Германскиот судија Волфганг Штарк досега четирипати му судел на актуелниот европски првак Манчестер Јунајтед и трипати на Интер и ниту еден од двата тима не успеал да оствари победа кога тој бил на должност. Дури и своето деби во ЛШ (трето квалификациско коло), Штарк го има на натпревар на Јунајтед против Залаегерсег на 14 август 2002 година и унгарскиот тим тогаш победил со 1:0.
ПОЛ СКОЛС: "Го знам рецептот за вкупна победа против Интер. Треба само да одиграме како лани со Барселона кога рано постигнавме гол и потоа го одбранивме резултатот. Ќе се обидеме и сега да се однесуваме на истиот начин".
- Манчестер Јунајтед го елиминира Интер во четврт-финалето од Лигата на шампионите во сезоната 1998/99 и потоа ја освои својата втора титула во ова натпреварување.
- Актуелниот европски првак нема пораз на домашен терен 18 натпревари по ред, но на Интер му е доволен и нерешен резултат со постигнат гол за да помине во следната фаза.
- Како тренер на Челзи, Порто и Интер, Мурињо има само два порази од Манчестер Јунајтед во вкупно 13 дуели. Неговиот скор е 6-5-2.
- Кристијано Роналдо има 16 упатени удари, најмногу од сите во ЛШ.
- Јунајтед има само три примени гола сезонава во ЛШ, најмалку од сите екипи.
- Јунајтед досега не примил гол во првите 15 минути од натпреварите.
