Нема повеќе бесплатно гледање англиска Премиер лига!
Правата за англиското првенство за територија на Македонија ги откупи унгарскиот спортски канал Спорт клуб, кој во Македонија воопшто не се емитува, а слично се најавува и за италијанската Серија А, која е во „сопственост“ на српската Арена спорт ТВ
Наредната сезона од англиската фудбалска Премиер лига нема да им биде бесплатно достапна на гледачите во Македонија, откако правата за емитување на најатрактивната лига ги откупи унгарскиот спортски канал Спорт клуб, кој во Македонија, засега, воопшто не се емитува. Тоа што во светот одамна е тренд, кај нас дојде наеднаш, многу брзо и без тронка време за реакција, па тие што сакаат да ги гледаат премиерлигашките ѕвезди, ќе треба дополнително да плаќаат.
Спортскиот канал Спорт клуб веќе неколку години постои на просторите на поранешна СФРЈ, со свои „верзии“ во Хрватска, Србија и во Словенија, а од неодамна и во Црна Гора и во Босна и Херцеговина. Овој канал се емитува и на други јазици - унгарски, романски, полски... но сега, првпат ги купи правата за англиската фудбалска лига за територијата на Македонија. Тоа значи дека македонскиот граѓанин нема да може бесплатно (народски кажано со собна антена) да ги следат големите премиерлигашки дербија, како што досега беше практика изминативе години. Англиската лига прво се појави на националната МТВ, потоа неколку години одеше на А1, а лани се емитуваше на Сител. Во борба за право на емитување, цифрата за откуп на правата за Премиер лигата нагло порасна, па минатата година Сител за нив плати 550.000 евра, иако претходно А1 сезоната 2008-2009 ја емитуваше за „само“ 360.000 евра. Сега се шпекулира дека Спорт клуб платила неколку милиони евра за да ги има правата за просторите на поранешна СФРЈ.
Спас за македонските граѓани што ќе сакаат да го следат во живо најпопуларното фудбалско првенство може да биде единствено ако Спорт клуб ги продаде правата за реемитување на нивната програма на телевизиските оператори „Макс-ТВ“, „Боом ТВ“, „Тотал ТВ“ или на некој од кабловските оператори во Македонија. Но и тогаш, гледањето на Премиер лигата би било ограничено, зашто тренд во светот е тоа да биде дел од посебни пакети, поскапи од обичните, а на кои се претплатени речиси сите граѓани во Македонија.
Втор проблем што може да се испречи помеѓу Премиер лигата и македонската јавност е немањето македонски коментар на натпреварите, дури и во случај Спорт клуб да почне да зрачи и кај нас. Законски, никој не смее да емитува програма без притоа да ја преведе на македонски јазик, а во случајов, за сé да биде легално, коментирањето на англискиот фудбал ќе мора да биде дело на наши коментатори. Премиер лигата почнува на 14 август, а засега, никој од ТВ-операторите, барем неофицијално, не најавил дека ќе ги има правата за реемитување на Спорт клуб.
Македонија полека почнува да ги губи странските фудбалски првенства, откако лани не можеа сите да ја гледаат германската Бундес лига, која се емитува на вториот канал на Еуроспорт, кој пак не го нудат сите телевизиски оператори во земјава. Сега, истото се најавува и за италијанската Серија А, која досега беше постојано емитувана на Телма, но договорот заврши, а правата ги има Арена спорт, исто така спортски канал, но од Србија. Можно е да се случи, истиот проблем како што постои за англиската Премиер лига, да има и за Серија А, па македонските граѓани да останат скусени од задоволството да ги гледаат во живо настапите на Горан Пандев во дресот на Интер.
Тронка надеж дека сепак е можно некоја македонската телевизија да пренесува натпревари од Англија е можноста Спорт клуб да и ги реотстапи правата на некоја од нашите ТВ-куќи. Сепак, и тука нема многу простор за радување, зашто најчесто, тоа се случува само за најнеатрактивните термини (на пример, понеделничкиот меч во Премиер лигата), за кои сепак потребно е да се платат многу пари. Но тоа е тешко остварливо зашто е финансиски неисплатливо поради неатрактивноста за привлекување реклами.
Тоа што засега може да ги утеши македонските граѓани е фактот што сигурно уште две години бесплатно ќе гледаат шпански фудбал (Алфа ТВ), Лига на шампиони и УЕФА Евролига (Канал 5).
