во соопштенијата на PayPal, отколку во тоа што ќе каже актуелната влада на Република Македонија.
