Сериски броеви

[Ankica]

Ме интересира како ги препознавате "сериските броеви" ,можеби тие навистина се сложуваат со мнозинството и тоа е нивен став, а и да не е тие се декларираат дека тоа е нивен став .

 

[Сатори]

А што е со сериските броеви кои мора да се такви за да не наидат на осудување од останатите?

Тоа јас лично го сметам за слабост, да мораш да го прилагодуваш својот карактер или во драстични, крајни случаи трајно да го измениш само за да бидеш прифатен од околината.
Да, сите ние мораме да бидеме дел од општеството и да ги почитуваме правилата за да можеме да егзистираме во него, но да бидеме сите исти и да ги имаме комплетно истите ставови, сфаќања и идеи.
Тоа е веќе сериско производство.

Што е со тие кои ништо незнаат и мора да учат од другите и автоматски стануваат копија на некој?

Да учиш од некој не е да бидеш негова копија!
Ти си копија на твоите родители затоа што си учел од нив, на твоите професори затоа што ти пренеле одредено знаење?
Не мислам.

И за крај што ќе се случи ако и во реалност почнеме да се копираме еден од друг, онака целосно без никакви варијации во копирањето, ќе создадеме ли подобро место за живеење?

Моето лично мислење е дека така ќе пропадне општеството.
Спротивностите се тие што го движат и што создаваат.

Не,темата стои за копии,а копии се јавуваат од повеќе причини,не е само твојата.
Интригантно е тоа што ти ги браниш и оправдуваш,а целото нивно размислување се темели за они да размислуваат како што размислуваат прифатените.
Притоа претпоставката дека општеството ги диктира правилата спрема мнозинство,а не према објективни причини од кои може да заклучиме добро/лошо,се губи целиот мерен систем.

А ако индивидуата тоа не го гледа,како прво,и се плаши од тоа да мисли,како второ,тогаш тоа е веќе разјаснето,стравот го прави своето.
Е затоа не вреди да дискутираме за нив,се е јасно.

Таму ми е уште една поента на темава.
Размислувањето со сопствена глава е она што е битно, дури и ако генерираш сличен став како оној на твојот најголем пријател или непријател ти си го донел заклучокот преку процес на размислување.
Не си го прифатил само за да бидеш прифатен.:jaj:

И мене не ми се допаѓа овој назив=сериски броеви, но сепак постојат и такви луѓе како некој што пиша погоре кои прават и мислат онака како и мнозинството.

Мене напротив многу ми се допаѓа, на совршен начин ми го опишува човекот што нема сила да мисли разумно туку се води по она што го мисли толпата.

Ме интересира како ги препознавате "сериските броеви" ,можеби тие навистина се сложуваат со мнозинството и тоа е нивен став, а и да не е тие се декларираат дека тоа е нивен став .

Јас ги препознавам по тоа што се појавуваат како карактери кои што немаат способност за размислување.
Понекогаш е доволен еден разговор за да се примети таков тип на човек, но хеј, секогаш има можност за грешка.:smir:

 

[Мартин$]

Гледам многу сложени мислења давате, и да сакам да копирам неможам, нема да личам на мене а исто и за другите важи, лесно се гледаат таквите Муабетот ми беше дека постови од типот еден за сите, сите за еден ги имало најмногу за еден член да се доближи до друг или пак мислењата се поклопувале па на вториот го мрзело да напиши или поверојатно таквите се во фан клуб и сл.
Незнам дали мислиме на истото или на сосема друго и незнам дали точно в разбрав..и то

 

[Дивајн]

Ај пак, по ред, бидејќи осеќам како нешто сум пропуштила, освен ако не сум сериски број, кој не знае да мисли со своја глава.:kesa:

Што мислите за овие типови на луѓе?

Сериските броеви кои што секогаш размислуваат така како што размислува толпата, што би рекол Ниче, има само еден пастир и само едно стадо, тие што се различни доброволно заминуваат во лудница, но сепак, пластично да објаснам за да не дојде до недоразбирање:
Се отвара тема еве во Општи муабети и 90% од мислењата ќе бидат слични, ако не и исти, напишани од еден човек со различен ник.

Прво, навистина морам уште еднаш да кажам дека ми смета што некои луѓе се нарекуваат сериски броеви. Како може еден сложен човек да е прост број? :jaj:
Е сега, мене темава, вака поставена ми изгледа дека бара од мене да одговорам што мислам за ЛУЃЕТО, кои размислуваат како толпата. А за нив или нас, што да мислам посебно? Еве и со пример ... ако дел од толпата (или дел од форумџии на тема) мисли дека хомосексуалците не се болни луѓе, а со тоа се сложувам јас т.е. го мислам истото, сериски број сум? Не би рекла.

