Рамковски нуди милион евра за сточарите
Коментари (1)
01.03.2009 18:31
В
Новиот газда на шведската млекарница Моше Баум ги пакува куферите за Мајами, а сточарите се уште се надеваат дека ќе го врати долгот.
Последниот изговор е блокираната сметка во „Комерцијална банка“. Пред две недели ја зема млекарата за само едно евро, млеко добиваше без пари, продаваше залихи и инкасираше 200 илјади евра на сметката на неговата фирма „Феникс Енерџи“.
Сето ова, пред очите на јавноста.
„Апелирам, многу лошо ќе биде, ќе си избега, меѓутоа ако избега, да не му дадеме парите да си оди. Тоа треба и државата да си види, односно тие што се грижат за законите, за криминалот, мора да видат, да не ни отиде со парите, тоа ќе не понижи“, вели Велија Рамковски, бизнисмен.
Рамковски смета дека сточарите со својот влог од 4 милиони евра, имаат повеќе право на млекарницата отколку сегашниот газда Моше Баум.
„Ако Моше станал со едно евро и не може да ги исплати, а сточарите имаат 4 милиона, фер е да им го предаде сопствеништвото на сточарите. Тоа е првото. Како ќе се организираат тие, сигурно со нивни претставници, да овозможат да работи млекарата“, рече Рамковски.
За да може млекарницата да работи, Рамковски предлага да им исплати на сточарите еден милион евра, односно да го врати долгот од 286 илјади евра и да авансира уште 714 илјади евра, се со цел, сточарите да закрепнат и да опстанат во овој преоден период, до новиот сериозен инвеститор.
Се јави супермен за спас на млекарите,изгледа малце пари му се од камати:pos2:
Ко не фаќаат млекарите стапот и по Моше и по Велија!