Линк!
Правата за англиското првенство за територија на Македонија ги откупи унгарскиот спортски канал Спорт клуб, кој во Македонија воопшто не се емитува, а слично се најавува и за италијанската Серија А, која е во „сопственост“ на српската Арена спорт ТВ
Наредната сезона од англиската фудбалска Премиер лига нема да им биде бесплатно достапна на гледачите во Македонија, откако правата за емитување на најатрактивната лига ги откупи унгарскиот спортски канал Спорт клуб, кој во Македонија, засега, воопшто не се емитува. Тоа што во светот одамна е тренд, кај нас дојде наеднаш, многу брзо и без тронка време за реакција, па тие што сакаат да ги гледаат премиерлигашките ѕвезди, ќе треба дополнително да плаќаат.
Спортскиот канал Спорт клуб веќе неколку години постои на просторите на поранешна СФРЈ, со свои „верзии“ во Хрватска, Србија и во Словенија, а од неодамна и во Црна Гора и во Босна и Херцеговина. Овој канал се емитува и на други јазици - унгарски, романски, полски... но сега, првпат ги купи правата за англиската фудбалска лига за територијата на Македонија. Тоа значи дека македонскиот граѓанин нема да може бесплатно (народски кажано со собна антена) да ги следат големите премиерлигашки дербија, како што досега беше практика изминативе години. Англиската лига прво се појави на националната МТВ, потоа неколку години одеше на А1, а лани се емитуваше на Сител. Во борба за право на емитување, цифрата за откуп на правата за Премиер лигата нагло порасна, па минатата година Сител за нив плати 550.000 евра, иако претходно А1 сезоната 2008-2009 ја емитуваше за „само“ 360.000 евра. Сега се шпекулира дека Спорт клуб платила неколку милиони евра за да ги има правата за просторите на поранешна СФРЈ.
Спас за македонските граѓани што ќе сакаат да го следат во живо најпопуларното фудбалско првенство може да биде единствено ако Спорт клуб ги продаде правата за реемитување на нивната програма на телевизиските оператори „Макс-ТВ“, „Боом ТВ“, „Тотал ТВ“ или на некој од кабловските оператори во Македонија. Но и тогаш, гледањето на Премиер лигата би било ограничено, зашто тренд во светот е тоа да биде дел од посебни пакети, поскапи од обичните, а на кои се претплатени речиси сите граѓани во Македонија.
Втор проблем што може да се испречи помеѓу Премиер лигата и македонската јавност е немањето македонски коментар на натпреварите, дури и во случај Спорт клуб да почне да зрачи и кај нас. Законски, никој не смее да емитува програма без притоа да ја преведе на македонски јазик, а во случајов, за сé да биде легално, коментирањето на англискиот фудбал ќе мора да биде дело на наши коментатори. Премиер лигата почнува на 14 август, а засега, никој од ТВ-операторите, барем неофицијално, не најавил дека ќе ги има правата за реемитување на Спорт клуб.
Македонија полека почнува да ги губи странските фудбалски првенства, откако лани не можеа сите да ја гледаат германската Бундес лига, која се емитува на вториот канал на Еуроспорт, кој пак не го нудат сите телевизиски оператори во земјава. Сега, истото се најавува и за италијанската Серија А, која досега беше постојано емитувана на Телма, но договорот заврши, а правата ги има Арена спорт, исто така спортски канал, но од Србија. Можно е да се случи, истиот проблем како што постои за англиската Премиер лига, да има и за Серија А, па македонските граѓани да останат скусени од задоволството да ги гледаат во живо настапите на Горан Пандев во дресот на Интер.
Тронка надеж дека сепак е можно некоја македонската телевизија да пренесува натпревари од Англија е можноста Спорт клуб да и ги реотстапи правата на некоја од нашите ТВ-куќи. Сепак, и тука нема многу простор за радување, зашто најчесто, тоа се случува само за најнеатрактивните термини (на пример, понеделничкиот меч во Премиер лигата), за кои сепак потребно е да се платат многу пари. Но тоа е тешко остварливо зашто е финансиски неисплатливо поради неатрактивноста за привлекување реклами.
Тоа што засега може да ги утеши македонските граѓани е фактот што сигурно уште две години бесплатно ќе гледаат шпански фудбал (Алфа ТВ), Лига на шампиони и УЕФА Евролига (Канал 5).
Линк!
