Битка за опстанок на „Филип Втори“
Најтрофејниот фудбалски клуб во земјава, Вардар, денеска (13 ч.) на „Филип Втори“ како увертира во 30. прволигашко коло го игра решавачкиот меч сезонава, во која бие битка за опстанок. Со евентуална победа против директниот конкурент Скопје, „црвено-црните“ можат да се надеваат дека до крајот на 19. шампионат ќе стигнат барем до позицијата, која дава можност преку бараж да се задржи прволигашкиот статус. Со евентуален неуспех Вардар за првпат од осамостојувањето во новата сезона нема да биде дел од елитното фудбалско натпреварување.
На четири кола пред крајот, Скопје е на 10. позиција со пет бода предност пред Вардар. На денешната пресметка бодовната разлика му дава психолошка предност на лигашот од Автокоманда.
Преостанатите пет натпревари од денешното 30. коло се играат со почеток во 16,30 часот: Работнички - Металург, Ренова - Тетекс, Хоризонт Турново - Шкендија, Напредок - Брегалница, Пелистер - Силекс.
Утре во второлигашката конкуренција се среќаваат (16,30 ч.): Цементарница - Охрид 2004, Миравци - Беласица, Влазерими - Еуромилк, Ринија - Тиквеш, Охрид Лоте - 11 Октомври, Новаци - Дрита, Влазними - Локомотива (се игра во Прилеп).
извор: Дневник
--- надополнето ---
deneska ocekuvam momcite da izginat na teren i se nadevam deneska nema da pravat greska po levata strana kako sto pravea na predhodnite natprevari
