Како фан на Манчестер Јунајтед, нормално дека ќе гласам за нив. Искрено мислам дека и тие ќе ја освојат ПЛ оваа година. Реално досега немаат земено некое звучно засилување, но мислам дека Смалинг и Чичарито + тимот од минатата сезона се доволни за 19та титула. Челзи направи мала чистка во тимот, и го доведе само Бенајун. Во нив гледам како најголеми конкуренти на Ман.Јунајтед за освојување на титулата. Арсенал се засили со Чамак и мислам дека сезонава ќе има добар тим, но знаејќи дека Арсенал игра само до полусезона, не очекувам многу од нив. Ливерпул смени тренер, се засили со Џо Кол и Јованович. Искрено јас мислам дека ни оваа сезона Ливерпул нема да биде во топ 4, камоли да се бори за титула. Најмногу досега се засили Манчестер Сити, сигурно ќе зема и други засилувања. Но, тие секоја сезона во првиот тим имаат најмалку 4-5 нови играчи и им е тешко да играат заедно. Но, сепак мислам дека ќе бидат добри конкуренти оваа сезона. Тотенхем минатата сезона одигра фантастично, освојувајќи го 4тото место. Но, оваа сезона не верувам дека може да играат толку добро како и минатата, а и конкуренцијата е поголема, па така не очекувам повеќе од 5 место.
