Како и секоја година.....во ова време.....така и оваа започнуваат маките на земјоделците...
Земјоделците ќе го запалат житото, ама не го даваат по 8 денари
Мелничарите прогнозираат дека годинава пченицата ќе се откупува максимум по оваа цена
Поради богатиот род на лебно жито годинава се очекува голема понуда на пазарот на оваа култура, со што автоматски ќе се намали нејзината откупна цена. Во пресрет на новата жетва се' поголем е револтот на земјоделците, кои се закануваат дека ќе го бојкотираат откупот поради најавата на мелничарите оти годинава килограм пченица нема да се плаќа повеќе од 8 денари. Тие потенцираат дека нема да ја продаваат пченицата за помалку од 12 денари и за оваа седмица најавуваат средба со откупувачите, но и со Владата, за да ја информираат за потценувачкиот однос на преработувачите кон нивното производство.
„Подобро да го запалиме житото, отколку да го продаваме по 8 денари. Со најавата за толку ниска откупна цена откупувачите го обезвреднуваат нашиот труд и сакаат да не' уништат“, обвинува претседателот на Сојузот на земјоделци, Вељо Тантаров.
Според него, на преработувачите полесно им е да увезат пченица од Србија или од Бугарија, отколку да ја платат домашната пченица. „Откупувачите не сакаат да ја откупуваат нашата пченица под изговор дека таа е неквалитетна, иако ние произведуваме исти сорти лебно жито како и Србија“, нагласува Тантаров.
Производителите на пченица стравуваат дека ќе завршат како млекарите. Тие тврдат дека, иако пристигнуваат новите резерви пченица, во амбарите се' уште скапуваат домашните резерви од минатата година, кои „тежат“ од 30.000 до 40.000 тони пченица.
Земјоделците стравуваат дека пченицата ќе им остане неоткупена поради увозот од соседна Србија. „Отсекогаш сме имале пченица во резерва, но никогаш во толкави количества. Се плашиме дека пченицата ќе остане дома, бидејќи постојано се увезува од странство. Државата прво треба да се грижи за домашното производство. Пченицата увезена од Србија чини повеќе од домашната, кога ќе се пресметаат сите трошоци. Нашите пресметки се дека килограм пченица од Србија чини 10 денари и дека не станува збор за добар квалитет“, велат земјоделците. Нашите земјоделци, и покрај субвенцијата од 100 евра, не можат да ги покријат трошоците и да заработат со цена под 10 денари. Субвенциите во другите земји се повеќе од 300 евра од хектар.
„Реално, пченицата не смее да биде помалку од 10 денари, цена која е доволна да се покријат само трошоците“, велат земјоделците.
Мелничарите ги негираат земјоделците. Тие тврдат дека квалитетот на пченицата од увоз строго се контролира од нашите надлежни служби при внесувањето во државата. Мелничарите стојат зад својот став дека македонската пченица е неквалитетна и мора да се меша со поквалитетна, за од неа да се прави леб. Како причина го наведуваат лошиот квалитет на семенскиот материјал, но и други околности.
Според нив, пченицата и лани била со низок квалитет и тоа им нанело големи трошоци во работењето, па затоа годинава планираат да откупат минимални количества од домашно производство, а остатокот да го набават од околните земји. Мелничарите наведуваат дека крајната цена што ја плаќаат за пченицата од увоз не е повисока од 8,5 денари. „Сега, поради помалите приноси на пченица во Србија и во Унгарија, малку е зголемена цената за килограм лебно жито, која достигнува 12 денари за килограм. Во Македонија, пак, ќе имаме повисоки приноси, но со квалитет за три класи понизок од оној во Србија. Сепак, засега не можам да дадам процена колкава би била откупната цена на домашната пченица, бидејќи таа зависи од повеќе фактори“, вели Тодор Ѓорѓиевски од „Мелница Кадино“.
Годинава се очекува богат род во целиот регион, а со тоа и ниска откупна цена на пченицата. Моментно српската пченица се продава по пет-шест денари за килограм, што јасно зборува дека мелничарите ќе можат од таму да купат евтина пченица. Увозот на пченица и на брашно од Србија не може да се забрани, затоа што Македонија го има потпишано договорот со Светска трговска организација.
http://www.utrinski.com.mk/?ItemID=ADB252D27148B8478A695A0BA67BF844
Земјоделците ќе го запалат житото, ама не го даваат по 8 денари
Мелничарите прогнозираат дека годинава пченицата ќе се откупува максимум по оваа цена
Поради богатиот род на лебно жито годинава се очекува голема понуда на пазарот на оваа култура, со што автоматски ќе се намали нејзината откупна цена. Во пресрет на новата жетва се' поголем е револтот на земјоделците, кои се закануваат дека ќе го бојкотираат откупот поради најавата на мелничарите оти годинава килограм пченица нема да се плаќа повеќе од 8 денари. Тие потенцираат дека нема да ја продаваат пченицата за помалку од 12 денари и за оваа седмица најавуваат средба со откупувачите, но и со Владата, за да ја информираат за потценувачкиот однос на преработувачите кон нивното производство.
„Подобро да го запалиме житото, отколку да го продаваме по 8 денари. Со најавата за толку ниска откупна цена откупувачите го обезвреднуваат нашиот труд и сакаат да не' уништат“, обвинува претседателот на Сојузот на земјоделци, Вељо Тантаров.
Според него, на преработувачите полесно им е да увезат пченица од Србија или од Бугарија, отколку да ја платат домашната пченица. „Откупувачите не сакаат да ја откупуваат нашата пченица под изговор дека таа е неквалитетна, иако ние произведуваме исти сорти лебно жито како и Србија“, нагласува Тантаров.
Производителите на пченица стравуваат дека ќе завршат како млекарите. Тие тврдат дека, иако пристигнуваат новите резерви пченица, во амбарите се' уште скапуваат домашните резерви од минатата година, кои „тежат“ од 30.000 до 40.000 тони пченица.
Земјоделците стравуваат дека пченицата ќе им остане неоткупена поради увозот од соседна Србија. „Отсекогаш сме имале пченица во резерва, но никогаш во толкави количества. Се плашиме дека пченицата ќе остане дома, бидејќи постојано се увезува од странство. Државата прво треба да се грижи за домашното производство. Пченицата увезена од Србија чини повеќе од домашната, кога ќе се пресметаат сите трошоци. Нашите пресметки се дека килограм пченица од Србија чини 10 денари и дека не станува збор за добар квалитет“, велат земјоделците. Нашите земјоделци, и покрај субвенцијата од 100 евра, не можат да ги покријат трошоците и да заработат со цена под 10 денари. Субвенциите во другите земји се повеќе од 300 евра од хектар.
„Реално, пченицата не смее да биде помалку од 10 денари, цена која е доволна да се покријат само трошоците“, велат земјоделците.
Мелничарите ги негираат земјоделците. Тие тврдат дека квалитетот на пченицата од увоз строго се контролира од нашите надлежни служби при внесувањето во државата. Мелничарите стојат зад својот став дека македонската пченица е неквалитетна и мора да се меша со поквалитетна, за од неа да се прави леб. Како причина го наведуваат лошиот квалитет на семенскиот материјал, но и други околности.
Според нив, пченицата и лани била со низок квалитет и тоа им нанело големи трошоци во работењето, па затоа годинава планираат да откупат минимални количества од домашно производство, а остатокот да го набават од околните земји. Мелничарите наведуваат дека крајната цена што ја плаќаат за пченицата од увоз не е повисока од 8,5 денари. „Сега, поради помалите приноси на пченица во Србија и во Унгарија, малку е зголемена цената за килограм лебно жито, која достигнува 12 денари за килограм. Во Македонија, пак, ќе имаме повисоки приноси, но со квалитет за три класи понизок од оној во Србија. Сепак, засега не можам да дадам процена колкава би била откупната цена на домашната пченица, бидејќи таа зависи од повеќе фактори“, вели Тодор Ѓорѓиевски од „Мелница Кадино“.
Годинава се очекува богат род во целиот регион, а со тоа и ниска откупна цена на пченицата. Моментно српската пченица се продава по пет-шест денари за килограм, што јасно зборува дека мелничарите ќе можат од таму да купат евтина пченица. Увозот на пченица и на брашно од Србија не може да се забрани, затоа што Македонија го има потпишано договорот со Светска трговска организација.
http://www.utrinski.com.mk/?ItemID=ADB252D27148B8478A695A0BA67BF844
