Владата си игра „Sims“, пиратска верзија. До кога?

[Bacillus gagous]

A важност се оддава само со дорски столбови и тимпанон?

Знаеме дека има повеќе аспекти од кои целиот проект е дискутабилен. За надворешниот излгед на објектот нејќам да коментирам бидејќи ко прво незнам да ги систематизирам елементите за да знам дали се складни или не, а ко второ сепак до некаде работа на вкус.
Ама од аспект на поставеност мислам дека дефинитивно нема да ја постигне целта за која е граден.
Освен тоа не мора да биде се во центар, има еден куп други населби со доволно празни простори каде ќе може да се лоцира истиот објект
и малку да се тргне целиот притисок врз центар кој и онака веќе е полн и нема веќе многу капацитет за нови објекти.
А да и да прашам пошто глеам се вртата повеќе слики по веснициве кој е проектот избран за драмски театар, знам дека малку е надвор од темата ама и тој заедно со филхармонијата, стариот театар во близина на камен мост, како и стадионот се неколку поголеми градежни проекти кои или се започнати или се во почетна проектна фаза во скопјево.

 

[КиреМали 1911]

Еве го... state of art... Објектот кој ќе ја надополни сликата на урбаното развивање на најстрогиот центар на метрополата... Толку искрено ја покажува насоката во која се движи нашата држава... во непосредна близина до него стои објект (МОБ) со крајно импресионистички белези, едно време авантгардно насочен, можеби и повеќе одколку што требало. Во едно време, истиот сакал да симболизира напредок, поглед кон иднината, ментален развој. Ова, новокомпонираново... пресудете сами.

Македонска Опера и Балет (земен како репер поради неговата близина до локацијата на која се работи новиот објект)

И неповторливиот... нов... објект.



П.С. Американците, во времето на нивниот најголем економски и политички развој, сфатиле едно нешто - дека немаат традиција и сопствена историја. Сфатиле дека немаат корени од каде би црпеле за да се развиваат културно и уметнички. Тогаш, го измислиле (често спомнуваниот) термин - еклектицизам. За да звучи помоќно, го крстиле „академизам“. Во тој „стил“ се изградени најрепрезентативните амерички објекти, во време во кое цела Европа се стремеше кон развиток на модерни технологии и современи архитектонски простори. Во тоа време, Америка сите ја сметаа за естетски глува...

Е арно ама, америте се свестија со тек на време (како и за се, желбата да бидат супериорни ги доведе и до тоа) па после одредено време во неа живееја најпознатите и најкреативните архитектонски умови.

И да...ова, дури и кај нив, се случуваше пред повеќе од век и пол... Кога во тоа време подлежеше на светска критика, погодете колку ќе се импресионирани од нашава... „креативност“.

 

[Zaphod Beeblebrox]

Имаш право до некаде КиреМали 1911. Некако Американски стил во земја која има препознатлива архитектура со векови не е во ред. Толку убав стил имаме а ние копираме од земји без историја каде што историски објект е тоалет кој го користел некој претседател. Незнам но после експлозивната од стилови спомен куќа на Мајка Тереза ова ке биде врв на кичот и невкусот.

 

[girlll]

Со оглед на тоа што архитектонски е многу добро осмислена оваа зграда мислам дека не е така лошо да стои од другата страна на Вардар.
Го имам точно видено планот на зградава изработен во 3Д и прилега на местото.. Па зашто да биде празно на крај краева? За што ни служи вака и зашто би сметало нешто вакво таму? Идејата е сосема на место а со оглед на тоа што знам кој што како ќе биде и топ реализација. Не се бунете не ви градат во двор.

 

[КиреМали 1911]

Со оглед на тоа што архитектонски е многу добро осмислена оваа зграда мислам дека не е така лошо да стои од другата страна на Вардар.
Го имам точно видено планот на зградава изработен во 3Д и прилега на местото.. Па зашто да биде празно на крај краева? За што ни служи вака и зашто би сметало нешто вакво таму? Идејата е сосема на место а со оглед на тоа што знам кој што како ќе биде и топ реализација. Не се бунете не ви градат во двор.

Не драга, не ни градат во двор. Многу полошо - НИ градат на главниот плоштад во главниот град на НАШАТА Република. Самите, свесно или не, го негираат нашиот индентитет, градејќи нешто, нималку својствено за ова поднебје... многу својствено за поднебјето јужно од нас. Тотална бесмислица.

