Меѓународниот монетарен фонд бара струјата да поскапи најмалку за 40 отсто до 2015 година
Наместо од април, како што се најавуваше, струјата поскапува од 1 март.
Регулаторната комисија за енергетика на вчерашната подготвителна седница ја утврди новата цена, која ќе биде повисока за 5,48 проценти. Но тоа е само првата рата од струјниот шок што ги очекува граѓаните. Ново и поголемо поскапување се очекува наесен, кога ќе легне и прашината од изборите. До крајот на годината цената би требало да се зголеми за над 10 проценти во однос на сегашната, велат нашите извори, кои се повикуваат на двоцифреното поскапување на струјата во Србија деновиве, а пред Нова година и во Албанија. Меѓународниот монетарен фонд бара струјата да поскапи најмалку за 40 отсто до 2015 година. За академикот Томе Бошевски нема дилеми дека трендот на поскапување на електричната енергија ќе продолжи и во наредниот период.
- Времињата на евтина електрична енергија се поминати. Неопходни се значајни инвестиции за постојните термо-капацитети да продолжат да работат во наредните 10-15 години, а тоа некој треба да го плати - смета тој.
Бизнис-заедницата веќе изрази загриженост поради порастот на цените на енергенсите, што се одразува на нивните трошоци на производство. Загрозен е стандардот и на граѓаните. Зголемувањето на цената на струјата ќе повлече и ново поскапување на прехранбените продукти, транспортот и услугите. Нови повисоки цени веќе добија лебот, маслото, месото, млекото, а рапидно се зголеми и цената на шеќерот. Случувањата во Либија предизвикаа неконтролиран пораст и на цената на нафтата на светските берзи.
Во однос на цената на струјата, дознаваме дека страстите особено зовреле по најавите за брзи предвремени извори. Енергетските компании биле во паника поради можноста, заради купување социјален мир, Владата да го одложи поскапување на струјата за по изборите. Најголемите енергетски компании уште лани бараа поскапување, бидејќи актуелните цени им носат загуби и не им ги покриваат трошоците во работењето. Од ЕЛЕМ вчера изразија незадоволство од процентот што го добиле со најавеното поскапување на струјата.
- Не сме во целост задоволни, бидејќи иако крајната цена е 5,4 отсто, ЕЛЕМ во таа цена учествува само со 0,6 отсто, што значи поскапувањето како резултат на инвестициите што ги правиме не е големо во крајната цена на електричната енергија - вели директорот Влатко Чингоски.
Според претседателот на Македонската енергетска асоцијација (МЕА), Димитар Хаџимишев, најавеното поскапување на електричната енергија нема да влијае на инвеститорите.
- Ако секоја одлука на РКЕ влијае на инвеститорите, тие нема да доаѓаат и да инвестираат. Станува збор за тековно усогласување на цените, а не за некое поскапување на електричната енергија - смета Хаџимишев.
http://www.novamakedonija.com.mk/NewsDetal.asp?vest=2261188466&id=10&prilog=0&setIzdanie=22217
Владата се задолжи со нови 10,3 милиони евра преку издавање државни записи и покрај најавите дека во 2011 година ќе се откаже од тоа. Од почетокот на годинава Владата издаде записи во вкупна вредност од речиси 90 милиони евра и со тоа не ги исполни своите ветувања дека годинава ќе се воздржи од задолжување на домашниот пазар, а за да остави повеќе пари во оптек што банките би ги пласирале кај фирмите и кај граѓаните.
Вицепремиерот и министер за финансии Зоран Ставрески во повеќе наврати на крајот од минатата година, кога го претставуваше предлог-буџетот за 2011 година, укажуваше дека Владата ќе го финансира буџетот од надворешни извори, а не преку домашно задолжување.
- Можно е целосно да го исклучиме домашното задолжување, односно на нето-основа во 2011 година тоа да изнесува нула наспроти 4 милијарди денари оваа година. Така ќе им оставиме повеќе пари на банките да ги финансираат стопанството и граѓаните – рече Ставрески во октомври минатата година.
Меѓутоа Министерството за финансии уште во почетокот на јануари годинава, а сега и во почетокот на февруари одржа аукции на државни записи со кои се задолжи со 89 милиони евра. На аукциите, државните записи се издаваа со камати од 4,10 и 4,15 и 4,20 отсто, во зависност од времетраењето на достасување и од тоа дали станува збор за записи со или без девизна клаузула.
Во Министерството велат дека е невозможно наеднаш да се прекине со издавање државни записи, бидејќи станува збор за финансиски извор преку кој се плаќаат веќе достасаните записи од минатиот период. Оттаму велат дека постепено се намалува износот на издадени државни записи и дека нема зголемување на домашното задолжување.
На веб-сајтот на Министерството за финансии може да се види дека Владата планира нови задолжувања преку државни записи, и тоа преку одржување уште две нови аукции во март годинава. Интересно е што Владата веќе го озакони заемот од ММФ со кој на Македонија и беа ставени на располагање околу 480 милиони евра. Воедно се планира и задолжување преку издавање нова еврообврзница. Ставот на Владата е дека засега нема потреба да се трошат парите од ММФ.
http://www.novamakedonija.com.mk/NewsDetal.asp?vest=2261186283&id=10&prilog=0&setIzdanie=22217
(шала)