Тоа јас лично го сметам за слабост, да мораш да го прилагодуваш својот карактер или во драстични, крајни случаи трајно да го измениш само за да бидеш прифатен од околината.

Еве пример и со карактер. Ако некоја група луѓе се добри и чесни, а јас истото го одобрувам и сум иста таква, значи ли дека сум сериски број? Пак не би рекла.

Да, сите ние мораме да бидеме дел од општеството и да ги почитуваме правилата за да можеме да егзистираме во него, но да бидеме сите исти и да ги имаме комплетно истите ставови, сфаќања и идеи.
Тоа е веќе сериско производство.

Никој не кажува дека сме сите исти, но мене страшно ме интересира како замислуваш сите да бидеме различни? Различни во што? Како може никој со никого да не најде никаква сличност?

Да учиш од некој не е да бидеш негова копија!
Ти си копија на твоите родители затоа што си учел од нив, на твоите професори затоа што ти пренеле одредено знаење?
Не мислам.

Па според тоа што ти го тврдиш, тоа се токму копиите за кои зборуваме. Ако јас од мама сум научила каков човек да бидам, сигурно сум и нејзина копија, не? Мислам, ако не сум нејзина копија, од некој друг човек со кого ќе се сложам за одредена работа, уште помалку сум.

Моето лично мислење е дека така ќе пропадне општеството.
Спротивностите се тие што го движат и што создаваат.

А во кое општество нема спротивности? Значи пак сакам да прашам, на што мислиш кога пишуваш "сериски броеви". Ако се сериски броеви, помешани со вакви муабети, сакаш ли да кажиш дека еве ние сите сме исти или копии од еден човек?

Таму ми е уште една поента на темава.
Размислувањето со сопствена глава е она што е битно, дури и ако генерираш сличен став како оној на твојот најголем пријател или непријател ти си го донел заклучокот преку процес на размислување.
Не си го прифатил само за да бидеш прифатен.:jaj:

Значи ако мојот став е сличен или ист со твојот, јас не сум размислила со своја глава? Претходно некако само тоа го потенцираш, за наеднаш да кажеш дека сепак бројот не е сериски доколку претходно сам не го размислил нештото. Ова повторно ме збунува. Во тој случај, за кого правиме муабет? Од каде знаеме кој "број" размислил, а кој не? По што ги распознаваш ти бројките од луѓето?

Јас ги препознавам по тоа што се појавуваат како карактери кои што немаат способност за размислување.
Понекогаш е доволен еден разговор за да се примети таков тип на човек, но хеј, секогаш има можност за грешка.:smir:

Стоп, еве одговор на дел од моето прашање, иако не го сфаќам пак. Ги препознаваш "бројките" по тоа што се појавуваат како карактери кои што немаат способност за размислување. Какви карактери се тоа?
Ако ова има логика, која е без намера да навреди еден куп ЛУЃЕ, јас ќе се прекрстам во Сериски Број.:kesa:

Луѓето имаат обичај да прифаќаат туѓи мислења затоа што е поедноставно, не ги придвижуваат своите виуги, туку веруваат на збор, особено ако тоа (што и да е) им го каже некој кој за нив е авторитет. Па потоа истото го прераскажуваат понатаму со што стануваат буквално сериски број. Копија на првиот примерок.

Ако некој човек прифати нечиј став, не значи дека не размислил, па одлучил дека сака да го прифати.
И ете, се` по ред поминав и пак ништо не сфатив.

Незнам дали мислиме на истото или на сосема друго и незнам дали точно в разбрав..и то

Нема што да се разбере всушност. Збрка и напор е темава:smir:

 

[ada]

Толпи, уникатност, стадо, копирање, Ниче...све до едно пубертетлиски маки.
Човек си, припадник си на една врста, и сакал ти или не, сличен си на останатите.
Не, не си посебен и уникатен. А, патетичен и беден си кога сакаш да ја нагласиш својата т.н оригиналност.

Постојат универзални вистини. Тоа се обично оние животните, суштинските. И многу понормално е да има заеднички став околу нив, отколку некој со сила да измислува топла вода.

Уникатност, оригиналност...што воопшто значат овие поими?

Како и да е, Ниче многу сакал да верува у својата посебност и да го замени Бог со неговиот над-човек...Резултатот на неговите стремежи - полудел и зборел со коњи на улица. Колку оригинално и вонсериски.

 

[Apokalipto]

...Резултатот на неговите стремежи - полудел и зборел со коњи на улица. Колку оригинално и вонсериски.

