Не тврдам дека ИСТА ВАКВА акција постои во Бугарија и Србија туку тврдам дека сите на најразлични начини се обидуваат да го стимулираат купувањето на домашни производи,
Различен начин, и 5 до 8 илјади денари по фискална каса или принтер кои ги платија трговците, се два различни поима.
Еве ти еден текст за да ја увидиш логиката на патриотските фискални:
Напишано од revoltiran007 на 17-04-08, 16:55
Здраво јас сум нов на форумот и прилично сум влезен во проблематиката со фискалните апарати наменети за македонскиот пазар.
Работам на софтвер кој работи со фискални апарати.
Последната одлука за фискалците предизвика голем револт кај мене лично. Иако можеби софтверашите ќе ќарат некој денар плус но сепак да ја погледнеме математиката.
Јас како програмер заработувам солидно за наши услови, не е важно колку, но доволно.
Како прво фактите:
Во Македонија оперираат некаде околу 55000 фискални апарати (каси и принтери).
Распределбата на пазарот е ваква 62% Accent, 28% Давид компјутери, и останатите се три помали фирми.
За да се прилагоди каса, ќе се плаќа 4500 ден а за принтер 8500 ден. Тоа се тие кои не си ги плаќале фактурите на годишно ниво а тоа се 80% од популацијата со фискални апарати. Да биде покомично ќе плаќаат и тие што редовно си ги плаќале годишните фактури но само пола, и тие што во последната година го купиле апаратот.
Да земеме средна вредност бидејќи тука се некаде 50-50 каси принтери. И нека е 6 100 средна вредност по апарат, малце помалку да компензираме за малцинството кое плаќа половина.
Добиваме 50 000 * 100 евра = 5 000 000 евра. 50 000 по претпоставка дека 5 000 апарати се вон употреба веќе.
Добиваме промет од околу 5 000 000 евра. Од тие пари 62% (3 100 000 евра) ќе земе Accent со тоа што само минимален верувајте многу минимален дел ќе отпадне на дистрибутерните фирми низ државата. Ова е многу горлив проблем кај дистрибутерите со кој постојано се во конфликт, минималната маржа која ја добиваат по фискален апарат од Accent и David е скоро никаква.
Значи да сумираме Accent добива околу 3 000 000 евра David нешто помалку од 1 500 000 евра.
Кои се трошоците на Accent или David?
Технологијата на фискалните не е наша и е купена од соседна Бугарија. Соседна Бугарија пак ја купува од Англиска фирма во 90 години од минатиот век. Денес не постои таа фирма мислам дека е пропадната. Сепак технологијата е разширена низ источна Европа ако не се лажам.
Истите фискални во Бугарија се буквално најмалку 2-пати поефтини. Значи фискален принтер е околу 200 евра и каса околу 100 евра. Ако земете софтвер од Бугарија истиот тој и тука би работел со истите фискални апарати. Толку се компатибилни.
Зборот ми беше дека технологијата не е наша и ние воопшто не сме ја развиле за да се исплаќа некој вид на лиценца на Accent или David за нивна технологија. Тоа е едно, друго е тоа што РАБОТНАТА РАКА И ДЕЛОТ КОЈ ТРЕБА ДА СЕ СМЕНИ НЕ ЧИНИ НИ ИЛЈАДА ДЕНАРИ ПРОСТО И ЕДНОСТАВНО. Accent и David купуваат на големо и фискалната меморија која ја купуваат (не знам од каде) а која е потребно да се смени не чини ни илјада денари.
Се на се профитот е огромен и станува збор за сума која надминува 2 000 000 евра кај едната и 1 000 000 евра кај другата фирма.
Интересно е тоа што во целата игра David компјутери се затечени без да бидат информирани за ништо и во последен момент им се кажува за потребата од промени, што го остава фактот дека сигурно Accent има повлечено некои врски.
Accent е инаку спонзор на кампањата на власт во минатите избори. Коинциденција а? Исто е конинциденција што еден од сопствениците на Accent му е роднина на премиерот.
