Knigava e izlezena od pechat kon krajot na 2006.
БОРЧЕ ТРАЈКОВСКИ: ОД ОСАКА ДО ДИЖОНСКА (2 ДЕЛ)
„ДОСИЕ БОЈ - ВРВНА ТАЈНА“
Добредојдовте во мојата животна приказна
Не е воопшто тешко да се констатира дека и понатаму тешко се живее во „Република Транзиција“! Колку и да се напрегам во барањето одговор на прашањето до кога ќе трае, се повеќе се соочувам со горчливата вистина дека тоа ќе се случува долго! „Фамилијата“ се повеќе ги зацврстува своите позиции во државава и се повеќе ни даваат на знаење дека се нескршливи и непроменливи. Капиталот постојано им се зголемува, а финансиската моќ се повеќе им расте! Тие, се посилно ја искажуваат својата моќ и врз политичките збиднувања во „Република Транзиција“, додека контролата врз општествените промени на животниот стандард кај обичните смртници речиси не ги интересира. Тие ладнокрвни човечки суштества успешно ја дозираат само својата моќ! Друго не ги интересира. Заштитата на криминалното потекло на нивниот имот, пари и капитал има приоритет бр. 1!
Колку и да беа спектакуларно најавувани „Промените“ во државава (‘98-та), па сега и „Преродбата“ (2006-та), толку побрзо доаѓам до заклучок дека ништо значајно нема да се случи! Кога на сето тоа ќе констатирам дека „Кумот“ на „Фамилијата“ е на највисоката позиција во државата, не ми преостанува ништо друго освен да се гризам самиот себе, да се јадосувам, заради повторената грешка, заради даденото крукче! А што друго ми преостанува? Сепак, нека остане запишано.
Ако ме прашате зошто не очекувам „Преродба“,одговорот е следен: Се додека „Држалникот“ не се елиминира од политичкиот живот во Република Македонија, нема Промени, нема да има ниту Преродба, нема Подобра Македонија, нема Подобар живот, нема ниту Чисти раце, ниту Вистина, ниту Правда, ниту пак ќе очекуваме своја сопствена држава! Се додека тој има и најмало влијание во политиката, ние ќе останеме Република Транзиција, или Македонија, или БЈРМ, или ОКТОПОД, или МАФИЈА, или... што било друго, само не Република Македонија! Неговата лустрација ќе значи почеток на крајот и на неговата „Фамилија“! Очигледно Груевски не е подготвен за пресметка со „КУМОТ“! Зошто, набргу ќе дознаеме! А што ако и дознаеме...?! И веднаш да расчистиме некои работи.
Не го мразам. Се гнасам од неговата дрскост и себичност. Ме тера да се срамам од сопствениот корен македонски, и единствено што ми преостанува е токму ова: да ја искористам својата природна дарба, па прераскажувајќи го сопствениот живот, да оставам пишана трага за нашите идни поколенија, кои можеби ќе го сретнат во историските читанки од петто до осмо одделение, опишан како многу значајна личност во плуралистичка и независна Македонија!? Како и да е, моќта на „Кумот“ не се изразува само преку моќта на „Фамилијата“, туку и преку контролата на значајните институции во државата. Сосема сеедно е дали е тој во опозиција или во позиција. Се плашам дека е поопасен кога е во опозиција!
http://www.vreme.com.mk/DesktopDefau...rticleID=81086
ps. Pover MKD, "realen" i ostanati- se izvinuvam na onie shto ne ve spomenuvam- treba da gi prochitate knigite na Borche Trajkovski.Toj beshe "vatren" obozuvach i podrzuvach na Branko Crvenkovski i eden od retkite koi go poznava vo "dusha".