Ама битно си ја постигнал целта... сите околу него биле заостанати, а тој ја постигнал уникатноста

...je рајт...

 

[leandra]

Ада во филозофија и психологија рече (парафразирам):Блазе си ви на леснотијата со која живеете!Да,блазе им,со која леснотија го прифаќаат животот,можеби е навистина полесно друг да мисли за тебе.Така ќе се стопиш со толпата и толпата ќе те стопи тебе.Размислување во граници,се понатаму е губење време,и онака мнозинството нема да го прифати,а што е мнозинството тоа си и ти.
Генерално сите сме од ист калап,луѓе со две раце и нозе,плус мозок.Генерално сите припаѓаме во некоја група,класификација.Но сепак се разликуваме во нијансите,кај некого има широка лепеза,кај некој има само црно-бела комбинација,а кај некој само една боја,што ќе му се останатите.

 

[ada]

Ада во филозофија и психологија рече (парафразирам):Блазе си ви на леснотијата со која живеете!Да,блазе им,со која леснотија го прифаќаат животот,можеби е навистина полесно друг да мисли за тебе.Така ќе се стопиш со толпата и толпата ќе те стопи тебе.Размислување во граници,се понатаму е губење време,и онака мнозинството нема да го прифати,а што е мнозинството тоа си и ти.
Генерално сите сме од ист калап,луѓе со две раце и нозе,плус мозок.Генерално сите припаѓаме во некоја група,класификација.Но сепак се разликуваме во нијансите,кај некого има широка лепеза,кај некој има само црно-бела комбинација,а кај некој само една боја,што ќе му се останатите.

Ама тоа се само нијанси. Суштината е една и иста.

Да даваш квалитативна тежина, во смисол подобар и плош за некој, само затоа што за одредена проблематика не сака да троши којзнае колку време, е прилично самобендисано, а и нереално.
Тоа што за мене е сеедно дали хомосексуалците ќе излезат на парада, и ставот ми е, нека прават шо сакаат, додека за некој геј тоа е од итекаква важност, се информира за истото и сл., мене не ме прави игноратен дел од толпата, а него освестен поединец со критичко мислење.
Исто како што Македонците кои ќе искочат на некој протест за татковината, не се само прост дел од толпата, а оној кој одстрана ќе мрси муда, не е оригинална независна индивидуа.

Како и да е, агресивното наметнување на нечија т.н уникатност е незрело и, повторно, самобендисано. И најчесто е одлика на адолесцентите кои се обидуваат да се изградат како личности, па си бараат модел, за кој ќе сметаат дека е посебен, иако реално, баш и нема "посебни" нешта, туку се се сведува на типологии. Да, постојат типови на луѓе, карактери итн, кои се разликуваат. Но, целовитоста, сржта на нештата, е прилично идентична.

 

[leandra]

Како и да е, агресивното наметнување на нечија т.н уникатност е незрело и, повторно, самобендисано. И најчесто е одлика на адолесцентите кои се обидуваат да се изградат како личности, па си бараат модел, за кој ќе сметаат дека е посебен, иако реално, баш и нема "посебни" нешта, туку се се сведува на типологии. Да, постојат типови на луѓе, карактери итн, кои се разликуваат. Но, целовитоста, сржта на нештата, е прилично идентична.

Правејќи се уникатен ќе завршиш во штала.Форсирано издвојување од толпата е незрело.Но сепак сржта е прилично идентична,не е целосна.
Нема копија на човекот,секој човек е посебен на свој начин.Но во размислувањата наоѓаме заеднички ставови,тоа не не прави бледи копии.Ако јас и ти на темава имаме исти ставови,на друга немаме,како може јас и ти да сме сериски броеви?
Но постојат и луѓе кој само климаат со глава и на прашања од типот дали магарето лета,одговараат потврдно.Тоа не значи дека немаат свое мислење,но секогаш го кажуваат она што сака лидерот(водачот.авторитетот) да го слушне.Благодарение на нивниот голем број,верувам дека Сатори се инспирирала да ја отвори темава.

 

[FrEaKy GiRL]

Сериските броеви лесно се приметуваат. За среќа не сум дел од нив. И не ни сакам да бидам. Имам мои мислења и ставови. Мои се. Сигурно и некој друг размислува како мене...што е нормално, зашто сепак, некогаш се нема мн. опции. Или е едно или е друго. Си ги кажувам мислењата, без разлика дали има некој што мисли исто како мене, или различно. За некои работи имам некои доста различни мислења од луѓето со кои сум опкружена, но не се замарам премногу со тоа. Дури и некои ме сметаат за чудак. Барем знам дека тие мислења се мои. Лични. Сериските броеви ги сметам за луѓе без лично ЈАС. Без сопствени ставови. Без сопствени мислења. Тие всушност немаат мислења. Го мислат тоа што некој друг го мисли, и врз таа основа, не може да им се цени мислењето. Можеби доколку ми се допаѓа ќе го ценам, но не нивното, туку на тој што ги навел така да мислат.