Идејата да се исцицаат толкави суми за фискални на кои пишува колку е прометот за македонски производи е апсурдна. Сега интересниот дел зошто е ова е смешно:
1. Ова е екстремно нелегално и спротивно на нашите европски аспирации.
2. Во тежината на изборот каков продукт да купите, македонски или странски ништо друго не фигурира освен квалитет и цена. Никој мене со некоја фискална нема да ме убеди да купам македонски бојлер кога во последните 7 години менам два македонски бојлери. Никој нема да ме убеди да купам кечап Македонија после сезоната на продавање на скиснати кечапи Македонија. Тоа е како универзално правило на природата за енергијата, и во равенството на потрошувачката фигурираат само варијаблите Цена и Квалитет. Секој кој купува од патриотски причини во денешното општество такво какво е, е нерационален и кога тогаш ќе му удри во глава по што скапо ќе го наплати наивното однесување.
3. ОВА Е НАЈИНТЕРЕСНО. КАЈ ФИСКАЛНИТЕ ПРИНТЕРИ СЕТО МОЖЕ ДА СЕ ИМПЛЕМЕНТИРА НА СОФТВЕРСКО НИВО. ПОТПОЛНО СОФТВЕРСКИ МОМЕНТАЛНО ПРИНТЕРИТЕ ИМААТ СПОСОБНОСТ ДА ПЕЧАТАТ СЛОБОДЕН ТЕКСТ ПО ИЗБОР ПО ДИРЕКТИВА НА СОФТВЕРОТ. ОВА БИ ЗНАЧЕЛО ДЕКА НАЈМАЛКУ 2/3 ОД ПАРИТЕ ЌЕ СЕ ДАДАТ ЗА ИМПЛЕМЕНТАЦИЈА НА ФУНКЦИЈА ВО ФИСКАЛНИТЕ, А КОЈА ФУНКЦИЈА ВЕЌЕ ПОСТОИ. ОВА Е ЗОШТО ИДЕЈАТА ДА СЕ ИСЦИЦА ТОЛКАВА СУМА Е АПСУРДНА КОГА ФУНКЦИЈАТА КАЈ ПРИНТЕРИТЕ ПОСТОИ. Оваа точка внесува и дополнителна конфузија. Ако регулативата вели на фискалната мора да пишува колкав е прометот за македонски производи во неа сигурно не пишува да се менува фискалната меморија за да се постигне тоа. Што би спречило корисник на фискален принтер софтверски да си го имплементира тоа без да стапи во било каков контакт со Accent или David.
Да ви одговорам зошто поминав скоро еден час во пишување на овој текст и од каде тој револт.
Ако јас заработувам како што заработувам сега, за цел живот би требало да акумулирам некаде меѓу 100 000 и 200 000 евра што и најверојатно ќе се случи. Доволно да живеам, стан можеби кола, цел живот ќе го собирам тоа. Сега сопствениците на Accent кои верувам дека се бројат на прсти (не ги сметам нивните вработени кои најверојатно ги експлоатираат за 15 000 денари) ваквите пари па и повеќе ќе си ги лапнат за неколку месеци водење политика со власта. Не дека тие ја развиле технологијата, не дека технологијата е нешто нарочно или нешто скапо, НЕ ДЕКА Е ПОТРЕБНО (точка 3), и не дека ќе има ефект. Што е целта тука?
После ваква математика целта е јасна. Да се истриже уште еднаш македонскиот народ, некој да се наполни со пари, станови, коли и да се финансира одредена кампања. Некој вика не се многу 5000 денари. За жал не се 5 000 денари туку се 5 000 000 евра.
Ај да беше само ова ами приватизација на градежно земјиште намалување на животен стандард и куповна моќ. До питачки стап ќе не донесат со тие нивни даноци, давачки, "мали" издатоци. Се заради многу моќната и прекрасна држава во која живееме како да сме во Америка па ни пружа кој знае што.