Во однос на тоа дали е добар проект или не, нема да развивам дискусија се дотогаш, додека некој не ми излезе со факти кои ќе ја одбранат неговата теза, и на кои јас ќе можам да возвратам со контрафакти и комплетен критички осврт. Дотогаш, нека стои само моето мислење (иако не е индивидуално) дека ова апсолутно НЕ Е архитектонски осмислено. Ова е она најлошото, најниското што некој архитект може да си го дозволи - копирано... копирано ОД ИСТОРИЈА. Прекопирано од копирантите амери (видете го нивниот Врховен суд, ќе ви стане јасно), на толку дрзок начин, покрај што промашувањето во изборот на неговата локација и другите side effects се незабележителни.

И на крај, да појаснам... 3D приказ на објектите кои се градат, како еден прилично нов прилог во работните проекти, постои со една и единствена цел - за да архитектонските лаици можат подобро да го восприемат еден објект. Од таквиот приказ, нити е планирано, нити може да се прочита програмската организација на објектот.

П.С. Подобро е едно место да остане стерилно од градби, празно и комплетно напуштено, одколку на истото да се вршат вакви бруталности и силувања на околниот простор.

 

[girlll]

Edit: ..Нема врска ај.

 

[КиреМали 1911]

Ок но сепак - Тоа не е на плоштад туку на другата страна на Камени.
И според финалниот концепт за кој што јас знам не изгледа воопшто како примерите што ги стави ти на сликите.. Или како нешто извадено од Америчката "историја"..
А ко што знам и не е ништо сменето и неговата надворешност пред се ја одсликува неговата уметничка функција. Не личи ко америчка влада или каква и да е влада воопшто. Од тоа јас што имам видено личи многу на архитектонскиот музеј во турска чаршија само со многу попрефинет изглед. А тоа па и не е така лошо. А местолокацијата воопшто не е е на плоштад и не го нагрдува градот па макар и ко белата куќа да е.
Абе нема врска.. Али нема потреба од протести и нешто ко првиот пост што наведува зошто и така ништо нема да се постигне. А со дискутирање ништо нема ни да се смени така да.. Тоа е што е. Ќе добиеме уште еден објект во Центарот на градот и тоа е.

Ќе ти реплицирам повторно, иако не ги исполни условите и не ми даде критичко осврнување и причино зошто ти се допаѓа објектот. Но, гледам дека не ти се сосема јасни некои работи, а се чувствувам обврзам како млад архитект да ги предочам... ако не за нешто друго, утре кога ќе стане некој инвеститор, да не биде залажувам од некој (како дотичниот на проектов) архитект...

Прво, околу...МЕСТОЛОКАЦИЈАТА Градски плоштад, по дефиниција претставува неизграден градски блок, отворена површина која се граничи и е дефинирана од изградените блокови или самостоечки објекти кои истиот го опкружуваат. Негова главна функција, покрај можноста за собирање на поголеми групи на луѓе и организирање на јавни манифестации, е пружање на најрепрезентативните видици на градот. Следствено, околу плоштадите секогаш се наоѓаат врвни, репрезентативни и неповторливи архитектонски дела - колку истите се пооригинални и единствени, толку и самиот град го прават поатрактивен и баран за посета. Според тоа, кога ќе се рече за некој објект дека се наоѓа НА градски плоштад, се смета на објект кој својата главна фасада ја истакнува кон плоштадот, со цел да го дефинира. Овој објект се наоѓа на уште постратешка позиција - ем го дефинира плоштадот, ем градежната линија на КЕЈОТ НА РЕКАТА, која пак, сама по себе е белег на Скопје.

Финалниот концепт за којшто ти знаеш, го гледаме и знаеме сите од поставениот 3D приказ во мојот пост. И за тоа дали изгледа така или не, ќе пресудат сите, кои имаат очи - за тоа веќе не е потребна критика. Само нормална човечка перцепција...

Која уметничка функција ја има еден Уставен суд? Сакам да ми одговориш, за да можам и јас да ја видам поврзаноста на оваа „функционална зграда“ со нејзиниот изглед. И кој е тој архитектонски музеј во Стара чаршија? Срам ме било, после цели студии на архитектура, не сум знаел за ваков музеј, нит сум го посетил ...