 

[Natural-girl]

Муабетов ме потсеќа на "Always remember you are unique, just like everyone else."
Песимистичка фраза, како и онаа од Fight club, [FONT=georgia, bookman old style, palatino linotype, book antiqua, palatino, trebuchet ms, helvetica, garamond, sans-serif, arial, verdana, avante garde, century gothic, comic sans ms, times, times new roman, serif]"You are not a beautiful and unique snowflake. You are the same decaying organic matter as everyone else, and we are all part of the same compost pile."[/FONT]
Јас едноставно не сакам да верувам дека се` се сведува на типологии, како што вели Ада. Не, мислам дека секој е посебен на свој начин. Во секој случај, дури и ако е еден од "сериските броеви" е различен поради изборот што и кој да копира, а и како да го копира.
Значи, избегнувам личности кои прифаќаат туѓо мислење без да го размислат истото со своја глава, кои не се сомневаат, но избегнувам и личности кои се држат до својот став ко слепи за стап, како да е тој став единствениот на светов.

 

[PSYtisfaction]

Ќе го баталам општеството и пустата човекова желба да биде јуник индивидуалист, и ќе се осврнам на форумскиот контекст.

Се отвара тема еве во Општи муабети и 90% од мислењата ќе бидат слични, ако не и исти, напишани од еден човек со различен ник.

90% е претеран процент, ама ајде.

Какви сакаш да бидат мислења во тема во Општи муабети? Или сеедно во кој подфорум, поентата е дека имаш прашање, кое бара да/не(образложи) одговор, и 100 форумџии што ќе го одговорат. Ај да ги разглеаме опциите преку пример.

„Тимски играч или индивидуалист?“
Како сакаш врти, јасно е дека секој што ќе одговори мора да е или тоа или тоа, значи пола од мислењата ќе бидат приближно исти, или барем со иста срж, а поразлични образложенија, зошто никој исто не се изразува.
Што треба, топла вода да измислуваме, нов вид на „играч“ за да испаднеме пофраери од „овците“ над нас?

„Секс во темница или во светло?“
Јеботе, трета опција (за да испаднеш индивидуалиста) би била едино „на свеќа“

„Како заведувате?“
Еве ти дури и тема што не бара да/не одговор, туку лично искуство/став/стил, ама дури и тука „методите“ се ограничени, и одговорите ќе се сведат на 5-6 различни, од кој најчест одговор ќе биде некој од типот:„Па немам разработено стратегија, спонтан сум, како ќе ми дојде.“
И зошто е тоа така?
Ти викаш- затоа што се копираме меѓусебно.
Јас викам- има премногу различни карактери, а премалку можни ставови по одредено прашање и многу логично е дека најголем дел од нив ќе се поклопуваат. Тоа не значи дека ако ти пишеш нешто и јас се сложам дека те копирам и ме мрзи разумот да го употребам за да смислам свој став; едноставно значи дека делиме мислење, како што делиме и многу други заеднички човечки нешта.

Тргни од тоа дека не постои оригинал, за да би постоела копија.

Мене па не ме нервирКаат овие твоиве копии, туку членови што се пренамагаат и глумат лудило за да испаднат интересни, поразлични и да паднат во очи.
А искрено, помили ми се 10 форумџии со ист став, отколку една форумџика што ќе го каже истото што и тие 10 пред неа, само на така зачинет, нејасен, нелогички поврзан и забеган начин, и тоа неа ја прави оригинална, наспроти сериските броеви?

Крајно, најинтригантното прашање за мене, како може воопшто да се цени мислењето на серискиот број кога сепак не е негово?:raz:

Како тоа не е негово? Ако он го кажал, негово е, без оглед на тоа колкумина го кажале пред него.
Кое мислење ти би го оценила за свое воопшто, ако така гледаме? Мислиш дека можеш да најдеш мислење кое никогаш претходно на никој пред тебе не му текнало? Абе старо човешство сме ние, а богами и креативно, се што можело се измислило, напишало, кажало. Ниедно мислење не е наше ако така гледаме и сите до еден сме сериски броеви.

Плус и ова...

Секој човек си има свои сфери на интересирање во животот, за работи што се вон тие полиња најчесто го прифаќа општоприфатеното мислење од причина што нема мотив што ќе покрене реакција да изгради свое. Најчесто и махинално. Тоа воопшто не го прави сериски производ.

