Кајгана,
имам чувство дека веќе нико не прави ништо од срце, искрено, дека никој не се кае, дека сите имаат потреби а не помагаат на никој, дека ако направиш нешто за некој, нема пак да биде задоволен. Мислам дека сите се полни со некоја наметната негативна енергија заради одредени луѓе кои им одговара да постои незадоволство. АКо немаш моќ, доволно е денес барем еден да го направиш среќен, ако имаш и моќ и можност, тогаш направи повеќе луѓе среќни, а не додатно несреќни.
Не знам кој им е проблемот, недоволно љубов како мали, недоволно секс можеби деновиве, можеби само поттик во средства, за да се биде толку негативен, толку полн со негативна енергија, или пак среќни ги прави ликувањето кога ќе добијат несреќна фаца пред нив. Во секој случај, не се како што треба да бидат.
Ме изненадува фокусираноста на дел од нештата, наместо во глобала, барајќи со сета сила нешто лошо, или додавање црни пердуви на сешто, ме изненадува силата на луѓето да бараат дамки во сонцето, наместо светлост во тунелот.
Ме нервира кога некој со намонтирана несреќна фаца зборува како треба да се прави за другите да бидат среќни.
Ме нервира што на медиумте се даваат вести за сите што денеска умреле, наместо за тие што се родиле. Има толку убави работи во еден живот, а само една лоша, смр, и од се одбрале за тоа да зборуваат, Уште полошо, зборуваат за педофилија, а никогаш за тоа како треба вистински да се сакаат децата. Зборуваат за подметнати бомби, а ниту една вест за подарените убави работи. Денеска ќе направат прилог за како му се урнала куќата на некој човек, ама нема никакви шанси утре да се вратат и да направит прилог за комшијата кој цела ноќ му помагал да ја изгради. Чудно како одма знаат дека Вардар дотекол, а не знаат дека ќе се прошитува болницата и ќе се дуплираат надлежностите и можностите за помош на луѓето.
Исто ми е чудно како никој не се жалеше кога СРЕДЕ БЕЛ ДЕН околу 5 саата беше блокирана улицата на рекорд поради промоција на нова пролетна линија облека на некоја модна куќа, како никој не се чудеше како ќе поминува брзата помош тогаш, дали на некој ќе му смета???Веројатно се работи за горенаведеното
)
А најмногу ми смета што и мене ме надвладеа негативноста на негативните луѓе.Ај они што од негативна енергија ќе си ја уништат аурата и ќе бидат подложни на болести, ама јас????
Кајгана, од денеска ги ставам на игнор негативните луѓе. Ако они немаат на што да се радуваат во животот, а бог им дал се, јас иако немам се, ќе се радувам на тоа малку што го имам. На крајот на краиштата, животот сами си го кроиме. Затоа, јас денеска скроив нешто: не гледам негативни вести, не читам негативни весници, ќе си посветам време на мојата среќа и ќе се молам горенаведените да ја сфатат смислата на нивниот живот! Барем мојата е секој ден да правам по еден човек среќен! Ако нивната е да ги прават луѓето несреќни, не би можела да им посакам среќа
)
Поздрав Кајгано, со желба за повеќе позитивни и констрктивни коментари, и никогаш повеќе огорчени коментари од мене. Цмок!
Ангела се вика. 
ќе видам дали ќе успее :back:
