Иако Груевски по професија е економист,економијата во Македонија е на најниско ниво во последните 15 години(ако не и повеќе).Тој едноставно ја уби економијата со тоа што постоечките фабрики ги затвори...и со тоа енормно се зголеми увозот т.е. одлив на девизи.Тој истотака им направи легло на банките,казината и спортските обложувалници,со тоа ги исцрпи парите од народот,не отвора нови работни места,воведе големи казни и даноци за сите... а сето тоа води кон целосен колапс на државата.Среде економска криза и рецесија во која и јаки држави пропагаат Груевски троши големи суми на пари на глупости(споменици,реклами,тв-спотови...).Кога сите држави зимаат пари од ММФ,Груевски ги одби.Нема странски инвестиции а и веќе постоечките ги избрка.Доколку веднаш не се превземат соодветни мерки,државата ќе крахира.
Груевски до кога вака?!
Очигледно дека темава си ја отворил само онака колку да напишеш нешто, а бидејки гледам дека правиш исклучиво исцпрни и добри анализи објективно согледувајки ги работите би ти препорачал да почнеш да пишувам во некој Весник-јас ти гарантирам дека дури Американ Тајмс ќе биде заинтересиран со твоите колумни да бидеш застапен на нивните страници.
Само ме интересира како државата ќе ни крахира??? Или мислеше на економија, јас мислам дека има разлика помеѓу тие два поими.
Нејсе, нема што повеќе да кажам само ќе ти го постирам текстов за да ти покажам дека не си во право:
ИЗВЕШТАЈ НА СВЕТСКАТА БАНКА
Македонија топ-реформатор во светот за бизнис-услови
Македонија е меѓу првите 10 топ-реформатори во светот во однос на олеснувањето на условите за водење бизнис. Ова го покажува извештајот „Дуинг бизнис 2008“ на Светската банка. На листата се и Египет, Хрватска, Гана, Грузија, Колумбија, Саудиска Арабија, Кенија, Кина и Бугарија. Овие земји го поедноставија почнувањето бизнис, ги зајакнаа сопственичките права, ја засилија заштитата на инвеститорите, ги зголемија пристапите до кредити, ги олеснија даночните давачки и ги намалија давачките за надворешна трговија.
- Во Источна Европа има бум на нови бизниси, како што во минатото се случи во Источна Азија. Резултатите покажуваат дека се' повеќе стопанственици влегуваат во бизнисот кога владите ја олеснуваат бизнис-регулативата - вели Симеон Џанков, еден од авторите на извештајот.
На светската ранг-листа Македонија е на 75 место од 178 држави, што е скок од 21. место во однос на лани. Зад нас се Србија, Хрватска, Црна Гора, БиХ, Албанија. Главни критериуми во извештајот се условите за почнување бизнис, добивање дозволи, вработување, регистрација на сопственост, земање кредит, заштита на инвеститори, плаќање даноци, меѓународна трговија, склучување договори и затворање бизнис.
Најлесно е да се почне бизнис во Австралија, каде што се потребни само два дена, а во Македонија - 15. Бирократските процедури се' уште им прават проблем на бизнисмените бидејќи за да се добијат потребните дозволи за работа треба да се чека во просек 192 дена. Земјите во регионот стојат полошо во однос на овој критериум. Трошоците за вработените зафаќаат 33 отсто од платата. Највисоки се во Чешка, каде што изнесуваат 35 отсто, а најниски во БиХ - 15 отсто. За да се регистрира сопственост, во земјава се потребни 98 дена, во Бугарија се доволни само 19, а во Албанија 47. Македонија не може да се пофали со голема заштита на инвеститорите. Тие се позаштитени во Србија, Бугарија, Романија, Црна Гора, Словенија. Стопанствениците имаат обврска во текот на годината да извршат 52 плаќања на даноци, што е релативно многу кога ќе се споредиме со Хрватска (28), Словенија (22), Бугарија (17). Процедурите за плаќање даноци не траат многу - 96 часа годишно, со што сме меѓу првите во Источна Европа. Но, даночниот товар врз профитот е меѓу највисоките во Источна Европа. Даночните давачки кај нас зафаќаат 49,8 отсто од добивката на фирмите. Во Црна Гора изнесуваат 31,6 отсто, во Хрватска 32,5 отсто, Србија (35,8 отсто), Бугарија (36,7 отсто). За разлика од повеќето земји во регионот, македонските фирми имаат поголеми трошоци при извоз отколку при увоз.
Стечајните постапки остануваат слаба страна на македонското стопанство. Тие траат 3,7 години, а во другите земји завршуваат за помалку од три години, и се прескапи бидејќи чинат 28 отсто од вредноста на имотот.
Извор:
(проСДСМовски) ДНЕВНИК
Тоа е се.