аллександар
Вечно ненаспан
- Член од
- 5 мај 2006
- Мислења
- 7.381
- Поени од реакции
- 2.522
Фармер од Куба во последните 18 години преживеал шест удари од гром. 62 годишниот Хорхе Маркез, кој добил прекар Громобран, живее во покраината Лас Тунас, 650 километри источно од Хавана.
Првиот удар го добил на 5 јуни 1982 година додека возел трактор.
- Се укочив и паднав. Од јачината на звукот ми пукнаа ушните тапанчиња и едно време не можев да мрдам со десната рака, раскажува селанецот кој исто така добил опекотини на грбот, а му испаднале и пломбите на забите. Од громот му се оштетил и тракторот.
Пет години потоа, во 1987 година преживеал уште два удара од гром, а потоа истата судбина го снашла и во 1991, 1998 и 2005 година. При ударите минал со полесни или потешки повреди, но сите ги преживеал. Никој до сега не успеал да одгатне зошто Маркез толку ги привлекува громовите.
- Пред да умрам би сакал некој темелно да ме прегледа во врска со тоа, рекол „Громобранот“.
На прашањето дали се плажи дека може да го удри гром уште некој пат, тој вели:
- Се разбира дека се плашам. Секој пат кога почнува да врне, јас му ја препуштам душата на Господ.