Крајно: Има потреба од протести. Има потреба од кажување на сопственото мислење и има потреба од дебата. Затоа што ова не е мое мислење, нити на уште неколку други - ова е мислење на секој здраворазумен архитект, за ова се даваат коментари од објективната европска архитектонска критика, а не само од нас. За нас архитектите, ова не е „само уште еден објект во центарот на градот“. За нас, објектите се наши деца, и деца на нашите пријатели архитекти. И не сакаме, кога гледаме како некој наш пријател, се изживува врз своето дете - затоа што го гледаме и сакаме како наше. Градот е светиња по дефиниција, место каде започнала и за цело време се развива цивилизацијата, нејзината култура, менталниот склоп... Градот е дефиниран од архитектурата. А неа, ја браниме ние, кои малку подобро ја познаваме. И сите, кои искрено го сакаат градот во кој живеат.

 

[Bacillus gagous]

јас пак ќе повторам местото е многу малу за ваков објект и воопшто за каков и да било објект. Има повеќе негативни работи. Од архитектонско-умтенички стил не го ни коментирам бидејќи и киремали и серпико се покомпетентни од мене. Ама ќе коментирам некои принципелни проблеми. Имено ко прво ова ќе биде ПРВИОТ ваков голем објект кој ќе биде директно на кејотведнаш до вардар и ќе биде поврзан со мост од другата страна. При ова ко прво се нарушува тотално концепотот да скопје има голем и широк кеј кој ќе се користи за шеталиште, со дурги зборови ќе го нагрди кејот на вардар и неговата концепција. Второ бидејќи ова ќе биде прв ваков објект ќе биде како чир односо како нешто што е насила ставено каде што не му е местото. Трето ЗОШТО МОРА МОСТ? зар малку ли се камениот мост и мостото кај бест вестерн екс гранд хотел? зар од варадар ќе правиме канал ли? Четврто сега ја гледам сликата со проектот постирана од кирте мали, и ако добор погледнете и ја споредите со сликата што ја постирав од проектот за новата филхармонија (за која имнео утре грујо ќе се фаќа пак за лопатата) кој сепак за разлика од овој објект одамна е планирана на даденото место и е со конкурс избран проектот, ќе видите дека со овој новиот чир од објект веднаш ќе се презасити дадениот простор. Али за да можете подобро да видите еве ви и чематски приказ што каде е и каде се има план да се гради.

 

[Zaphod Beeblebrox]

Мост? Мислиш тоа е врвот а тоа уште една планина на глупоста имало. Камени Мост е симбол на Скопје а со тој новиот мост ке се покрие (ако е толку блиску како што има на слика Бацилус). Друго што приметив од шемата е проблемот наречен ПАРКИНГ. Толку големи објекти сите наменети за публика или за поголеми собири на луѓе а ниту 1 поголем паркинг. А пак трето е Филхармонијата. Дизајнерски е одлична градбата али ке изгуби од убавина со локацијата. Само од 1 страна ке се гледа зашто од другите е заштитена од градби. Лошо и натрупано....

 

[Nemiseverue]

Абе ова е фарса... ги изградија и театарот и за холокаустот зградата, па затоа сега почињаме и со трето, четврто...

Иначе, кејот е градба, не се гради куќа врз куќа. Ова е фарса...

 

[Supreme06]

Добро бе... мора сè да нафукаат у радиус на 500 метри? Леее и црквата ко ќе ја замислам. И зграда, и театар и суд и Александар Велики и Хунзи и букефали и шмизли и курци. Еweтесе.

 

[Bacillus gagous]

Добро бе... мора сè да нафукаат у радиус на 500 метри? Леее и црквата ко ќе ја замислам. И зграда, и театар и суд и Александар Велики и Хунзи и букефали и шмизли и курци. Еweтесе.

Да беа 500 метри добро ќе беше ама ова се армин 200 метри радиус.

 

[Lincoln Burrows]

Катастрофа. :kesa:
Тој простор дефинитивно ќе се загуши.

Ама дефинитивно „нај“ во целата приказна е дотичниот мост кој ќе го покрие Камениот, а ќе претставува единствен влез за во објектот.

И сега, ако некој доаѓа од другата страна на Вардар ќе треба да го помине Камен мост за да дојде до плоштад, па после со новиот мост да се врати пак назад и да влезе внатре?
Или ќе има влез и од спротивната страна?

 

[*phoenix*]

Абе си игра Симс.Али ништо од ова нема да се изгради.Јас се обложувам во 10 денари.

 

[PacienT]

vladee urbanata mafia