Фино кажано.

Јес да, можев ја сеа на пример и да му контрирам на Батистута и да глумам дека не се слагам чисто за да испаднам кул индивидуалиста со свое мислење кое не е овца од класата на сериски броеви.


Мајке ми, сум претерала. :nesvest:

 

[Сатори]

Човек си, припадник си на една врста, и сакал ти или не, сличен си на останатите.
Не, не си посебен и уникатен.

Сите ние сме сериски броеви, на еден или на друг начин. Апсолутно секое човечко битие. Никој не е посебен.

Со самиот почеток на темата Трн го кажа другиот дел од огледалото, а јас кога ја поставував темата не алудирав на посебност, оригиналност, туку на тоа дека е појавата на „слепо следење на лидерот“ е се пораспространета и пораширена.
Трн убаво кажа, сите ние сме на некој начин сериски броеви, ама:

Генерално сите сме од ист калап,луѓе со две раце и нозе,плус мозок.Генерално сите припаѓаме во некоја група,класификација.Но сепак се разликуваме во нијансите,кај некого има широка лепеза,кај некој има само црно-бела комбинација,а кај некој само една боја,што ќе му се останатите.

Она што јас го наоѓам за одвратно и репулсивно е фактот дека понекогаш луѓето воопшто не се трудат да размислат за конкретниот случај, туку само ги прифаќаат готовите решенија без воопшто да вложат напор во нивното анализирање.

Тргни од тоа дека не постои оригинал, за да би постоела копија.
Мене па не ме нервирКаат овие твоиве копии, туку членови што се пренамагаат и глумат лудило за да испаднат интересни, поразлични и да паднат во очи.

Секој може да биде и оригинал и копија ако има желба за тоа.Сократ го учеше Платон, а Платон Аристотел, нивните филозофски уверувања ако добро се разгледаат се светлосни години разлика, а сепак имаат сличности.

Секој не сака различни работи, ете уште еден пример каде се разликуваме.:smir:

 

[Nemiseverue]

Плус и ова...

Секој човек си има свои сфери на интересирање во животот, за работи што се вон тие полиња најчесто го прифаќа општоприфатеното мислење од причина што нема мотив што ќе покрене реакција да изгради свое. Најчесто и махинално. Тоа воопшто не го прави сериски производ.

Но токму тоа го прави сериски производ. Махиналното повторување го прават Ара папагалите, по фризбито илјада и еднаш ќе истрча добро истренирано куче а на павлов рефлекс реагираат мачките. Луѓето се способни да смислат свој став.

Муабетот ми е, во ситуација каде (еве на форумот се осврна), веќе нема што да се каже, тема која бара дискусија, нема никаква поента да повториш став. Но погледни ја оваа тема, и покрај тоа што повеќето се против “Саториевиот феномен - сериски број“ сите знаат да го искажат тоа што го имаат на свој начин и да додадат по нешто свое па дури и да се спротистават на делчиња кои не им се допаѓаат од истомислениците.
Уствари, целата тема е во поинаков правец од тоа ја што сфатив... ова уствари...

Она што јас го наоѓам за одвратно и репулсивно е фактот дека понекогаш луѓето воопшто не се трудат да размислат за конкретниот случај, туку само ги прифаќаат готовите решенија без воопшто да вложат напор во нивното анализирање.

...е поентата на темата, само шо Сатори никад не знае да го пренесе тоа на соговорникот. Не е проблемот што сите ние во глобала на некоја тема ќе наидеме на исто мислење, проблемот е што ако (хипотетички) Дивајн напише дека е против абортус, Викторгг веднаш ќе се сложи со тоа и ќе го поддржи нејзиното мислење. Причини за тоа има илјада. Блиски пријатели, роднини, интимни врски, you name it. Или, едноставно, Псај има кул начин на пишување, Апокалипто ја обожава на форумски начин, и без воопшто да размисли за тоа, уште пред да го прочита мислењето ќе се сложи со истото. Тоа се сериски броеви, и метафората е ептен убаво погодена.

 

[Мишелинка]

Сите ние сме исто - ѕвездена прашина.
Не е тоа ни страшно, ни грозно, ни жалосно...
Прекрасно е. Пред се затоа што оние малку нијанси кои ги има кај секој од нас - размислување, изглед, дејствија - направиле да имаме цивилизација која заслужува да се почитува. Заедницата (сериските броеви се овде), во тандем со личната љубопитност, знаење и способности се добитната комбинација која направила да е човештвото такво какво што го знаеме денес.