"Та неа" прогнозира подраматична фаза на немирите во Атина и другите градови
Грчката армија на готовс!?
Мерките, според весникот, биле активирани по наредба на началникот на Генерал-штабот на армијата и тие, меѓу другото предвидуваат зголемување на бројот на војниците во состав на силите за брза реакција
Вооружените сили на Грција се ставени во состојба на зголемена готовност, поточно на жолтото (средно) ниво во рамки на зајакнатите мери за безбедност поради опасноста од нови инциденти за време на протестите на учениците, пишува грчкиот весник "Та Неа". Мерките, според весникот, биле активирани по наредба на началникот на Генерал-штабот на армијата и тие, меѓу другото предвидуваат зголемување на бројот на војниците во состав на силите за брза реакција.
"Та неа" пишува дека војниците од Центарот за обука во Навплион изјавиле оти им било наредено да бидат во зголемена состојба на готовност и да го обезбедуваат влезот на воениот објект за време на генералниот штрајк што го организираа двата најголеми синдикати во Грција. Воени извори, пак, за весникот кажале дека не станува збор за мерки на готовност, туку за мерки за обезбедување на воените објекти, кои се во сила од неделата кога ескалираа немирите во земјата.
И вчера се протестираше во Атина, каде околу 4.000 лица, главно студенти, фрлаа Молотови коктели врз полицијата која одговори со солзавец за време на демонстрации во центарот на Атина. "Крвта тече и бара одмазда", "Еден во земја, илјади на улица" скадираа демонстрантите, кои го носеа и секојдневниот транспарент "Држава-убиец". Радиостаницата Флеш ја запоседнаа околу 80 студенти, објавија соопштение и пуштаа музика по свој избор околу половина час, јавија западни медиуми.
извор вечер
)
