"ОСАКАТЕН СРПСКИ ФИЛМ"
Контроверзниот "Српски филм" на Срѓан Спасојевиќ бил повлечен од програмата на лондонскиот фестивал на хорор филм "Фрајт Фест", затоа што организаторите одбиле да ја прикажат скратената верзија со дури 49 цензури.
Филмот раскажува приказна за поранешен порно актер (Срѓан Тодоровиќ), кој е принуден да ја прифати понудата на еден режисер (Сергеј Трифуновиќ) да сними порно филм без да знае ништо за него. Доцна сфаќа дека се вплеткал во грозоморно сценарио.
“Филмот е дневник за малтретирањата кои го трпиме од српската Влада. Зборува за монолитската моќ на лидерите кои нè хипнотизираат и нè тераат да правиме нешто што не сакаме. За да го запознаете насилството, мора да го почувствувате”, Спасојевиќ го правда својот филм.
Но, режисерот не успеал да го убеди Британскиот борд за класификација на филмови, кој побарал да се извршат 49 индивидуални резови во вкупно траење од 4 минути. Портпаролката на организацијата вели дека ја разбираат намерата на филмот, но напоменува дека сексуалното насилство во сцените ги поминува сите граници.
Организаторите на Фрајт Фест првично планирале да ја прикажат оригиналната нецензурирана верзија, но биле поразени од локалниот совет.
“Одлучивме воопшто да не ја прикажеме масовно цензурираната верзија на ‘Српски филм’, бидејќи како фестивал со глобален интегритет, сметаме дека филм од ваква природа треба да биде прикажан онака како што го замсилил режисерот”, изјавил еден од директорите на настанот.
Американскиот критичар Скот Ваинберг го опиша “Српски филм” како трагичен, болен, вознемирувачки, перверзен, апсурден, но прилично интелигентен филм, на кој во исто време му се восхитува и го мрази.
“Никогаш повторно нема да го гледам. Никогаш”, ветил Ваинберг.
он.нет.мк
) Постар е филмот, ама за тој што не го гледал, под итно инсистирам. И да, Adam Sandler во главната улога.
.Inace toj so pisa za Unthinkable ne e kujznae kolku gaden