Дечки, само за информација, не пробувам ни реферали да добијам ни ништо. Од ПТЦ сајтовите без никаков почетен влог, имам заработено повеќе од 1000$ оваа година. Точно пред 2 недели, добив од Алертпеј 500$ на банкарска сметка у Македонија. Знам дека многумина се апсолутно скептични во врска со ова, делумно се у право, меѓутоа слободно можам да кажам, дека кој сака и ќе се заангажира, може да заработи на овој начин. Напоменувам, не е баш лесно, и бара прилично посветеност и труд, во спротивно, или заработката ќе ви биде смешна од типот на пар центи па до едвај неколку долари, или ќе бидете жртва на многуте измами кои постојат во оваа сфера.
На кратко, да го споделам моето искуство. Со оглед дека сум на интернет прилично голем дел од денот, се заинтересирав дали е можно, тоа "хоби" да го претворам во нешто покорисно. И најдов неколку сајтови, меѓу кои секако прв беше bux.to и си почнав да кликам онака без некоја верба дека има вистина во сето тоа. Како проаѓаше времето, речиси сите сајтови стануваа scam, вклучувајќи го и bux.to (гледам дури и ден денес има луѓе што го рекламираат, па да не се зезне некој, баталете го овој сајт одма). На тој начин пропаѓаше и мојот труд. Но, секако тоа ме научи друга лекција, овие сајтови вообичаено имаат краток век на траење, едвај неколку месеци, и ако сакате да заработите од нив мора да се делува брзо, колку проаѓа времето, поверојатно е дека се ќе отиде у вода. Па почнав да барам реферали, кои е ужасно тешко да се најдат, пред се ради тоа што речиси сите се огромни скептици, или пак немаат интерес ни потреба од вакво нешто.
Но ете, некако собрав неколку десетина реферали на неколку сајтови кои во тоа време исплаќаа прилично брзо, и така, дојдов до некои 30-40$ на Алертпеј. Овие пари ги вложив во купување реферали на isabelmarco.com и таму овие пари ми се мултиплицираа повеќекратно, а сајтов своевремено исплаќаше навистина брзо, па така исплатите од таму ги вложував повторно во нови и повеќе реферали, и почнав за месец два да добивам исплати од по 100-200$. За моја среќа, овој сајт и денес постои, и сеуште исплаќа, иако веќе исплатите се драстично одолговлечени, последната исплата во висина од 390$ ја чекав цели 3 месеци, меѓутоа ја добив. Повеќе немам намера да вложувам во овој сајт, единствено што ми останува е да ги чекам останатите 600$ што ги имам на account-от таму. Исто така, дел од парите што ги имав на располагање, ги вложив и во neobux, кој што е пак прв ПТЦ сајт што воведе инстантна исплата, и за среќа функционира без проблем од мај, па до ден денес. Иако тука профитот е далеку помал од останатите сајтови, ова е апсолутно најсигурниот сајт што постои во оваа "индустрија" и веројатно ќе постои долго. Напоменувам, исплатата тука трае едвај секунда, така што секој може да е сосема сигурен дека парите што ќе ги заработи, навистина ќе ги добие.
Во меѓувреме бев член на многу други сајтови, неколку ме исплатија нешто ситно по некое доларче, меѓутоа, за среќа, не вложив во ниту еден друг сајт, затоа што немав добро чувство за ниту еден од нив, што се испостави во 99% од случаите точно. Денес постојат едвај неколку ПТЦ сајтови кои траат повеќе од пола година, а да не се сеуште scam.
Не можам да ви предложам добри сајтови во моментов, освен neobux, затоа што полека и јас го загубив интересот за ова, и веќе одамна не следам што се случува, а полека и се откажувам. Но, за сите оние што ќе одлучат да влезат во ова, им препорачувам добро да се информираат, преку форуми, и луѓе кои имаат искуство, за колку толку да се заштитат од измами.
За крај, извинете за долгиот пост, но сакам да потенцирам, кој ќе одлучи дека сака да заработи на овој начин, може да успее. Без малку труд, напор и посветеност, пари од небо сами од себе нема да паднат. Меѓутоа, дека од ова може да се заработи, дури и нешто посериозно, е апсолутно точно, и навистина ме нервира коа луѓе што немаат појма, си дозволуваат од старт да кажат како сето ова нема врска и нема шанси да биде вистина. Јас сум си самиот пример, дека времето поминато на интернет, може да се искористи, ако ништо друго да се заработи барем да се плати сметката за интернет, или како во мојот случај, да се купи нов компјутер
Со среќа на сите што ќе се одлучат да си ја пробаат среќата, а останатите барем немојте да обесхрабрувате. Поздрав
