Мене па чудно ми е што речиси истото се случи и во Канада пред ден-два...
Канадската јавност е во шок од незапаметеното злосторство кое се случило во меѓуградски автобус, кога еден од патниците на свиреп начин го убил сопатникот, кого не го познавал. Откако најнапред со ловечки нож го прободел 50-60 пати, потоа сосема смирено му ја отсекол главата.
Осомничениот маж на возраст од 40 години бил уапсен кога се обидувал да побегне од автобусот на линијата Едмонтон-Винипег. Според изјавите на очевидците 19-годишното убиено момче, со слушалки на главата спиело на седиштето до убиецот. Напаѓачот одеднаш извадил нож и почнал безмилосно да го прободува.
Патникот кој седел на седиштето пред нив, тврди дека во текот на патувањето убиецот и неговата жртва воопшто не комуницирале. Кога слушнале страшен вресок, виделе како мажот стои над момчето и без престан го боде со ножот. По некое време, го спуштил на подот од автобусот и почнал да му ја сече главата.
”Додека го прободуваше, тој беше необично мирен. Во него немаше гнев, ниту каков било излив на бес. Како некаков робот го бодеше телото на момчето”, ја раскажува ужасната глетка патникот Гарнет Катон.
Набргу по почетокот на нападот сите патници се симнале од автобусот а тројца мажи ја блокирале вратата. Откако убиецот не успеал да го стартува автобусот, мирно отишол до телото, ја земал главата на својата жртва и им ја покажал низ прозорецот. Потоа ја фрлил отсечената
глава и продолжил да го сече мртвото тело.
По извесно време, на местото пристигнала полиција, која откако го опколила автобусот, успеала да го уапси свирепиот убиец.
